Cloud 3 Cooling Fan: ಎಸಿ ಕೆಟ್ಟಿದೆ ಅನ್ನೋ ಟೆನ್ಷನ್​ನಲ್ಲಿದ್ದೀರಾ? ಬಂದಿದೆ ನೋಡಿ ಕ್ಲೌಡ್​ ಕೂಲಿಂಗ್ ಫ್ಯಾನ್​

ಸಾಮಾನ್ಯವಾಗಿ ನಾವು ಏರ್ ಕೂಲರ್​​ನಲ್ಲಿ ನೀರನ್ನು ಸುರಿಯುತ್ತೇವೆ. ಆದ್ದರಿಂದ ತಂಪಾದ ಗಾಳಿಯು ಸಹ ಬರುತ್ತದೆ. ಆದರೆ ಟೆಕ್ನಾಲಜಿ ಫ್ಯಾನ್ ಒಂದೇ ಇದ್ದರೆ ಈ ಏರ್​ಕೂಲರ್​ನ ಅಗತ್ಯನೇ ಇರಲ್ಲ. ಇದೀಗ ಇಂತಹದೇ ಫ್ಯಾನ್​ ಒಂದು ಮಾರುಕಟ್ಟೆಯಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಓರಿಯಂಟ್ ಎಲೆಕ್ಟ್ರಿಕ್ ಕಂಪನಿಯು ಕ್ಲೌಡ್ 3 ಕೂಲಿಂಗ್ ಫ್ಯಾನ್ ಅನ್ನು ಬಿಡುಗಡೆ ಮಾಡಿದೆ. ಕಂಪೆನಿಯ ಪ್ರಕಾರ, ಈ ಫ್ಯಾನ್ ಕೋಣೆಯ ಉಷ್ಣಾಂಶವನ್ನು 12 ಡಿಗ್ರಿಗಳಷ್ಟು ಕಡಿಮೆ ಮಾಡುತ್ತದೆ. ಈ ಉದ್ದೇಶಕ್ಕಾಗಿ ಈ ಫ್ಯಾನ್ ಕ್ಲೌಡ್‌ಚಿಲ್ ತಂತ್ರಜ್ಞಾನವನ್ನು ಹೊಂದಿದೆ ಎಂದು ಕಂಪೆನಿ ಹೇಳಿದೆ.

ಕಂಪೆನಿಯ ಪ್ರಕಾರ, ಈ ಫ್ಯಾನ್‌ನ ಬ್ಲೇಡ್‌ಗಳು ಕೋಣೆಯಲ್ಲಿ ತಂಪಾದ ಗಾಳಿಯನ್ನು ಪ್ರಸಾರ ಮಾಡುತ್ತದೆ. ಇದು ಮೂರು ಹಂತದ ಕೂಲಿಂಗ್ ಹೊಂದಿದೆ. ಆದ್ದರಿಂದ ನಮ್ಮ ಅವಶ್ಯಕತೆಗೆ ಅನುಗುಣವಾಗಿ ನಮಗೆ ಎಷ್ಟು ಕೂಲಿಂಗ್ ಬೇಕು ಎಂದು ನಾವು ಈ ಟೆಕ್ನಾಲಜಿ ಮೂಲಕ ನಿರ್ಧರಿಸಬಹುದು.

ಈ ಫ್ಯಾನ್ ಕೂಲರ್ ನಂತಹ 4.5 ಲೀಟರ್ ಟ್ಯಾಂಕ್ ಹೊಂದಿದೆ. ನಾವು ಅದನ್ನು ನೀರಿನಿಂದ ತುಂಬಿಸಬೇಕು. ಆ ನೀರು ಸುಮಾರು 8 ಗಂಟೆಗಳ ಕಾಲ ಇರುತ್ತದೆ. ಅದೇ ಈ ಫ್ಯಾನ್​​ನ ವಿಶೇಷತೆ. ಒಮ್ಮೆ ನೀರು ತುಂಬಿಕೊಂಡು ಮಲಗಿದರೆ ಮತ್ತೆ ಏಳುವವರೆಗೆ ನೀರು ಹಾಕುವ ಅಗತ್ಯವಿಲ್ಲ. ಆದ್ದರಿಂದ ಚೆನ್ನಾಗಿ ನಿದ್ದೆ ಮಾಡ್ಬಹುದು.

ಇನ್ನು ಈ ಫ್ಯಾನ್ ಕಡಿಮೆ ಕರೆಂಟ್ ಬಳಸುತ್ತದೆ ಎಂದು ಕಂಪೆನಿ ಹೇಳಿದೆ. ಇದು ಕೂಲರ್ ಅಥವಾ ಎಸಿಗಿಂತ ಕಡಿಮೆ ವಿದ್ಯುತ್ ಅನ್ನು ಬಳಸುತ್ತದೆ. 8 ಗಂಟೆಗಳ ಕಾಲ ಫ್ಯಾನ್ ಬಳಸಿದರೆ 1 ಯೂನಿಟ್​ನಷ್ಟು ಕರೆಂಟ್ ಖರ್ಚಾಗುತ್ತದೆ ಎಂದು ಕಂಪೆನಿ ಹೇಳಿದೆ.

ವಿಶೇಷವಾಗಿ ಸುಗಂಧ ವಿತರಕವನ್ನು ಸಹ ಹೊಂದಿದೆ. ಆದ್ದರಿಂದ ಡಿಸ್ಪೆನ್ಸರ್‌ನಲ್ಲಿರುವ ಸುಗಂಧ ದ್ರವ್ಯವನ್ನು ನೀರಿನೊಂದಿಗೆ ಬೆರೆಸಬಹುದು. ಈ ಫ್ಯಾನ್‌ನಲ್ಲಿ ಬ್ರೀಜ್ ಮೋಡ್ ಅನ್ನು ಸಹ ನೀಡಲಾಗಿದೆ. ಇದು ಅಲ್ಗಾರಿದಮ್‌ಗಳ ಸಹಾಯದಿಂದ ಫ್ಯಾನ್ ವೇಗವನ್ನು ಬದಲಾಯಿಸುತ್ತದೆ.

ಈ ಮಾದರಿಯು ಎರಡು ಬಣ್ಣದ ಆಯ್ಕೆಗಳಲ್ಲಿ ಬರುತ್ತದೆ. ಗ್ರಾಹಕರು ಈ ಫ್ಯಾನ್ ಅನ್ನು ಕಪ್ಪು ಮತ್ತು ಬಿಳಿ ಬಣ್ಣದ ಆಯ್ಕೆಗಳಲ್ಲಿ ಖರೀದಿಸಬಹುದು. ಈ ಫ್ಯಾನ್ ಅನ್ನು ನಿಯಂತ್ರಿಸಲು ರಿಮೋಟ್ ಕೂಡ ನೀಡಲಾಗಿದೆ.

ಈ ಫ್ಯಾನ್ ಅಮೆಜಾನ್ ಇ-ಕಾಮರ್ಸ್ ಸೈಟ್‌ನಿಂದ ಕೇವಲ 11,999 ರೂಪಾಯಿಯ ಆರಂಭಿಕ ಬೆಲೆಯಲ್ಲಿ ಖರೀದಿ ಮಾಡ್ಬಹುದು. ಆದರೆ ಈ ಫ್ಯಾನಿನ MRP ರೂ.15,999. ಈ ಉತ್ಪನ್ನದೊಂದಿಗೆ, ಬಳಕೆದಾರರು 2-ವರ್ಷದ ವಾರಂಟಿಯನ್ನು ಸಹ ಪಡೆಯುತ್ತಾರೆ.

ಕ್ಲೌಡ್​​ 3 ಫ್ಯಾನಿನ ತೂಕ 8.7 ಕೆ.ಜಿ. ರಿಮೋಟ್ ಮೂಲಕ ಇದನ್ನು ಆನ್ ಮತ್ತು ಆಫ್ ಸಹ ಮಾಡಬಹುದು. ಸ್ಪೀಡ್, ಕೂಲ್, ಸ್ವಿಂಗ್, ಬ್ರೀಜ್, ಟೈಮರ್ ಇವೆಲ್ಲ ಫೀಚರ್ಸ್​​ಗಳನ್ನು ಸಹ ರಿಮೋಟ್‌ನೊಂದಿಗೆ ಸೆಟ್​ ಮಾಡಬಹುದು.