PUBG: ಪಬ್​ಜಿ ಮೊಬೈಲ್ ಬ್ಯಾನ್ ಆದ್ರು ಪಬ್​ಜಿ ಯಾಕೆ ಬ್ಯಾನ್ ಆಗಿಲ್ಲ?

ಕೇಂದ್ರ ಸರ್ಕಾರ ಬುಧವಾರದಂದು 118 ಆ್ಯಪ್​​ಗಳನ್ನು ಭಾರತದಲ್ಲಿ ಬ್ಯಾನ್ ಮಾಡಿದೆ. ಅದರಲ್ಲಿ ಜನಪ್ರಿಯ ಪಬ್​​ಜಿ ಮೊಬೈಲ್ ಲೈಟ್ ಮತ್ತು ಪಬ್​ಜಿ ಮೊಬೈಲ್ ನೋರ್ಡಿಕ್ ಲೈಟ್ ಮ್ಯಾಪ್ ಕೂಡ ಸೇರಿದೆ. ಅನೇಕ ಭಾರತೀಯರು ಪಬ್​ಜಿ ಗೇಮಿನ ಪ್ರಿಯರಾಗಿದ್ದರು. ಅಂತವರಿಗೆ ಕೇಂದ್ರ ಸರ್ಕಾರ ತೆಗೆದುಕೊಂಡು ನಿರ್ಧಾರ ಅಚ್ಚರಿಗೆ ಕಾರಣವಾಗಿದೆ.

ವಿಶ್ವದಾದ್ಯಂತ ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಮೊಬೈಲ್ ಗೇಮ್​ಗಳಲ್ಲಿ ಪಬ್​ಜಿ ಕೂಡ ಒಂದು. ಅನೇಕರು ಈ ಗೇಮಿನ ಮೊರೆ ಹೋಗಿದ್ದರು. ಪಬ್​ಜಿ ಗೇಮ್ ಡೆವಲಪರ್ಸ್ ಕೂಡ ಈ ಗೇಮ್​ನಿಂದಾಗಿ ಸಾಕಷ್ಟು ಹಣ ಸಂಪಾದಿಸುತ್ತಿದ್ದರು. ಇದೀಗ ಭಾರತದಲ್ಲಿ ಪಬ್​ಜಿ ಬ್ಯಾನ್ ಆಗಿರುವುದು ಕಂಪನಿಗೆ ನಷ್ಟವನ್ನು ತಂದೊಡ್ಡಿದೆ.

ಪಬ್​ಜಿ ಚೀನಾ ಮೂಲದ ಆ್ಯಪ್ ಎಂದು ಹೇಳಲಾಗುತ್ತಿತ್ತು. ಆದರೆ ಪಬ್​ಜಿ ದಕ್ಷಿಣ ಕೊರಿಯಾದ ಬ್ಲೂಹೋಲ್ ಸಂಸ್ಥೆಯದ್ದಾಗಿದ್ದು, ಚೀನಾ ಸಂಸ್ಥೆ ಈ ಕಂಪೆನಿಯೊಂದಿಗೆ ದೊಡ್ಡ ಪಾಲನ್ನು ಹೊಂದಿತ್ತು. ಅಷ್ಟು ಮಾತ್ರವಲ್ಲದೆ ಈ ಗೇಮಿನ ವ್ಯಸನಕ್ಕೆ ಅನೇಕರು ತುತ್ತಾಗಿದ್ದರು. 

ಟಿಕ್​​ಟಾಕ್​ನಂತೆಯೇ ಪಬ್​ಜಿ ಆ್ಯಪ್​ ಬ್ಯಾನ್​ ಆಗಬೇಕೆಂಬ ಮಾತುಗಳು ಕೇಳಿಬಂದಿದ್ದವು. ಏಕೆಂದರೆ ಪಬ್​ಜಿಯಿಂದ ಸಾಕಷ್ಟು ಅವಾಂತರಗಳು ಸೃಷ್ಠಿಯಾಗಿದ್ದವು. ಊಟ, ನೀರು ಸೇವಿಸದೆ ಪಬ್​ಜಿ ಆಡಿ ಪ್ರಾಣ ಕಳೆದ ಘಟನೆ ಭಾರತದಲ್ಲಿ ಬೆಳಕಿಗೆ ಬಂದಿತ್ತು. ಗೇಮ್​ಗಾಗಿ ಅಜ್ಜನ ಪೆನ್ಶನ್ ದುಡ್ಡು ಕಾಲಿ ಮಾಡಿದ ಘಟನೆಗಳು ವರದಿಯಾಗಿತ್ತು. ಲಕ್ಷ ಗಟ್ಟಲೆ ಹಣವನ್ನು ಪಬ್​ಜಿ ಗೇಮಿಗೆ ವ್ಯಯ ಮಾಡಿದ ಸಂಗತಿಗಳು ಬೆಳಕಿಗೆ ಬಂದಿತ್ತು.

ಹಾಗಾಗಿ ಕೊನೆಗೂ ಜನಪ್ರಿಯ ಪಬ್​ಜಿ ಗೇಮ್ ಪ್ಲೇಸ್ಟೋರ್​​ನಿಂದ  ಹೊರಬಿದ್ದಿದೆ. ಅನೇಕರಿಗೆ ಈ ವಿಚಾರ ಖುಷಿ ಕೊಟ್ಟರು. ಪಬ್​ಜಿ ಪ್ರಿಯರಿಗೆ ಮಾತ್ರ ಆ್ಯಪ್ ನಿಷೇಧಗೊಂಡಿರುವ ವಿಚಾರ ಬೇಸರ ತರಿಸಿದೆ.

ಇನ್ನು ಪಬ್​ಜಿ ಆ್ಯಂಡ್ರಾಯ್ಡ್ ಆ್ಯಪ್ ಬ್ಯಾನ್ ಆದರು ಕಂಪ್ಯೂಟರ್ ಮತ್ತು ಲ್ಯಾಪ್​ಟಾಪ್​​​ಗಳಿಗೆ  ಬಳಸುವ ಪಬ್​ಜಿ ಸಾಫ್ಟ್​​ವೇರ್​​​  ಬ್ಯಾನ್ ಆಗಿಲ್ಲ. ಹಾಗಾಗಿ ಅನೇಕರು ಇಂಟರ್​ನೆಟ್​​ ಮೂಲಕ ಕಂಪ್ಯೂಟರ್​ನಲ್ಲಿ  ಪಬ್​ಜಿ ಆಡುವತ್ತ ತೆರಳುತ್ತಿದ್ದಾರೆ.

ಮಾಹಿತಿ ಮತ್ತು ತಂತ್ರಜ್ಞಾನ ಸಚಿವಾಲಯವು ಸೆಕ್ಷನ್ 69ಎ ಅಡಿಯಲ್ಲಿ ಭಾರತದ ಸಾರ್ವಭೌಮತ್ವ ಮತ್ತು ರಕ್ಷಣೆ, ರಾಜ್ಯದ ಸುರಕ್ಷತೆ ಹಾಗೂ ಸಾರ್ವಜನಿಕ ಸುವ್ಯವಸ್ಥೆಗೆ ಧಕ್ಕೆ ತರುವಂತಹ ಚಟುವಟಿಕೆಗಳಲ್ಲಿ ತೊಡಗಿಸಿದೆ ಎಂಬ ಕಾರಣಕ್ಕೆ ಪಬ್​ಜಿ ಮೊಬೈಲ್ ಲೈಟ್ ಮತ್ತು ಪಬ್​ಜಿ ಮೊಬೈಲ್ ನೋರ್ಡಿಕ್ ಮ್ಯಾಪ್ ಲೈಟ್ ಆ್ಯಪ್ ಅನ್ನು ಬ್ಯಾನ್ ಮಾಡಿದೆ.

ಗೂಗಲ್​ ಪ್ಲೇ ಸ್ಟೋರ್​​ನಲ್ಲಿ ಸಾಕಷ್ಟು ಆ್ಯಪ್​ಗಳು ಸಿಗುತ್ತಿವೆ. ಚೀನಾ ಮೂಲದ ಹಲವು ಆ್ಯಪ್​ಗಳು ಕೂಡ ಇದರಲ್ಲಿವೆ. ಹಾಗಾಗಿ ಕೆಲವು ಆ್ಯಪ್​ಗಳು ಬಳಕೆದಾರರ ಖಾಸಗಿ ಮಾಹಿತಿಯನ್ನು ಎಗರಿಸುವ ತಂತ್ರಗಾರಿಕೆಯನ್ನು ಹೊಂದಿತ್ತು. ಈ ದೃಷ್ಠಿಯಲ್ಲಿ ಹಲವಾರು ಆ್ಯಪ್​ಗಳನ್ನು ಗೂಗಲ್​ ತೆಗೆದು ಹಾಕಿತ್ತು. ಅದಾದ ಬಳಿಕ ಮಾಹಿತಿ ಮತ್ತು ತಂತ್ರಜ್ನಾನ ಇಲಾಖೆ ಸುರಕ್ಷಿತವಲ್ಲದ ಕೆಲವು ಆ್ಯಪ್​ಗಳನ್ನು ಕಿತ್ತೆಸೆದಿದೆ.

ಅದರಲ್ಲಿ ಪಬ್​ಜಿ ಆ್ಯಪ್​​ ಕೂಡ ಸೇರಿತ್ತು. ಹಾಗಾಗಿ ಆ್ಯಂಡ್ರಾಯ್ಡ್​ ಬಳಕೆದಾರರು ಬಳಸುವ ಪಬ್​ ಆ್ಯಪ್​​ ಬ್ಯಾನ್​ ಕೊನೆಗೂ ನಿಷೇಧಗೊಂಡಿದೆ.