5 ನಿಮಿಷ ಚಾರ್ಜ್​ ಮಾಡಿದರೆ 1 ದಿನ ಬಾಳಿಕೆ; Oneplus ಹೊಸ ಸ್ಮಾರ್ಟ್​ವಾಚ್ ಹೇಗಿದೆ ಗೊತ್ತಾ?

ಜನಪ್ರಿಯ ಬ್ರಾಂಡ್ ಆಗಿರುವ ಒನ್​ಪ್ಲಸ್​ ತನ್ನ ಮೊದಲ ಸ್ಮಾರ್ಟ್​ವಾಚನ್ನು ಭಾರತೀಯರಿಗೆ ಪರಿಚಯಿಸಿದೆ. ನೆವರ್ ಸೆಟ್ಲ್ ಎಂಬ ಧ್ಯೇಯ ವಾಕ್ಯದೊಂದಿಗೆ ನೂತನ ವಾಚ್ ಅನ್ನು ಗ್ರಾಹಕರಿಗೆ ಮುಂದಿರಿಸಿದೆ.

ಸ್ಮಾರ್ಟ್​ಫೋನ್​ಗಳ ಉತ್ಪಾದನೆಯಲ್ಲಿ ತೊಡಗಿಸಿಕೊಂಡ ಒನ್​ಪ್ಲಸ್ ಜನಪ್ರಿಯ ಬ್ರಾಂಡ್ ಆಗಿ ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿದೆ. ಇದೀಗ ವಾಚ್ ಉತ್ಪಾದಿಸುವುದರ ಜೊತೆಗೆ ಮಾರುಕಟ್ಟೆಗೆ ವಿಸ್ತರಿಸಲು ಮುಂದಾಗಿದೆ. ಹೊಸ ವಾಚ್ ಗ್ರಾಹಕರಿಗೆ ಅತ್ಯುತ್ತಮ ಅನುಭವ ನೀಡಲಿದೆ.

ಅಂದಹಾಗೆಯೇ ಈ ವಾಚ್ 1.39 ಇಂಚಿನ ಓಎಲ್ಇಡಿ ಡಿಸ್​ಪ್ಲೇ ಜೊತೆಗೆ 454ಎಕ್ಸ್ 454 ಪಿಕ್ಸಲ್ ರೆಸಲ್ಯೂಶನ್ ಹೊಂದಿದೆ. ಸ್ಟೈನ್ಲೆಸ್ ಸ್ಟೀಲ್ ಕೇಸ್ ಹೊಂದಿದೆ.

ಇದರಲ್ಲಿ ಹೃದಯ ಬಡಿತ, ನಿದ್ದೆಯ ಪ್ರಮಾಣ, ರಕ್ತದ ಆಮ್ಲಜನಕ ಮಟ್ಟ ನೋಡುವ ಆಯ್ಕೆಯಿದೆ. ಜೊತೆಗೆ 110 ರೀತಿಯ ವರ್ಕೌಟ್​​ಗಳ ಕ್ಯಾಲರಿ ಮಾನಕ ನೀಡಲಾಗಿದೆ. ಅಷ್ಟು ಮಾತ್ರವಲ್ಲದೆ ಒನ್​ಪ್ಲಸ್​  ಟಿವಿ, ಇಯರ್​ಬಡ್ಸ್ ನಿಯಂತ್ರಿಸಬಹುದಾಗಿದೆ. ಜೊತೆಗೆ ಟಿವಿ ರಿಮೋಟ್ ಆಗಿ ಬಳಸಬಹುದಾಗಿದೆ.

ಅಷ್ಟು ಮಾತ್ರವಲ್ಲದೆ, ನೋಟಿಫಿಕೇಶನ್ ನೋಡುವುದು ಜೊತೆಗೆ ಅದರ ನಿರ್ವಹಣೆ ಮಾಡಬಹುದಾಗಿದೆ. ಸ್ಮಾರ್ಟ್​ಫೋನ್​​ಗೆ ಒಳಬರುವ ಕರೆಯನ್ನು ಉತ್ತರಿಸಬಹುದಾಗಿದೆ. ಮ್ಯೂಸಿಕ್ ಪ್ಲೇ ಮಾಡುವ ಆಯ್ಕೆ ಇದರಲ್ಲಿದೆ.

ಒನ್​ಪ್ಲಸ್​  ಪರಿಚಯಿಸಿರುವ ನೂತನ ಸ್ಮಾರ್ಟ್​ವಾಚ್ 4ಜಿಬಿ ಆಂತರಿಕ ಸಂಗ್ರಹ, ಜಿಪಿಎಸ್, ಬ್ಲೂಟೂತ್ ಇಯರ್ ಫೋನ್ ಸಂಪರ್ಕ ಕಲ್ಲಿಸಬಹುದಾಗಿದೆ.

ಅಂದಹಾಗೆಯೇ ಈ ಸ್ಮಾರ್ಟ್​ವಾಚ್ ವಿಶೇಷತೆ ಎನೆಂದರೆ ಕೇವಲ 5 ನಿಮಿಷ ಚಾರ್ಜ್ ಮಾಡಿದರೆ ಇಡೀ ದಿನ ಬಳಸಬಹುದಾಗಿದೆ. 20 ನಿಮಿಷ ಚಾರ್ಜ್ ಮಾಡಿದರೆ ಒಂದು ವಾರ ಬಳಸಬಹುದಾಗಿದೆ. ನೂತನ ವಾಚ್​ನಲ್ಲಿ 402 ಎಂಎಚ್ ಬ್ಯಾಟರಿ ಅಳವಡಿಸಲಾಗಿದೆ.

ಇದರಲ್ಲಿ 110+ ವರ್ಕೌಟ್ ಮಾದರಿಯನ್ನು ನೀಡಲಾಗಿದೆ. ನಾಡಿಮಿಡಿತ, ಕ್ಯಾಲೊರಿ ಪರೀಕ್ಷಿಸಬಹುದಾಗಿದೆ.5 ಎಟಿಎಂ ಮತ್ತು ಐಪಿ68 ಮತ್ತು ನೀರು- ಧೂಳು ನಿರೋಧಕ ವೈಶಿಷ್ಟತೆಯನ್ನು ಹೊಂದಿದೆ.

ಜಿಪಿಎಸ್​ನಿಂದ ಈ ವಾಚ್ ಕಾರ್ಯನಿರ್ವಹಿಸುತ್ತದೆ. ಸ್ಮಾರ್ಟ್ಫೋನ್ ಮರೆತು ಬಂದಿದ್ದರು ವಾಚ್ ಮೂಲಕ ಎಲ್ಲಾ ಚಟುವಟಿಕೆಯನ್ನು ಟ್ರಾಕ್ ಮಾಡುತ್ತದೆ.

ಕಪ್ಪು ಮತ್ತು ಬಿಳಿಯ ಬಣ್ಣದಲ್ಲಿ ನೂತನ ವಾಚ್ ಅನ್ನು ಪರಿಚಯಿಸಿದೆ. ಏ22 ಮಧ್ಯಾಹ್ನ ಗಂಟೆಯಿಂದ ಒನ್​ಪ್ಲಸ್​  ಇನ್, ಅಮೆಜಾನ್ ಇನ್, ಪ್ಲಿಪ್​ಕಾರ್ಟ್​ .ಕಾಂ, ಒನ್ ಪ್ಲಸ್ ಕ್ಲೂಸಿವ್ ಸ್ಟೋರ್​ನಲ್ಲಿ ಖರೀದಿಸುವ ಅವಕಾಶ ಮಾಡಿದೆ. ಅಂದಹಾಗೆಯೇ ಗ್ರಾಹಕರಿಗೆ 14,999 ರೂ ಬೆಲೆಗೆ ಸಿಗುತ್ತದೆ.