OnePlus Nord 2T: ಇಂದು ಬಹುನಿರೀಕ್ಷಿತ ಒನ್​ಪ್ಲಸ್​​ ನೋರ್ಡ್​​ 2T 5G ಸ್ಮಾರ್ಟ್​ಫೋನ್​ ಬಿಡುಗಡೆ! ಅಂಥದ್ದೇನಿದೆ ಇದರಲ್ಲಿ

ಒನ್​ಪ್ಲಸ್ (OnePlus) ತನ್ನ ಹೊಸ ಸ್ಮಾರ್ಟ್​ಫೋನ್ OnePlus Nord 2T ಅನ್ನು ಬಿಡುಗಡೆ ಮಾಡಿದೆ. ಪ್ರಸ್ತುತ, ಈ ಫೋನ್ ಅನ್ನು ಚೀನಾದಲ್ಲಿ ಬಿಡುಗಡೆ ಮಾಡಲಾಗಿದೆ. ಇಂದು ಭಾರತದಲ್ಲಿ ಪರಿಚಯಿಸಲಿದೆ. ನೂತನ OnePlus Nord 2T ಸ್ಮಾರ್ಟ್​ಫೋನ್​  OnePlus Nord 2 ನ ಅಪ್​ಗ್ರೇಡ್ ಆವೃತ್ತಿಯಾಗಿದೆ ಎಂದು ಟೆಕ್ ತಜ್ಞರು ಹೇಳಿದ್ದಾರೆ. ಕಂಪನಿಯು OnePlus Nord CE 2 Lite ಮತ್ತು OnePlus ನಾರ್ಡ್ ಬಡ್ಸ್ ಅನ್ನು ಸಹ ಬಿಡುಗಡೆ ಮಾಡಿದೆ.

OnePlus Nord 2T 5G ಸ್ಮಾರ್ಟ್​ಫೋನಿನ ವೈಶಿಷ್ಟ್ಯಗಳ ಕುರಿತು ಮಾತನಾಡುತ್ತಾ, ಫೋನ್ 8GB RAM ಬೆಂಬಲ, 80W ವೇಗದ ಚಾರ್ಜಿಂಗ್ ಬೆಂಬಲ ಮತ್ತು ಪವರ್ ಬ್ಯಾಕಪ್​ಗಾಗಿ 4,500mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಮೀಡಿಯಾ ಟೆಕ್ ಡೈಮೆನ್ಸಿಟಿ 1300 ಪ್ರೊಸೆಸರ್ ಹೊಂದಿರುವ ಮೊದಲ ಸ್ಮಾರ್ಟ್​ಫೋನ್ ಇದಾಗಿದೆ ಎಂದು ಹೇಳಲಾಗುತ್ತಿದೆ.

OnePlus Nord 2T 6.43-ಇಂಚಿನ AMOLED ಡಿಸ್​ಪ್ಲೇ ಹೊಂದಿದೆ. ಪರದೆಯ ರಿಫ್ರೆಶ್ ದರ 90Hz ಆಗಿದೆ. Widevine L1 ಬೆಂಬಲವನ್ನು HDR10, HDR10+ ಪ್ರದರ್ಶನದೊಂದಿಗೆ ಒದಗಿಸಲಾಗಿದೆ. ಕಾರ್ನಿಂಗ್ ಗೊರಿಲ್ಲಾ ಗ್ಯಾಲ್ಸ್ 5 ಅನ್ನು ಮುಂಭಾಗದಲ್ಲಿ ಸುರಕ್ಷತೆಗಾಗಿ ಬೆಂಬಲಿಸಲಾಗಿದೆ.

OnePlus ನ ಹೊಸ ಫೋನ್ ಅನ್ನು MediaTek Dimension 1300 ಪ್ರೊಸೆಸರ್​ನೊಂದಿಗೆ ಪರಿಚಯಿಸಲಾಗಿದೆ. ಈ ಸ್ಮಾರ್ಟ್​ಫೋನ್ ಆಂಡ್ರಾಯ್ಡ್ 12 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುವ ಆಕ್ಸಿಜನ್ ಓಎಸ್ 12.1 ಆವೃತ್ತಿಯೊಂದಿಗೆ ಬಂದಿದೆ. OnePlus Nord 2T ಸ್ಮಾರ್ಟ್​ಫೋನ್ 3 ವರ್ಷಗಳ ಆಂಡ್ರಾಯ್ಡ್ ನವೀಕರಣವನ್ನು ಪಡೆಯುತ್ತದೆ.

OnePlus Nord 2T ಸ್ಮಾರ್ಟ್​ಫೋನ್ 8GB RAM ಮತ್ತು 12GB ಆಂತರಿಕ ಸಂಗ್ರಹಣೆ ಮತ್ತು 128GB RAM ಮತ್ತು 256GB ಆಂತರಿಕ ಸಂಗ್ರಹಣೆಯ ಎರಡು ಆವೃತ್ತಿಗಳಲ್ಲಿ ಬಿಡುಗಡೆಯಾಗಿದೆ. ಮೈಕ್ರೋ SD ಕಾರ್ಡ್ ಮೂಲಕ ಶೇಖರಣಾ ಸಾಮರ್ಥ್ಯವನ್ನು ಹೆಚ್ಚಿಸಬಹುದು.

OnePlus Nord 2T ಸ್ಮಾರ್ಟ್​ಫೋನ್​  ಕ್ಯಾಮೆರಾ ಸೆಟಪ್ ಕುರಿತು ಮಾತನಾಡುವುದಾದರೆ, ಈ ಫೋನ್ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾವನ್ನು f / 1.9 ಅಪರ್ಚರ್ ಹೊಂದಿದೆ. ಜೊತೆಗೆ 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಕ್ಯಾಮೆರಾ ಮತ್ತು 2 ಮೆಗಾಪಿಕ್ಸೆಲ್ ಮೊನೊಕ್ರೋಮ್ ಶೂಟರ್ ಕ್ಯಾಮೆರಾ ನೀಡಲಾಗಿದೆ. ಸೆಲ್ಫಿ ಮತ್ತು ವೀಡಿಯೊ ಕರೆಗಾಗಿ ಫೋನಿನ ಮುಂಭಾಗದಲ್ಲಿ 32 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ನೀಡಲಾಗಿದೆ.

OnePlus Nord 2T ಸ್ಮಾರ್ಟ್​ಫೋನಿನ ಬ್ಯಾಟರಿ ಬ್ಯಾಕಪ್ ಕುರಿತು ಮಾತನಾಡುತ್ತಾ, ಇದು 4500mAh ಬ್ಯಾಟರಿಯನ್ನು ಹೊಂದಿದೆ. 80W SUPERVOOC ವೇಗದ ಚಾರ್ಜಿಂಗ್ ಬೆಂಬಲವು ಬ್ಯಾಟರಿಯೊಂದಿಗೆ ಲಭ್ಯವಿದೆ. ಸಂಪರ್ಕ ವೈಶಿಷ್ಟ್ಯಗಳಾಗಿ, 5G, Wi-Fi, ಬ್ಲೂಟೂತ್ 5.2, NFC ವೈಶಿಷ್ಟ್ಯಗಳನ್ನು ಫೋನ್​ನಲ್ಲಿ ನೀಡಲಾಗಿದೆ.

OnePlus Nord 2T 5G ಸ್ಮಾರ್ಟ್​ಫೋನಿನ ಆರಂಭಿಕ ಬೆಲೆ 369 ಯುರೋ (ಸುಮಾರು ರೂ 30,265). 12GB RAM ಮತ್ತು 256GB ಸ್ಟೋರೇಜ್ ಹೊಂದಿರುವ ಫೋನ್ ಬೆಲೆ 469 ಯುರೋಗಳು (ಸುಮಾರು ರೂ. 38,456). ಫೋನ್ ಅನ್ನು ಗ್ರೇ ಶಾಡೋ ಮತ್ತು ಜೇಡ್ ಫಾಗ್ ಎಂಬ ಎರಡು ಬಣ್ಣಗಳಲ್ಲಿ ಪರಿಚಯಿಸಲಾಗಿದೆ.