Oneplus​ ಸಿದ್ಧಪಡಿಸಿದ ಹೊಸ ಸ್ಮಾರ್ಟ್​ವಾಚ್​ ಸದ್ಯದಲ್ಲೇ ಮಾರುಕಟ್ಟೆಗೆ; ಬೆಲೆ?

ಒನ್​ಪ್ಲಸ್​​ ವಿಶೇಷ ಫೀಚರ್​ವುಳ್ಳ ಸ್ಮಾರ್ಟ್​ಫೋನ್​​ಗಳನ್ನು ಉತ್ಪಾದಿಸುವುದರ ಜೊತೆಗೆ ಮಾರುಕಟ್ಟೆಯಲ್ಲಿ ಗುರುತಿಸಿಕೊಂಡಿದೆ. ಈಗಾಗಲೇ ಕೆಲವು ಸ್ಮಾರ್ಟ್​ಫೋನ್​ಗಳು ಗ್ರಾಹಕರ ಗಮನಸೆಳೆದಿದೆ. ಇದೀಗ ಅದರ ಜೊತೆಗೆ ಹೊಸ ಸ್ಮಾರ್ಟ್​ಫೋನ್​ವೊಂದನ್ನು ಪರಿಚಯಿಸಲು ಮುಂದಾಗಿದೆ,

ಒಪ್ಪೊ, ಶಿಯೋಮಿ, ಆ್ಯಪಲ್ ಕಂಪನಿಗಳು ಸ್ಮಾರ್ಟ್​ಫೋನ್​ ಜೊತೆಗೆ ವಾರ್ಚ್ ತಯಾರಿಸಿ ಮಾರುಕಟ್ಟೆಗೆ ಪರಿಚಯಿಸಿದೆ. ಅದರಂತೆ ಒನ್​ಪ್ಲಸ್ ವಾಚ್​ ಪ್ರಿಯರನ್ನು ಗುರಿಯಾಗಿಸಿಕೊಂಡು ಸ್ಮಾರ್ಟ್​ವಾಚ್ ಅಭಿವೃದ್ಧಿ ಪಡಿಸಿದೆ.

ಮಾರುಕಟ್ಟೆಯಲ್ಲಿರುವ ನಾನಾ ಸ್ಮಾರ್ಟ್​ವಾಚ್​ಗಳಿಂದ ಒನ್​ಪ್ಲಸ್ ವಾಚ್ ತುಂಬಾ ವಿಶೇಷತೆಯಿಂದ ಕೂಡಿರಲಿದೆ ಎನ್ನಲಾಗುತ್ತಿದೆ. ಅಂತೆಯೇ ಈ ವಾರ್ಚ್ ಸ್ನಾಪ್​ಡ್ರಾಗನ್ ವೇರ್ ಸಿಸ್ಟಮ್ ಜೊತೆಗೆ ಚಿಪ್ ವ್ಯವಸ್ಥೆ ಹೊಂದಿದೆ ಎನ್ನಲಾಗುತ್ತಿದೆ.

ಜೊತೆಗೆ ಸ್ನಾಪ್​ಡ್ರಾಗನ್ ವೇರ್ 4100 ತಂತ್ರಾಂಶ ಈ ವಾಚ್​ನಲ್ಲಿದೆ ಎಂಬ ಮಾಹಿತಿ ಹೊರಬಿದ್ದಿದೆ.

ಸದ್ಯ ಮಾರುಕಟ್ಟೆಯಲ್ಲಿರುವ ವಿವಿಧ ಕಂಪನಿಗಳ ವಾಚ್​ಗಳು ಸಮಯದ ಜೊತೆಗೆ ಹೃದಯ ಬಡಿತದ ಕುರಿತು ಮಾಹಿತಿ ನೀಡುತ್ತದೆ. ಆದರೆ ಅದೆಲ್ಲವನ್ನು ಮೀರಿಸಿ ಒನ್​ಪ್ಲಸ್ ಸ್ಮಾರ್ಟ್​ವಾರ್ಚ್ ತಯಾರಿಸುತ್ತಿದೆ.

ನೂತನ ವಾಚ್ ಗ್ರಾಹಕ ಸ್ನೇಹಿಯಾಗಿ ಮಾರುಕಟ್ಟೆಗೆ ಬರಲಿದೆ. ಈ ವಾಚ್ ಮೂಲಕ ಹೃದಯ ಬಡಿತ ಮಾತ್ರವಲ್ಲದೆ, ರಕ್ತದಲ್ಲಿರುವ ಆಮ್ಲಜನಕ ಮಾನಿಟರ್ ಮಾಡುತ್ತದೆ.

ಒಎಲ್ಇಡಿ ಡಿಸ್​ಪ್ಲೇ ಅಳವಡಿಸಿಕೊಂಡಿರಿವ ನೂತನ ಒನ್​ಪ್ಲಸ್ ವಾಚ್, ಧೀರ್ಘ ಕಾಲದ ಬ್ಯಾಟರಿ, ಜೊತೆಗೆ ವ್ಯಾಯಾಮ, ಟ್ರ್ಯಾಕಿಂಗ್ ಆಧಾರಿತ ವೈಶಿಷ್ಟ್ಯ ಹೊಂದಿರಲಿದೆ ಎನ್ನಲಾಗುತ್ತಿದೆ.

ನೂತನ ವಾಚ್ ಬಿಡುಗಡೆಯ ದಿನಾಂಕ  ಬಹಿರಂಗವಾಗಿದೆ. ಇದೇ ಮಾರ್ಚ್ 23ರಂದು ಒನ್​​ಪ್ಲಸ್ ವಾಚ್ ಮಾರುಕಟ್ಟೆ ಪ್ರವೇಶಿಸುತ್ತಿದೆ.

ಒನ್​ಪ್ಲಸ್​  ಸಂಸ್ಥೆಯ ಸಿಇಒ ಪೆಟೆ ಲಾ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದು, ಒನ್​ಪ್ಲಸ್ 9 ಸಿರೀಸ್ ಸ್ಮಾರ್ಟ್​ಫೋನ್ ಜೊತೆಗೆ ನೂತನ ವಾಚ್ ಮಾರುಕಟ್ಟೆ ಪ್ರವೇಶಿಸುತ್ತಿದೆ ಎಂದಿದ್ದಾರೆ.