PUBG: ನಿಮಗೆ ಗೊತ್ತಿರಲಿ.. ಭಾರತ ಮಾತ್ರವಲ್ಲ ಈ ದೇಶಗಳಲ್ಲೂ ಪಬ್​ಜಿ ಬ್ಯಾನ್ ಆಗಿದೆ!

ಆನ್​ಲೈನ್ ಗೇಮಿಂಗ್​ಗಳಲ್ಲಿ ಪಬ್​ಜಿ (ಪ್ಲೇಯರ್ಸ್ ಅನೌನ್ ಬ್ಯಾಟಲ್ ಗ್ರೌಂಡ್) ಗೇಮ್ ಭಾರೀ ಜನಪ್ರಿಯತೆಗಳಿಸಿತ್ತು. ಭಾರತದಲ್ಲಿ ಸಾಕಷ್ಟು ಜನರು ಈ ಗೇಮ್​ನ  ಪ್ರಿಯರಾಗಿದ್ದರು. ದಿನವಿಡಿ ಪಬ್​ಜಿ ಗೇಮ್​ನಲ್ಲಿ ಕಾಲ ಕಳೆಯುವ ಅನೇಕರಿದ್ದರು.

ಅಷ್ಟು ಮಾತ್ರವಲ್ಲ, ಪಬ್​ಜಿ ಗೇಮ್ ವ್ಯಸನಿಗಳು ಇದ್ದಾರೆ ಎಂಬುದು ತಿಳಿದುಬಂತು. ಹೆಚ್ಚಿನ ಯುವಕರು ಪಬ್​ಜಿ ಗೇಮ್ ಮೊರೆ ಹೋಗುತ್ತಿದ್ದರು. ಈ ಗೇಮಿಂಗ್ ವ್ಯಸನದಿಂದಾಗಿ ಕೆಲವು ಅಚಾತುರ್ಯ ಘಟನೆಗಳು ಬೆಳಕಿಗೆ ಬಂದವು. ಹಾಗಾಗಿ ಪಬ್​ಜಿ ಬ್ಯಾನ್ ಆಗಬೇಕು ಎಂಬ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ಆಗಾಗ ಕೇಳಿಬರುತ್ತಿತ್ತು.

ಈ ಎಲ್ಲಾ ದೃಷ್ಟಿಕೋನವನ್ನಿಟ್ಟುಕೊಂಡು ಕಳೆದ ಮೂರು ತಿಂಗಳ ಹಿಂದೆ ಕೇಂದ್ರ ಸರ್ಕಾರ ಪಬ್​ಜಿ ಗೇಮ್ ಅನ್ನು ಭಾರತದಲ್ಲಿ ಬ್ಯಾನ್ ಮಾಡಿದೆ. ಪ್ರಮುಖವಾಗಿ ಪಬ್​​ಜಿ ದಕ್ಷಿಣ ಕೊರಿಯಾದ ಗೇಮ್ ಆಗಿದ್ದರು, ಚೀನಾದೊಂದಿಗೆ ದೊಡ್ಡ ಪಾಲನ್ನು ಹೊಂದಿತ್ತು.

ಹಾಗಾಗಿ ಭಾರತದ ಬಾಹ್ಯ ಮತ್ತು ಆತಂರಿಕ ದೃಷ್ಟಿಯನ್ನು ಗುರಿಯಾಗಿಸಿಕೊಂಡು ತೊಂದರೆ ನೀಡುತ್ತಿದ್ದ ಚೀನಾ ಆ್ಯಪ್​ಗಳನ್ನು ಬ್ಯಾನ್ ಮಾಡಿತ್ತು. ಅದರ ಜೊತೆಗೆ ಪಬ್​ಜಿ ಆ್ಯಪ್ ಅನ್ನು ಬ್ಯಾನ್ ಮಾಡಿದೆ.

ಭಾರತದಲ್ಲಿ ಪಬ್​ಜಿ ಬ್ಯಾನ್​ ಆಗಿರುವ ವಿಚಾರ ಅನೇಕ ಗೇಮ್ ಪ್ರಿಯರಿಗೆ ನೋವಾಗಿದೆ. ಆದರೆ ಭಾರತ ಮಾತ್ರವಲ್ಲದೆ ಕೆಲವು ದೇಶಗಗಳು ಇದೇ ಕಾರಣಕ್ಕೆ ಪಬ್​ಜಿಯನ್ನು ಬ್ಯಾನ್​ ಮಾಡಿದೆ.

ಪಬ್​ಜಿ ಗೇಮ್​ ಅನ್ನು ಬ್ಯಾನ್​ ಮಾಡಿರುವ ದೇಶಗಳು ಯಾವುವು? ಈ ಬಗ್ಗೆ ಮಾಹಿತಿ ಇಲ್ಲಿದೆ.

ಚೀನಾದ ಹಲವಾರು ಆ್ಯಪ್​ಗಳು ಬಳಕೆದಾರರ ಮಾಹಿತಿ ಎಗರಿಸುತ್ತಿತ್ತು. ಈ ವಿಚಾರವನ್ನಿ ಪರಿಶೀಲಿಸಿದ ಭಾರತದ ಅಂತಹ ಆ್ಯಪ್​ಗಳನ್ನು ಕಿತ್ತೆಸೆದಿದೆ. ಆದರೆ ಭಾರತದ ಮಾತ್ರವಲ್ಲ ಇತರೆ ದೇಶಗಳನ್ನು ಗುರಿಯಾಗಿಸಿಕೊಂಡು ಚೀನಾ ಇದೇ ರೀತಿ ವರ್ತನೆ ಮಾಡಿತ್ತು.

ಇದೇ ಕಾರಣಕ್ಕಾಗಿ ಜೋರ್ಡಾನ್​, ನೇಪಾಲ, ಇಸ್ರೇಲ್​, ಇರಾಕ್​ನಲ್ಲಿ ಪಬ್​ಜಿಯನ್ನು ಬ್ಯಾನ್​ ಮಾಡಿದೆ.