Mobile Storage: ಮೊಬೈಲ್​​ ಸ್ಟೋರೇಜ್​ ಸಾಕಾಗದೆ, ಮೆಮೊರಿ ಕಾರ್ಡ್​ ಬಳಸ್ತಿದ್ದೀರಾ? ಇಲ್ಲಿದೆ ನೋಡಿ ಕ್ಲಿಯರ್ ಮಾಡಲು ಟಿಪ್ಸ್​

ಸ್ಮಾರ್ಟ್​​ಫೋನ್​ಗಳು ಇತ್ತೀಚಿನ ಕಾಲಮಾನದಲ್ಲಿ ಪ್ರತಿಯೊಬ್ಬರ ಅಗತ್ಯ ಸಾಧನವಾಗಿದೆ. ಈ ಮೊಬೈಲ್​ಗಳು ಈಗ ಯಾಕೆ ಅಗತ್ಯವಾಗಿದೆಯೆಂದರೆ ಕ್ಷಣಮಾತ್ರದಲ್ಲಿ ಯಾವುದೇ ಕೆಲಸವನ್ನು ಈಗ ಈ ಸಾಧನದ ಮೂಲಕ ಮಾಡಬಹುದಾಗಿದೆ.

ಆದರೆ ಎಷ್ಟೋ ಜನರಿಗೆ ಮೊಬೈಲ್​ನಲ್ಲಿ ನೀಡುವಂತಹ 256 ಜಿಬಿ, 512ಜಿಬಿ ಸ್ಟೋರೇಜ್​ ಸಾಮರ್ಥ್ಯ ಸಾಕಾಗುವುದಿಲ್ಲ. ಆದ್ದರಿಂದ ಮೆಮೊರಿ ಕಾರ್ಡ್​ನ ಮೊರೆ ಹೋಗುತ್ತಾರೆ. ಆದರೆ ನಾವು ನೀಡುವಂತಹ ಈ ಟಿಪ್ಸ್​ಗಳನ್ನು ಫಾಲೋ ಮಾಡಿದ್ರೆ ಗ್ಯಾರಂಟಿ ನಿಮ್ಗೆ ಸ್ಟೋರೇಜ್​ ಸಮಸ್ಯೆ ಎದುರಾಗುವುದಿಲ್ಲ.

ಯಾವುದೇ ಫೋಟೋ, ಆಗಲಿ ವಿಡಿಯೋ ಆಗಲಿ ಅನಗತ್ಯವಾಗಿ ಇಟ್ಟುಕೊಳ್ಳಬಾರದು. ಇದರಿಂದ ನಿಮ್ಮ ಮೊಬೈಲ್​​ನ ಸ್ಟೋರೇಜ್​ ಫುಲ್​ ಆಗುವ ಸಾಧ್ಯತೆಯಿರುತ್ತದೆ. ಆದ್ದರಿಂದ ಅನಗತ್ಯ ಡೇಟಾಗಳನ್ನು ಮೊಬೈಲ್​ನಲ್ಲಿ ಇಟ್ಟುಕೊಳ್ಳಬೇಡಿ.

ಕ್ಯಾಚೆ ಡಿಲೀಟ್ ಮಾಡಿ: ನಿಮ್ಮ ಫೋನ್​ನಲ್ಲಿರುವ ಆ್ಯಪ್​ಗಳು ನಿಮ್ಮ ಅನಗತ್ಯವಾಗಿ ಕ್ಯಾಚೆಯನನ್ನು ಹೆಚ್ಚಿಸುತ್ತದೆ. ಇದಕ್ಕೆ ಮುಖ್ಯವಾಗಿ ಆ್ಯಪ್​ಗಳ ಕ್ಯಾಚೆಯನ್ನು ಆಗಾಗ ಕ್ಲಿಯರ್ ಮಾಡ್ತಾ ಇರ್ಬೇಕು. ಇದರಿಂದ ನಿಮ್ಮ ಮೊಬೈಲ್​ನ ಸ್ಟೋರೇಜ್​ ಸಮಸ್ಯೆಯನ್ನು ಕಡಿಮೆ ಮಾಡಬಹುದು.

ಅನಗತ್ಯ ಆ್ಯಪ್​ಗಳನ್ನು ಡಿಲೀಟ್​ ಮಾಡಿ: ನಿಮ್ಮ ಸ್ಮಾರ್ಟ್​​ಫೋನ್​ನಲ್ಲಿ ನಿಮಗೆ ಅಗತ್ಯವಿರದ ಅಪ್ಲಿಕೇಶನ್​ಗಳನ್ನು ಡಿಲೀಟ್​ ಮಾಡಿ. ನಿಮಗೆ ಗೊತ್ತಿಲ್ಲದ ಹಾಗೆಯೇ ನಿಮ್ಮ ಮೊಬೈಲ್​ನಲ್ಲಿ ಕೆಲವೊಂದು ಅನಗತ್ಯ ಆ್ಯಪ್​ಗಳು ತುಂಬಿಕೊಂಡಿರುತ್ತದೆ, ಇದನ್ನು ಬಳಕೆ ಮಾಡದಿದ್ದರೂ ಕ್ಯಾಚೆ ಫುಲ್ ಆಗುತ್ತದೆ. ಆದರೆ ಈ ಆ್ಯಪ್​ಗಳನ್ನು ಡಿಲೀಟ್ ಮಾಡಿದ್ರೆ ನಿಮ್ಮ ಮೊಬೈಲ್​​ ಸ್ಪೀಡ್​ ಆಗಿ ವರ್ಕ್​ ಆಗುವಂತೆ ಮಾಡ್ಬೋದು.

ಕ್ಲೌಡ್​ ಸ್ಟೋರೇಜ್ ಬಳಸಿ: ಮೆಮೊರಿ ಕಾರ್ಡ್ ಬೇಡ ಎನ್ನುವವರು ಕ್ಲೌಡ್ ಸ್ಟೋರೆಜ್ ಟೆಕ್ನಾಲಜಿಯನ್ನು ಬಳಕೆ ಮಾಡಬಹುದಾಗಿದೆ. ಆದರೆ ಇದನ್ನು ಆಕ್ಸಿಸ್ ಮಾಡಲು ನೀವು ಹೆಚ್ಚುವರಿ ಇಂಟರ್ನೆಟ್ ಹೊಂದಿರಬೇಕಾಗುತ್ತದೆ. ಇದು ನಿಮ್ಮ ಡೇಟಾ ಸಂಗ್ರಹಣೆಗೆ ಉತ್ತಮ ಆಯ್ಕೆಯಾಗಿದ್ದು, ಇಂಟರ್ನೆಟ್​ ವೇಗವಾಗಿದ್ದರೆ ಇದು ಇನ್ನೂ ಲಾಭದಾಯಕ.

ಸಿನಿಮಾ ನೋಡಿದ ತಕ್ಷಣ ಡಿಲೀಟ್ ಮಾಡಿ: ಇಂದಿನ ದಿನಗಳಲ್ಲಿ ಸಿನಿಮಾ, ಸೀರಿಯಲ್​ಗಳನ್ನು ಸ್ಮಾರ್ಟ್​ಫೋನ್​ಗಳಲ್ಲೇ ನೋಡುವವರು ಹೆಚ್ಚಾಗಿದ್ದಾರೆ. ಆದರೆ ಇದಕ್ಕಾಗಿ ಯಾವುದೇ ಆ್ಯಪ್​ ಮೂಲಕ ಡೌನ್​ಲೋಡ ಮಾಡಿಕೊಳ್ಳತ್ತಾರೆ ಅಥವಾ ಇನ್ಯಾವುದೇ ಅಪ್ಲಿಕೇಶನ್​ನಿಂದ ಶೇರ್ ಮಾಡಿಕೊಳ್ಳುತ್ತಾರೆ. ಆದರೆ ಮೂವಿ ನೋಡಿದ ಬಳಿಕ ಅದನ್ನು ಡಿಲೀಟ್ ಮಾಡಲು ಮರೆತುಬಿಡುತ್ತಾರೆ. ಈ ಸಂದರ್ಭಗಳಲ್ಲಿ ಸ್ಮಾರ್ಟ್​​ಫೋನ್​ಗಳಲ್ಲಿ ಸ್ಟೋರೇಜ್ ಸಮಸ್ಯೆ ಎದುರಾಗುತ್ತದೆ.

ಗೇಮ್ಸ್​ಗಳನ್ನು ಜಾಸ್ತಿ ಇಟ್ಟುಕೊಳ್ಳಬೇಡಿ: ಇತ್ತೀಚೆಗೆ ಸ್ಮಾರ್ಟ್​ಫೋನ್​ ಬಳಕೆದಾರರಿಗೆ ಬೇಕಾದ ಮಾದರಿಯಲ್ಲಿ ಮೊಬೈಲ್​ನಲ್ಲಿ ಗೇಮ್ಸ್​ಗಳು ಬಂದಿದೆ. ಇದಕ್ಕಾಗಿಯೇ ಬಳಕೆದಾರರು ಆಕರ್ಷಿತರಾಗಿದ್ದಾರೆ. ಹೀಗಿರುವಾಗ ಮೊಬೈಲ್​ನಲ್ಲಿ ಜಾಸ್ತಿ ಗೇಮ್ಸ್​ ಅಪ್ಲಿಕೇಶನ್​​ಗಳಿದ್ದಾಗ ಇವುಗಳು ಸ್ಮಾರ್ಟ್​ಫೋನ್​ನ ಸ್ಟೋರೇಜ್​ ಖಾಲಿ ಮಾಡುತ್ತದೆ. ಅದಕ್ಕಾಗಿ ಆಡದೇ ಇರುವಂತಹ, ಇಷ್ಟವಾಗದ ಗೇಮ್​ ಆ್ಯಪ್​ಗಳನ್ನು ಡೌನ್​​ಲೋಡ್ ಮಾಡಿದ್ದರೆ ಈಗಲೇ ಡಿಲೀಟ್ ಮಾಡಿ.