Recharge Benefits: ಈ ಒಂದು ಪ್ಲ್ಯಾನ್​ನಲ್ಲಿ ವರ್ಷವಿಡೀ ರೀಚಾರ್ಜ್​ ಮಾಡೋ ಅಗತ್ಯನೇ ಬರಲ್ಲ! ಹೊಸ ಯೋಜನೆ ಪರಿಚಯಿಸಿದ ಕಂಪೆನಿ

ಟೆಲಿಕಾಂ ಕಂಪೆನಿಗಳಲ್ಲಿ BSNL ತನ್ನ ಗ್ರಾಹಕರಿಗೆ ಬಜೆಟ್ ಬೆಲೆಯ ರೀಚಾರ್ಜ್​ ಪ್ಲ್ಯಾನ್​ಗಳನ್ನು ಪರಿಚಯಿಸುವ ಮೂಲಕ ಭಾರೀ ಜನಪ್ರಿಯತೆಯಲ್ಲಿದೆ. ಬಿಎಸ್​​ಎನ್​ಎಲ್​ ಕಂಪೆನಿ ಕಡಿಮೆ ಬೆಲೆಯಲ್ಲಿ ಅಧಿಕ ಡೇಟಾ ಪ್ರಯೋಜನಗಳನ್ನು ನೀಡುತ್ತದೆ.

BSNL ಟೆಲಿಕಾಂ ಕಂಪೆನಿಗಳು ತಮ್ಮ ಗ್ರಾಹಕರನ್ನು ಸೆಳೆಯಲು ನಿರಂತರವಾಗಿ ಹೊಸ ಯೋಜನೆಗಳನ್ನು ನೀಡುತ್ತಿವೆ. ಆದರೆ ಇಂದು ಇಂತಹ ಪ್ಲಾನ್ ತೆಗೆದುಕೊಂಡರೆ, ವರ್ಷಪೂರ್ತಿ ರೀಚಾರ್ಜ್ ನಿಂದ ಮುಕ್ತಿ ಪಡೆಯಬಹುದು.

BSNL ರೂ.1198 ಯೋಜನೆ: ಈ ಯೋಜನೆಯಲ್ಲಿ ನಿಮ್ಮ ಮಾಸಿಕ ವೆಚ್ಚ ರೂ. 100 ಮಾತ್ರ. ಇದರೊಂದಿಗೆ ನೀವು ಅನಿಯಮಿತ ಕರೆ ಮತ್ತು ಇತರ ಪ್ರಯೋಜನಗಳನ್ನು ಸಹ ಪಡೆಯಬಹುದು. ಇದರಲ್ಲಿ ನೀವು 12 ತಿಂಗಳು ಅಂದರೆ 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ.

ಇದಲ್ಲದೆ, ಡೇಟಾ ಮತ್ತುಎಸ್​ಎಮ್​ಎಸ್​ ಪ್ರಯೋಜನವೂ ಲಭ್ಯವಿದೆ. ಬಿಎಸ್​ಎನ್​ಎಲ್​ನ ಈ ಯೋಜನೆಯನ್ನು ರೀಚಾರ್ಜ್​​ ಮಾಡಿಕೊಂಡ್ರೆ ಒಂದು ವರ್ಷದವರೆಗೆ ಅನ್ಲಿಮಿಟೆಡ್​ ಕಾಲ್​ ಸೌಲಭ್ಯವನ್ನು ಪಡೆಯಬಹುದು.

ಇನ್ನು ಈ ಯೋಜನೆಯಲ್ಲಿ ತಿಂಗಳಿಗೆ 300 ನಿಮಿಷಗಳ ಧ್ವನಿ ಕರೆಗಳೊಂದಿಗೆ ಬರುತ್ತದೆ. ಜೊತೆಗೆ ತಿಂಗಳಿಗೆ 3GB ಡೇಟಾ ಮತ್ತು ತಿಂಗಳಿಗೆ 30 SMS ಸೌಲಭ್ಯವೂ ದೊರೆಯುತ್ತದೆ. ತಮ್ಮ ಸಂಖ್ಯೆಯನ್ನು ಸಕ್ರಿಯವಾಗಿ ಇರಿಸಿಕೊಳ್ಳಲು ಮತ್ತು ಅದೇ ಸಮಯದಲ್ಲಿ ಸೀಮಿತ ಕರೆ ಮತ್ತು ಡೇಟಾವನ್ನು ಬಳಸಲು ಬಯಸುವವರಿಗೆ ಈ ಯೋಜನೆಯು ತುಂಬಾ ಉಪಯುಕ್ತವಾಗಿದೆ.

ಇವುಗಳ ಜೊತೆಗೆ, ಲಾಂಗ್ ಟರ್ಮ್ ವ್ಯಾಲಿಡಿಟಿ ಬಯಸುವವರಿಗೆ ಮತ್ತೊಂದು ಪ್ಲ್ಯಾನ್​ ಸಹ ಲಭ್ಯವಿದೆ. 2998 ರೂಪಾಯಿ ಯೋಜನೆ, ಈ ಪ್ಲ್ಯಾನ್​​ನಲ್ಲಿ ದಿನಕ್ಕೆ 3ಜಿಬಿ ಡೇಟಾ ಜೊತೆಗೆ 455 ದಿನಗಳವ್ಯಾಲಿಡಿಟಿ ಅವಧಿಯನ್ನು ಪಡೆಯಬಹುದಾಗಿದೆ.

299 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​: ಬಿಎಸ್‌ಎನ್‌ಎಲ್ ಟೆಲಿಕಾಂನ 299 ರೂಪಾಯಿ ಪ್ಲ್ಯಾನ್ ಅಗ್ಗದ ಬೆಲೆಯ ಯೋಜನೆಯಾಗಿದ್ದು, ಇದು ಒಟ್ಟು 30 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಒಳಗೊಂಡಿದೆ. ಈ ಪ್ಲ್ಯಾನ್​ನಲ್ಲಿ ಗ್ರಾಹಕರಿಗೆ ಪ್ರತಿದಿನ 3 ಜಿಬಿ ಡೇಟಾ ಸೌಲಭ್ಯ ದೊರೆಯುತ್ತದೆ. ಇದರೊಂದಿಗೆ ಪ್ರತಿದಿನ 100 ಎಸ್‌ಎಮ್‌ಎಸ್‌ ಹಾಗೂ ಅನಿಯಮಿತ ವಾಯ್ಸ್​ ಕಾಲ್​ ಮಾಡುವ ಪ್ರಯೋಜನ ಸಿಗುತ್ತದೆ. ಇನ್ನು ದಿನದಲ್ಲಿ 3 ಜಿಬಿ ಡೇಟಾವನ್ನು ಬಳಕೆ ಮಾಡಿ ಮುಗಿದ ನಂತರ ಇಂಟರ್ನೆಟ್ ವೇಗವು 80 Kbps ಗೆ ಕಡಿಮೆಯಾಗುತ್ತದೆ.

347 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​: ಬಿಎಸ್‌ಎನ್‌ಎಲ್‌ ಟೆಲಿಕಾಂನ 347 ರೂಪಾಯಿ ಯೋಜನೆಯು 56 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿಕೊಂಡಿದೆ. ಈ ಯೋಜನೆಯು ಗ್ರಾಹಕರಿಗೆ 2 ಜಿಬಿ ದೈನಂದಿನ ಡೇಟಾ, ದೈನಂದಿನ 100 ಉಚಿತ ಎಸ್‌ಎಮ್‌ಎಸ್‌ ಸೌಲಭ್ಯವನ್ನು ನೀಡುತ್ತದೆ. ಇದರೊಂದಿಗೆ ಅನಿಯಮಿತ ವಾಯ್ಸ್​ ಕಾಲ್​ ಮಾಡುವ ಪ್ರಯೋಜನ ಸಹ ಒಳಗೊಂಡಿದೆ. ಈ ಯೋಜನೆಯಲ್ಲೂ ಸಹ ನಿಗದಿತ ಡೇಟಾ ಮುಗಿದ ಬಳಿಕ ಇಂಟರ್ನೆಟ್ ವೇಗವು 80 Kbps ಇಳಿಕೆಯಾಗುತ್ತದೆ.