Infinix Zero 5G: ಇನ್ಫಿನಿಕ್ಸ್​​ ಕಂಪನಿಯಿಂದ ಹೊಸ​ ಝೀರೋ 5ಜಿ 2023 ಸ್ಮಾರ್ಟ್​ಫೋನ್ ಬಿಡುಗಡೆ! ಬೆಲೆ, ಫೀಚರ್ಸ್​ ಬಗ್ಗೆ ಇಲ್ಲಿದೆ ಮಾಹಿತಿ

ಪ್ರಸಿದ್ಧ ಸ್ಮಾರ್ಟ್​​ಫೋನ್​​ ಕಂಪನಿಗಳಲ್ಲಿ ಇನ್ಫಿನಿಕ್ಸ್​ ಕೂಡ ಒಂದು. ಇದೀಗ ಇನ್ಫಿನಿಕ್ಸ್​ ಝೀರೋ ಸೀರಿಸ್​ನ ಅಡಿಯಲ್ಲಿ ಹೊಸ ಸ್ಮಾರ್ಟ್​ಫೋನ್ ಬಿಡುಗಡೆಯಾಗುತ್ತಿದೆ. ಹೆಸರೇ ಸೂಚಿಸುವಂತೆ, Infinix Zero 5G 202 ಮುಂದಿನ ವರ್ಷದ ಆರಂಭದಲ್ಲಿ ಬಿಡುಗಡೆಯಾಗುವ ಹೊಸ ಸ್ಮಾರ್ಟ್​ಫೋನ್​ ಆಗಿದೆ.

ಇತ್ತೀಚಿನ ಝೀರೋ ಸರಣಿಯ ಸ್ಮಾರ್ಟ್‌ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 1080 ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇನ್ಫಿನಿಕ್ಸ್ ಝೀರೋ  5ಜಿ ನೆಟ್​​ವರ್ಕ್​ ಅನ್ನು ಬೆಂಬಲಿಸುತ್ತದೆ.

ಇನ್ಫಿನಿಕ್ಸ್​ ಝೀರೋ 5ಜಿ 2023 50MP ಕ್ಯಾಮೆರಾ ಸೆಟಪ್ ಮತ್ತು 16MP ಫ್ರಂಟ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದು ಹ್ಯಾಂಡ್ಸೆಟ್ 120Hz ರಿಫ್ರೆಶ್ ರೇಟ್​ನೊಂದಿಗೆ LCD ಡಿಸ್ಪ್ಲೇ ಅನ್ನು ಹೊಂದಿದೆ. ಇದು 5000mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದೆ.

ಇನ್ಫಿನಿಕ್ಸ್​ ಝೀರೋ 5ಜಿ 2023 ಸ್ಮಾರ್ಟ್​ಫೋನ್ 8ಜಿಬಿ ರ್‍ಯಾಮ್ ಮತ್ತು 256 ಸ್ಟೋರೇಜ್​ ಅನ್ನು ಹೊಂದಿದ ಸಾಧನಕ್ಕೆ ಭಾರತದ ಮಾರುಕಟ್ಟೆಯಲ್ಲಿ 19,400 ರೂಪಾಯಿಗೆ ಲಭ್ಯವಿದೆ.

ಹೊಸ ಝೀರೋ 5G 2023 ಪೂರ್ಣ HD+ (2460 × 1080 ಪಿಕ್ಸೆಲ್) ರೆಸಲ್ಯೂಶನ್, 120Hz ರಿಫ್ರೆಶ್ ದರ, 240Hz ಟಚ್ ಸ್ಯಾಂಪ್ಲಿಂಗ್ ದರ ಮತ್ತು 500nits ಪೀಕ್ ಬ್ರೈಟ್‌ನೆಸ್‌ನೊಂದಿಗೆ 6.78-ಇಂಚಿನ IPS LCD ಡಿಸ್ಪ್ಲೇಯನ್ನು ಹೊಂದಿದೆ.

ಇನ್ಫಿನಿಕ್ಸ್​ ಝೀರೋ 5G 2023 ಟ್ರಿಪಲ್-ರಿಯರ್ ಕ್ಯಾಮೆರಾ ಸೆಟಪ್‌ನೊಂದಿಗೆ 50MP ಪ್ರೈಮರಿ ಕ್ಯಾಮೆರಾ, 2MP ಡೆಪ್ತ್ ಸೆನ್ಸಾರ್ ಮತ್ತು 2MP ಮ್ಯಾಕ್ರೋ ಸೆನ್ಸಾರ್ ಅನ್ನು ಒಳಗೊಂಡಿದೆ. ಇದು ಸೂಪರ್ ನೈಟ್ ಮೋಡ್, ನೈಟ್ ಫಿಲ್ಟರ್, ಸ್ಕೈ ರಿಮ್ಯಾಪ್ ಮತ್ತು ಫಿಲ್ಮ್ ಮೋಡ್ ಸೇರಿದಂತೆ ಹಲವಾರು ವೈಶಿಷ್ಟ್ಯಗಳನ್ನು ನೀಡುತ್ತದೆ. ಇದು 960fps ಸ್ಲೋ ಮೋಷನ್ ವೀಡಿಯೊಗಳನ್ನು ಸಹ ರೆಕಾರ್ಡ್ ಮಾಡಬಹುದು. ಇದು ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 16MP ಫ್ರಂಟ್ ಕ್ಯಾಮೆರಾ ಮತ್ತು ಡ್ಯುಯಲ್ LED ಫ್ಲಾಷ್‌ಗಳನ್ನು ಒಳಗೊಂಡಿದೆ.

ಇನ್ಫಿನಿಕ್ಸ್​ ಝೀರೋ ಸೀರಿಸ್​​ನ ಸ್ಮಾರ್ಟ್‌ಫೋನ್ 5000mAh ಬ್ಯಾಟರಿ ಮತ್ತು 33W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಸ್ಟ್ಯಾಂಡ್‌ಬೈ ಮೋಡ್‌ನಲ್ಲಿ ಸ್ಮಾರ್ಟ್‌ಫೋನ್ ಇಟ್ಟರೆ ಸುಮಾರು 29 ದಿನಗಳವರೆಗೆ  ಬಳಕೆ ಮಾಡಬಹುದು ಎಂದು ಕಂಪನಿ ಹೇಳಿಕೊಂಡಿದೆ.

ಇನ್ಫಿನಿಕ್ಸ್​​ 5ಜಿ 2023 ಮೂರು ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ  ಅಂದರೆ ಪರ್ಲಿ ವೈಟ್, ಕೋರಲ್ ಆರೆಂಜ್ ಮತ್ತು ಕಪ್ಪು ಬಣ್ಣಗಳಲ್ಲಿ ಲಭ್ಯವಿದೆ. ಇದು 201 ಗ್ರಾಂ ತೂಕವನ್ನು ಹೊಂದಿದೆ. ನೆಟ್​​ವರ್ಕ್ ಸಂಪರ್ಕದ ವಿಷಯದಲ್ಲಿ, ಇದು ಡ್ಯುಯಲ್-ಸಿಮ್, 5 ಜಿ, ವೈ-ಫೈ 6, ಬ್ಲೂಟೂತ್, ಜಿಪಿಎಸ್ಅನ್ನು ನೀಡುತ್ತದೆ.