Smartwatch: 1 ತಿಂಗಳ ಬ್ಯಾಟರಿ ಬ್ಯಾಕಪ್​ ಹೊಂದಿರುವ ಹೊಸ ಸ್ಮಾರ್ಟ್​ವಾಚ್​ ಬಿಡುಗಡೆ! ಎಷ್ಟಿದರ ಬೆಲೆ?

Pebble Smartwatch | ಸ್ಮಾರ್ಟ್​​ವಾಚ್​ ಎಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಇತ್ತೀಚೆಗೆ ಯಾರ ಕೈ ನೋಡಿದರು ಸ್ಮಾರ್ಟ್​ವಾಚ್​​ಗಳೇ ಕಾಣುತ್ತದೆ. ಇದೀಗ ಸ್ಮಾರ್ಟ್​​ವಾಚ್​ಗಳ ಮಾರುಕಟ್ಟೆಗೆ ಪೆಬಲ್​ ಕಂಪನಿಯ ಕಾಸ್ಮೊಸ್​ ಎಂಡ್ಯೂರ್​ ಎಂಬ ಸ್ಮಾರ್ಟ್​​ವಾಚ್ ಬಿಡುಗಡೆಯಾಗುತ್ತಿದೆ. ಇದರ ಫೀಚರ್ಸ್​ ಬಗ್ಗೆ ಕೆಳಗೆ ಮಾಹಿತಿ ನೀಡಲಾಗಿದೆ.

ಈ ಸ್ಮಾರ್ಟ್​​ವಾಚ್​ ಫೀಚರ್​​ ನೋಡಿದ್ರೆ ನೀವು ಖರೀದಿ ಮಾಡುವುದಂತು ಗ್ಯಾರಂಟಿ. ಇದನ್ನು ಒಮ್ಮೆ ಚಾರ್ಜ್ ಮಾಡಿದರೆ ಒಂದು ತಿಂಗಳು ಸ್ಟ್ಯಾಂಡ್ ಬೈ ಮೋಡ್​​ನಲ್ಲಿ ಬಳಸಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಹಾಗೆಯೇ ಒಮ್ಮೆ ಚಾರ್ಜ್ ಮಾಡಿದರೆ ಒಂದು ವಾರ ಕಾಲ ಸ್ಮಾರ್ಟ್ ವಾಚ್ ಬಳಸಬಹುದು. ಇದಲ್ಲದೆ, ಈ ಸ್ಮಾರ್ಟ್ ವಾಚ್ ಇನ್ನು ಹಲವು  ವೈಶಿಷ್ಟ್ಯಗಳನ್ನು ಹೊಂದಿದೆ.

ಪೆಬಲ್​ ಕಾಸ್ಮೊಸ್ ಎಂಡ್ಯೂರ್ ಸ್ಮಾರ್ಟ್ ವಾಚ್ ಬಹಳಷ್ಟು ಫೀಚರ್ಸ್​​ಗಳನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್ ವಾಚ್ ಬೆಲೆ ರೂ. 4,999 ಆಗಿದೆ. ಸಾಮಾನ್ಯವಾಗಿ ಇದರ ಮೂಲ ಬೆಲೆ ರೂ. 12,999. ಅಂದರೆ ನಿಮಗೆ ಶೇಕಡಾ 62 ರಷ್ಟು ರಿಯಾಯಿತಿ ಈ ಸ್ಮಾರ್ಟ್​​ವಾಚ್ ಮೇಲೆ ಇದೆ. ಇದು ನೀಲಿ, ಕಪ್ಪು ಮತ್ತು ಮಿಲಿಟರಿ ಹಸಿರು ಬಣ್ಣಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

ಶಾಕ್ ಪ್ರೂಫ್ ಫುಲ್ ಮೆಟಲ್ ಅಲಾಯ್ ಕೇಸ್, ಹೆಚ್ಚು ಬಾಳಿಕೆ ಬರುವ ಗ್ಲಾಸ್, 1.46 ಇಂಚಿನ ದೊಡ್ಡ ಅಮೋಲ್​​ಡ್​ ಡಿಸ್ಪ್ಲೇ, ಬೆಜೆಲ್ ಲೆಸ್ ಎಂಡ್ ಟು ಎಂಡ್ ಡಿಸ್ಪ್ಲೇ, ಹೈ ರೆಸಲ್ಯೂಶನ್ ಸ್ಕ್ರೀನ್, 400 mAh ಬ್ಯಾಟರಿ ಮುಂತಾದ ವೈಶಿಷ್ಟ್ಯಗಳನ್ನು ಇದು ಹೊಂದಿದೆ.

ಜೊತೆಗೆ ಈ ಸ್ಮಾರ್ಟ್​​ವಾಚ್ ವಾಟರ್ ಪ್ರೂಫ್ ಆಗಿದೆ. ಇದು IP68 ರೇಟಿಂಗ್ ಅನ್ನು ಹೊಂದಿದೆ. ಜೊತೆಗೆ ಇದರಲ್ಲಿ ಬ್ಲೂಟೂತ್ 5.0 ಕರೆ ಮಾಡುವ ವೈಶಿಷ್ಟ್ಯವೂ ಇದೆ. ಸ್ಪೀಕರ್ ಫೋನ್, ಮೈಕ್, ಕರೆಗಳು, ಇತ್ತೀಚಿನ ದಾಖಲೆಗಳು, ಡಯಲ್ ಪ್ಯಾಡ್ ಎಲ್ಲವೂ ಇವೆ. ಇನ್ನು ಇದರಲ್ಲಿ ಸ್ಪೋರ್ಟ್ಸ್​ ಫೀಚರ್​​ಗಳನ್ನು ಅಳವಡಿಸಿದ್ದಾರೆ.

ಅಲ್ಲದೆ ಇತರ ಸ್ಮಾರ್ಟ್ ವಾಚ್ ಗಳಂತೆ ಈ ಹೊಸ ಸ್ಮಾರ್ಟ್ ವಾಚ್ ನಲ್ಲೂ ಸ್ಲೀಪ್ ಮಾನಿಟರ್, ಬ್ಲಡ್ ಪ್ಲೆಷರ್ ಮಾನಿಟರ್, ಮಲ್ಟಿ ಸ್ಪೋರ್ಟ್ ಟ್ರ್ಯಾಕರ್, ಹಾರ್ಟ್​ಬೀಟ್​ ಮಾನಿಟರ್ ಹೀಗೆ ಎಲ್ಲ ಫೀಚರ್ ಗಳಿವೆ.

 ಇನ್ನು ಪ್ರಮುಖ ಇಕಾಮರ್ಸ್ ಕಂಪನಿಗಳಲ್ಲಿ ಒಂದಾದ ಅಮೆಜಾನ್​​ನಿಂದ ಈ ಸ್ಮಾರ್ಟ್​​ವಾಚ್​ ಖರೀದಿಸಿದರೆ, ನೀವು ಹೆಚ್ಚುವರಿ ರಿಯಾಯಿತಿ ಪ್ರಯೋಜನಗಳನ್ನು ಪಡೆಯಬಹುದು. ಬ್ಯಾಂಕ್ ಆಫರ್ ಅಡಿಯಲ್ಲಿ ರೂ. 350 ರಿಯಾಯಿತಿಯೊಂದಿಗೆ ಈ ಸ್ಮಾರ್ಟ್​​ವಾಚ್ ಅನ್ನು ಖರೀದಿಸಬಹುದು. ಜೊತೆಗೆ ಇದಕ್ಕೆ ಇಎಂಐ ಆಯ್ಕೆಯೂ ಇದೆ. ತಿಂಗಳಿಗೆ 215 ರೂಪಾಯಿ ಪಾವತಿ ಮಾಡುವ ಮೂಲಕ ಈ ಸ್ಮಾರ್ಟ್ ವಾಚ್ ಖರೀದಿಸಬಹುದು. ಇದು 24 ತಿಂಗಳವರೆಗೆ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ.

ಅದೇ 18 ತಿಂಗಳು ಆದರೆ ತಿಂಗಳಿಗೆ ರೂ. 281 ಕಟ್ಟಬೇಕು. ನೀವು ಒಂದು ವರ್ಷದ ಅವಧಿಯನ್ನು ಆರಿಸಿದರೆ, ನೀವು ರೂ. 406 ಇಎಮ್​​ಐ ಹಣವನ್ನು ಪಾವತಿಸಬೇಕು. 9 ತಿಂಗಳಿಗೆ 532 ರೂಪಾಯಿ ನೋ ಕಾಸ್ಟ್ ಇಎಂಐ ಪ್ಲಾನ್ ಕೂಡ ಇದೆ. ತಿಂಗಳಿಗೆ 750 ಪಾವತಿಸಬಹುದು. ಇದು ಆರು ತಿಂಗಳವರೆಗೆ ಅನ್ವಯಿಸುತ್ತದೆ. ಇದೇ ಮೂರು ತಿಂಗಳಿಗೆ ರೂ. 1500 ಪಾವತಿಸಬೇಕು.