Oneplus Smart LED TV: ನಂಬರ್ 1 ಕಂಪನಿ ಒನ್ಪ್ಲಸ್ನಿಂದ ಹೊಸ ಸ್ಮಾರ್ಟ್ಟಿವಿ ಬಿಡುಗಡೆ
ಭಾರತದಲ್ಲಿ ಮೊಬೈಲ್ ಬ್ರ್ಯಾಂಡ್ಗಳ ಮೂಲಕ ಜನಪ್ರಿಯತೆ ಪಡೆದಿರುವ ಒನ್ಪ್ಲಸ್ ಕಂಪನಿ ನಂತರದಲ್ಲಿ ಸ್ಮಾರ್ಟ್ಟಿವಿ ಬಿಡುಗಡೆ ಮಾಡಿ ಬಹಳಷ್ಟು ಜನಪ್ರಿಯತೆಯನ್ನು ಪಡೆದಿದೆ. ಇದೀಗ ಒನ್ಪ್ಲಸ್ ಕಂಪನಿಯಿಂದ ಹೊಸ ಸ್ಮಾರ್ಟ್ ಟಿವಿ ಬಿಡುಗಡೆ ಆಗುತ್ತಿದ್ದು ಇದರ ಫೀಚರ್ಸ್, ಬೆಲೆ ಬಗ್ಗೆ ಮಾಹಿತಿ ಇಲ್ಲಿದೆ.
ಹೊಸದಾಗಿ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿರುವ ಒನ್ಪ್ಲಸ್ ವೈ1ಎಸ್ ಪ್ರೋ 55-ಇಂಚಿನ ಸ್ಮಾರ್ಟ್ಟಿವಿ ಬೆಜೆಲ್-ಲೆಸ್ ವಿನ್ಯಾಸವನ್ನು ಹೊಂದಿರುವ 55-ಇಂಚಿನ 4K ಯುಹೆಚ್ಡಿ LED ಡಿಸ್‌ಪ್ಲೇ ಹೊಂದಿದೆ. HDR10+ ಡಿಕೋಡಿಂಗ್, HDR10 ಮತ್ತು HLG ಫಾರ್ಮ್ಯಾಟ್‌ಗಳ ಜೊತೆಗೆ ಆಟೊ ಲೋ ಲೆನ್ಸಿಟಿ ಮೋಡ್ (ALLM) ಮತ್ತು ಸುಧಾರಿತ ವಿಡಿಯೋ ಫ್ರೇಮ್ ರೇಟ್ (MEMC) ವೈಶಿಷ್ಟ್ಯಗಳನ್ನು ಹೊಂದಿರುವ ಈ ಡಿಸ್‌ಪ್ಲೇಯು ಉತ್ತಮ ಗುಣಮಟ್ಟವನ್ನು ಗ್ರಾಹಕರಿಗೆ ಒದಗಿಸಲಿದೆ ಎಂದು ಕಂಪನಿ ತನ್ನ ವರದಿಯಲ್ಲಿ ತಿಳಿಸಿದೆ.
ಹೊಸದಾಗಿ ಬಿಡುಗಡೆಯಾಗಿರುವ ಒನ್ಪ್ಲಸ್ ವೈ1ಎಸ್ ಪ್ರೋ 55-ಇಂಚಿನ ಸ್ಮಾರ್ಟ್ಟಿವಿ 24 ವ್ಯಾಟ್ ಆಡಿಯೋ ಔಟ್‌ಪುಟ್ ಅನ್ನು ನೀಡಲಿದೆ, ಜೊತೆಗೆ Dolby Atmosಗೆ ಬೆಂಬಲವನ್ನು ಕೂಡ ನೀಡುತ್ತದೆ. ಈ ಸ್ಮಾರ್ಟ್‌ಟಿವಿಯಲ್ಲಿರುವ ಇನ್‌ಬಿಲ್ಡ್ ಗಾಮಾ ಎಂಜಿನ್ ಡೈನಾಮಿಕ್, ಡಿಸ್ಪ್ಲೇನ ಬಣ್ಣಗಳು ಮತ್ತು ಕಾಂಟ್ರಾಸ್ಟ್ ನಲ್ಲಿ ದೃಶ್ಯಗಳನ್ನು ಉತ್ತಮಗೊಳಿಸುವ ಭರವಸೆ ನೀಡುತ್ತದೆ.
ಕನೆಕ್ಟಿವಿಟಿ ಆಯ್ಕೆಗಳ ಬಗ್ಗೆ ಮಾತನಾಡುವುದಾದರೆ, 3x HDMI (HDMI1 ನಲ್ಲಿ ARC ಬೆಂಬಲ), 2x USB, ಆಪ್ಟಿಕಲ್ ಮತ್ತು ಇಂಟರ್ನೆಟ್, Wi-Fi 802.11 ac, 2.4GHz + 5GHz, ಬ್ಲೂಟೂತ್ 5.0 LE ವೈರ್‌ಲೆಸ್ ಕನೆಕ್ಟಿಂಗ್ ವೈಶಿಷ್ಟ್ಯಗಳಿವೆ. ಜೊತೆಗೆ ಈ ಸ್ಮಾರ್ಟ್ಟಿವಿ ಗೂಗಲ್ ಅಸಿಸ್ಟೆಂಟ್ ಮತ್ತು ಅಮೆಜಾನ್ ಅಲೆಕ್ಸಾ ಜೊತೆಗೆ 230+ ಲೈವ್ ಚಾನೆಲ್‌ಗಳಿಗೆ ಪ್ರವೇಶ ನೀಡುವುದರೊಂದಿಗೆ ಕಾರ್ಯನಿರ್ವಹಿಸುತ್ತದೆ ಎಂದು ಕಂಪನಿ ತಿಳಿಸಿದೆ. .
ಇನ್ನು ಈ 55 ಇಂಚಿನ ಒನ್ಪ್ಲಸ್ ಸ್ಮಾರ್ಟ್ಟಿವಿಯನ್ನು 39,999 ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ದೇಶದಲ್ಲಿ ಇದೇ ಡಿಸೆಂಬರ್ 13 ರಿಂದ ಮಧ್ಯಾಹ್ನ 12 ಗಂಟೆಯಿಂದ ಮೊಟ್ಟ ಮೊದಲ ಬಾರಿಗೆ ಮಾರಾಟಕ್ಕೆ ಬರುತ್ತಿರುವ ಈ 55-ಇಂಚಿನ ಒನ್ಪ್ಲಸ್ ವೈ1ಎಸ್ ಪ್ರೋ 55 ಇಂಚಿನ ಸ್ಮಾರ್ಟ್ಟಿವಿಯನ್ನು OnePlus.in, ಫ್ಲಿಪ್ಕಾರ್ಟ್ ಮತ್ತು ಒನ್ಪ್ಲಸ್ ಆಫ್‌ಲೈನ್ ಸ್ಟೋರ್‌ಗಳಲ್ಲಿ ಖರೀದಿಸಲು ಅವಕಾಶವಿದೆ.
ಇನ್ನು ಈ ಸ್ಮಾರ್ಟ್ಟಿವಿಯನ್ನು ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ಗಳ ಮೇಲೆ ಖರೀದಿಸಿದರೆ 3,000 ರೂ. ಇನ್‌ಸ್ಟಂಟ್ ಕ್ಯಾಶ್‌ಬ್ಯಾಕ್ ಕೂಡ ಪಡೆಯಬಹುದಾಗಿದೆ. ಇಷ್ಟೇ ಅಲ್ಲದೇ, ಪ್ರಮುಖ ಬ್ಯಾಂಕ್ ಕಾರ್ಡ್‌ಗಳೊಂದಿಗೆ ಈ ಸ್ಮಾರ್ಟ್ಟಿವಿ ಖರೀದಿಸುವ ಗ್ರಾಹಕರಿಗೆ ಒಂಬತ್ತು ತಿಂಗಳವರೆಗೆ ನೋ-ಕಾಸ್ಟ್ ಇಎಮ್ಐ ಲಾಭವನ್ನು ಸಹ ನೀಡುವುದಾಗಿ ಒನ್ಪ್ಲಸ್ ಕಂಪನಿ ಹೇಳಿದೆ.