Jio Recharge Plan: ಜಿಯೋದಿಂದ ಹೊಸ ರೀಚಾರ್ಜ್​ ಪ್ಲ್ಯಾನ್​ ಬಿಡುಗಡೆ! ಒಂದು ತಿಂಗಳ ವ್ಯಾಲಿಡಿಟಿ ಉಚಿತ

ರಿಲಯನ್ಸ್ ಜಿಯೋ ಗ್ರಾಹಕರಿಗೆ ಉತ್ತಮ ರೀಚಾರ್ಜ್​ ಯೋಜನೆಗಳನ್ನು ನೀಡುತ್ತಿರುತ್ತದೆ. ಸಣ್ಣ ಯೋಜನೆಗಳಿಂದ ದೊಡ್ಡ ವಾರ್ಷಿಕ ಯೋಜನೆಗಳವರೆಗೆ, ಕಂಪನಿಯು ಅನೇಕ ರೀಚಾರ್ಜ್ ಯೋಜನೆಗಳನ್ನು ತನ್ನ ಗ್ರಾಹಕರಿಗಾಗಿ ಪರಿಚಯಿಸಿದೆ.  ಇದೀಗ ಮತ್ತೊಂದು ವಾರ್ಷಿಕ ರೀಚಾರ್ಜ್​ ಪ್ಲ್ಯಾನ್​​ ಅನ್ನು ಬಿಡುಗಡೆ ಮಾಡಿದೆ.

ಅನೇಕ ಬಾರಿ ಜನರು ಪ್ರತಿ ತಿಂಗಳು ರೀಚಾರ್ಜ್ ಮಾಡುವ ತೊಂದರೆಯನ್ನು ತಪ್ಪಿಸುವ ಕಾರಣದಿಂದ ಇಡೀ ವರ್ಷಕ್ಕೆ ಒಂದೇ ಬಾರಿಗೆ ರೀಚಾರ್ಜ್ ಮಾಡಿ ಬಿಡುತ್ತಾರೆ. ವಿಶೇಷವೆಂದರೆ ಜಿಯೋ ಅಂತಹ ಯೋಜನೆಯನ್ನು ಗ್ರಾಹಕರಿಗೆ ನೀಡುತ್ತಿದೆ, ಈ ಯೋಜನೆಯಲ್ಲಿ 1 ವರ್ಷದ ರಿಚಾರ್ಜ್​ ಯೋಜನೆ ಜೊತೆಗೆ ಮತ್ತು 1 ತಿಂಗಳ ವ್ಯಾಲಿಡಿಟಿ ಉಚಿತವಾಗಿ ಪಡೆಯಬಹುದಾಗಿದೆ.

ಹೌದು, ಜಿಯೋ ಪರಿಚಯಿಸಿರುವ ಈ ಯೋಜನೆಯಲ್ಲಿ ಒಮ್ಮೆ ರೀಚಾರ್ಜ್ ಮಾಡಿದರೆ, 13 ತಿಂಗಳ ಟೆನ್ಶನ್ ಇರುವುದಿಲ್ಲ. ಜಿಯೋದ ಈ ವಾರ್ಷಿಕ ಯೋಜನೆಯ ಪ್ರಯೋಜನಗಳ ಜೊತೆಗೆ ಮಾಸಿಕ ವೆಚ್ಚವನ್ನು ಲೆಕ್ಕ ಹಾಕುವುದಾದರೆ, ಇದು ನಿಮ್ಮ ಸಾಮಾನ್ಯ ಮಾಸಿಕ ರೀಚಾರ್ಜ್ ಯೋಜನೆಗಿಂತ ಅಗ್ಗವಾಗಿದೆ. ಇನ್ನು ಈ ಯೋಜನೆ ಮೂಲಕ ವರ್ಷದ 365 ದಿನದ ಪ್ರಯೋಜನದ ಜೊತೆಗೆ ಹೆಚ್ಚುವರಿಯಾಗಿ 23 ದಿನ ಬಳಸಬಹುದಾಗಿದೆ.

ಇಲ್ಲಿ ನಾವು ರಿಲಯನ್ಸ್​ ಜಿಯೋ ನ 2,999 ರೂಪಾಯ್​ ಪ್ಲಾನ್ ಕುರಿತು ಮಾತನಾಡುತ್ತಿದ್ದೇವೆ. ಜಿಯೋದ ರೂ 2,999 ಯೋಜನೆಯಲ್ಲಿ ಗ್ರಾಹಕರು ದಿನಕ್ಕೆ 2.5ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯಬಹುದಾಗಿದೆ. ವಿಶೇಷ ಕೊಡುಗೆಯ ಅಡಿಯಲ್ಲಿ, ಈ ಯೋಜನೆಯಲ್ಲಿ 365 ದಿನಗಳು + 23 ದಿನಗಳ ವ್ಯಾಲಿಡಿಟಿಯನ್ನು ನೀಡಲಾಗುತ್ತಿದೆ.

ಇನ್ನು 13 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುವ ಈ ಯೋಜನೆಯಲ್ಲಿ, ಅನ್ಲಿಮಿಟೆಡ್ ವಾಯ್ಸ್ ಕಾಲ್​ ಸೌಲಭ್ಯ ದೊರೆಯುತ್ತದೆ. ಅಲ್ಲದೆ, ಈ ಯೋಜನೆಯಲ್ಲಿ 100 ಎಸ್​ಎಮ್​ಎಸ್​ ಅನ್ನು ಉಚಿತವಾಗಿ ಮಾಡಬಹುದಾಗಿದೆ.

ಇನ್ನು ಈ ಯೋಜನೆಯಲ್ಲಿ ಉಚಿತ ಅನಿಯಮಿತ ಕರೆ, ಎಸ್​ಎಮ್​ಎಸ್​ ಸೇವೆ ಮಾತ್ರವಲ್ಲದೆ,  ಜಿಯೋ ಗ್ರಾಹಕರಿಗೆ ಈ ಯೋಜನೆಯಲ್ಲಿ ಜಿಯೋ ಟಿವಿ, ಜಿಯೋ ಸಿನೆಮಾ, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್​ ನ ಉಚಿತ ಚಂದಾದಾರಿಕೆಯನ್ನು ಸಹ ನೀಡಲಾಗುತ್ತದೆ.

ಇನ್ನು ಜಿಯೋನ ಈ ವಾರ್ಷಿಕ ಯೋಜನೆಯಲ್ಲಿ ನೀಡುವ 2.5 ಜಿಬಿ ದೈನಂದಿನ ಡೇಟಾ ಮುಗಿದ ನಂತರ, ಇಂಟರ್ನೆಟ್​ ವೇಗವು 64Kbps ವೇಗದಲ್ಲಿ ಕಾರ್ಯನಿರ್ವಹಿಸುತ್ತದೆ.

ಇದು ಜಿಯೋ ತನ್ನ ಗ್ರಾಹಕರಿಗಾಗಿ ನೀಡಿರುವ ವಿಶೇಷ ಕೊಡುಗೆಯಾಗಿದ್ದು, ಮಾಸಿಕವಾಗಿ ರೀಚಾರ್ಜ್ ಮಾಡಲು ಸಮಸ್ಯೆಯಾಗುವವರಿಗೆ ಈ ವಾರ್ಷಿಕ ಯೋಜನೆಯು ಉತ್ತಮ ಆಯ್ಕೆಯಾಗಿದೆ.