Telegram Update: ವಾಟ್ಸಾಪ್​ಗೆ ಟಕ್ಕರ್​ ನೀಡಲು ಟೆಲಿಗ್ರಾಮ್ ತಯಾರಿ! ಹೊಸ ಫೀಚರ್ಸ್​ ಪರಿಚಯಿಸಿದ ಕಂಪೆನಿ

ಟೆಲಿಗ್ರಾಮ್​ ಎಂಬುದು ಒಂದು ಮೆಸೇಜಿಂಗ್ ಅಪ್ಲಿಕೇಶನ್ ಆಗಿದ್ದು, ಬಹಳ ಹಿಂದಿನಿಂದ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ವಾಟ್ಸಾಪ್​ ಬರೋದಕ್ಕಿಂತ ಮೊದಲು ಟೆಲಿಗ್ರಾಂ ಅನ್ನೇ ಮೆಸೇಜಿಂಗ್ ಅಪ್ಲಿಕೇಶನ್ ಆಗಿ ಬಳಸುತ್ತಿದ್ದರು. ಆದರೆ ವಾಟ್ಸಾಪ್​ ಅಪ್ಲಿಕೇಶನ್ ಬಂದ ನಂತರ ಈ ಅಪ್ಲಿಕೇಶನ್​ನ ಬಳಕೆಯೂ ಕಡಿಮೆಯಾಯಿತು.

ಸ್ಮಾರ್ಟ್​ಫೋನ್​ ಬಳಕೆದಾರರು ಇತ್ತೀಚೆಗೆ ಟೆಲಿಗ್ರಾಮ್ ಅನ್ನು ಕೇವಲ ಸಿನಿಮಾ ಶೇರ್ ಮಾಡಲು, ಡೌನ್​ಲೋಡ್​ ಮಾಡಲು ಮತ್ತು ದೊಡ್ಡ ಸ್ಟೋರೇಜ್ ಹೊಂದಿದ ವಿಡಿಯೋ, ಡಾಕ್ಯುಮೆಂಟ್​ಗಳನ್ನು ಬಳಸುತ್ತಿದ್ದಾರೆ. ವಾಟ್ಸಾಪ್​ನಂತೆಯೇ ಫೀಚರ್ಸ್​ ಹೊಂದಿರುವ ಟೆಲಿಗ್ರಾಮ್​ ಇದೀಗ ವಾಟ್ಸಾಪ್​ಗೆ ಟಕ್ಜರ್​ ನೀಡುವಂತಹ ಒಂದು ಫೀಚರ್​ ಅನ್ನು ಪರಿಚಯಿಸಿದೆ.

ಇತ್ತೀಚಿನ ಟೆಲಿಗ್ರಾಮ್​ನ ಹೊ ಫೀಚರ್​ ಮೂಲಕ, ಅನುವಾದ ಮಾಡುವಂತಹ ವೈಶಿಷ್ಟ್ಯವನ್ನು ಟೆಲಿಗ್ರಾಮ್‌ನಲ್ಲಿ ಸೇರಿಸಲಾಗಿದೆ. ಇದರೊಂದಿಗೆ, ಬಳಕೆದಾರರು ಸಂಪೂರ್ಣ ಚಾಟ್‌ಗಳು, ಗ್ರೂಪ್​ಅನುವಾದ ಮಾಡಲು ಸಾಧ್ಯವಾಗುತ್ತದೆ. ಒಮ್ಮೆ ಈ ವೈಶಿಷ್ಟ್ಯವು ಅಪ್ಲಿಕೇಶನ್​ನಲ್ಲಿ ಆನ್ ಆಗಿದ್ದರೆ, ನಿಮಗೆ ಚಾಟ್​​ ಅನ್ನು ಸಂಪೂರ್ಣವಾಗಿ ಟ್ರಾನ್ಸ್​ಲೇಟ್​ ಮಾಡಬಹುದು/.

ಚಾಟ್‌ಗಳು, ಗ್ರೂಪ್​ಗಳು ಮತ್ತು ಚಾನಲ್‌ಗಳಿಗಾಗಿ ಘೋಷಿಸಲಾದ ಈ ನೈಜ-ಸಮಯದ ಅನುವಾದ ವೈಶಿಷ್ಟ್ಯವು ಪ್ರೀಮಿಯಂ ಬಳಕೆದಾರರಿಗೆ ಮಾತ್ರ ಸದ್ಯ ಲಭ್ಯವಿರುತ್ತದೆ. ಅಂದರೆ, ಈ ವೈಶಿಷ್ಟ್ಯವನ್ನು ಬಳಸಲು ಬಳಕೆದಾರರು ಟೆಲಿಗ್ರಾಮ್‌ನ ಪ್ರೀಮಿಯಂ ಚಂದಾದಾರಿಕೆಯನ್ನು ಖರೀದಿಸಬೇಕಾಗುತ್ತದೆ.

ಟೆಲಿಗ್ರಾಮ್‌ನಲ್ಲಿ ನೈಜ-ಸಮಯದ ಅನುವಾದವನ್ನು ಬಳಸಲು, ಬಳಕೆದಾರರು ಪ್ರೀಮಿಯಂ ಚಂದಾದಾರಿಕೆಯನ್ನು ಖರೀದಿಸುವುದು ಮುಖ್ಯವಾಗಿರುತ್ತದೆ. ನೀವು ಪ್ರೀಮಿಯಂ ಸದಸ್ಯರಾದ ತಕ್ಷಣವೇ ನೀವು ಈ ಹೊಸ ವೈಶಿಷ್ಟ್ಯವನ್ನು ಪಡೆಯಬಹುದು.

ಚಂದಾದಾರಿಕೆಯನ್ನು ಖರೀದಿಸಿದ ನಂತರ, ನೀವು ಚಾಟ್, ಗ್ರೂಪ್​​ ಚಾಟ್ ಅಥವಾ ಚಾನಲ್ ಅನ್ನು ಓಪನ್ ಮಾಡಬೇಕು. ನಂತರ ಚಾಟ್​ ಪೇಜ್​ನ ಮೇಲ್ಭಾಗದಿಂದ ನೀವು ಅನುವಾದ ಬಾರ್ ಮತ್ತು ಹುಡುಕಾಟ ಪಟ್ಟಿಯನ್ನು ನೋಡಬಹುದು. ನಂತರ ಅದನ್ನು ಟ್ಯಾಪ್ ಮಾಡಬೇಕು ಮತ್ತು ಭಾಷೆಯನ್ನು ಆಯ್ಕೆ ಮಾಡಬೇಕು.

ಬಳಕೆದಾರರು ಅನುವಾದಿಸಲು ಬಯಸುವ ಭಾಷೆಯನ್ನು ಆಯ್ಕೆ ಮಾಡಿ ಅನುವಾದ ಮಾಡಿಕೊಳ್ಳಬಹುದು. ಇನ್ನು ನಂತರ ಅಲ್ಲೇ ಮೂಲ ಭಾಷೆಗೂ ಅನುವಾದ ಮಾಡಿಕೊಳ್ಳಬಹುದಾಗಿದೆ

ಈ ಫೀಚರ್​​ ಮೆಸೇಜಿಂಗ್ ಅಪ್ಲಿಕೇಶನ್​ಗಳಲ್ಲಿ ಬಿಡುಗಡೆಯಾಗಿದ್ದು ಇದೆ ಮೊದಲು, ಆದ್ದರಿಂದ ಈ ಫೀಚರ್​ ಸ್ವಲ್ಪ ಮಟ್ಟಿಗೆ ವಾಟ್ಸಾಪ್​ಗೆ ಪೈಪೋಟಿ ನೀಡಬಹುದು ಎಂದು ಹೇಳಲಾಗ್ತಿದೆ.