Tech Tips: ನೆಟ್​​ವರ್ಕ್​ ಇದೆ ಆದ್ರೂ ಕಾಲ್​ ಕನೆಕ್ಟ್​ ಆಗ್ತಿಲ್ವಾ? ಇಲ್ಲಿದೆ ನೋಡಿ ಸಿಂಪಲ್ ಟ್ರಿಕ್ಸ್

ಅನೇಕ ಬಾರಿ ಕರೆ ಮಾಡುವಾಗ ನಾವು ಸಾಕಷ್ಟು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ. ಫೋನ್ ನೆಟ್​​ವರ್ಕ್​ಗೆ ಕನೆಕ್ಟ್​​ ಆಗಿಲ್ಲ ಮತ್ತು ನೆಟ್‌ವರ್ಕ್ ಸಮಸ್ಯೆ ಇದೆ ಎಂದು ನಾವು ಭಾವಿಸುತ್ತೇವೆ. ಆದರೆ ಇದು ಯಾವಾಗಲೂ ಸಂಭವಿಸುವುದಿಲ್ಲ. ವಾಸ್ತವವಾಗಿ, ನಮ್ಮ ಕೆಲವು ನಿರ್ಲಕ್ಷ್ಯ ಮತ್ತು ತಪ್ಪಿನಿಂದಾಗಿ ಫೋನ್ ಸರಿಯಾಗಿ ಕೆಲಸ ಮಾಡುವುದಿಲ್ಲ.

ಸಾಮಾನ್ಯವಾಗಿ ನೆಟ್​ವರ್ಕ್​ ಸಮಸ್ಯೆ ಎದುರಾಗಲು ಕಾರಣ ಬಳಕೆದಾರರು ಫೋನ್​ನಲ್ಲಿ ಇಟ್ಟುಕೊಂಡಿರುವಂತಹ ಸೆಟ್ಟಿಂಗ್ಸ್​ಗಳೇ ಕಾರಣ. ಆದರೆ ಇದರ ಬಗ್ಗೆ ಹೆಚ್ಚಿನ ಜನರು ತಿಳಿದಿರುವುದಿಲ್ಲ. ಅದಕ್ಕಾಗಿ ಕೆಲವು ಸೆಟ್ಟಿಂಗ್ಸ್​ ಮೂಲಕ ನಿಮಗಾಗುವ ನೆಟ್​ವರ್ಕ್​ ಸಮಸ್ಯೆಗೆ ಪರಿಹಾರ ನೀಡ್ಬಹುದು.

ಸ್ವಿಚ್ ಆಫ್, ಸ್ವಿಚ್ ಆನ್: ಫೋನ್‌ನಲ್ಲಿ ಫುಲ್ ನೆಟ್‌ವರ್ಕ್ ಇದ್ದರೂ ಕರೆ ಮಾಡಲು ಸಾಧ್ಯವಾಗದಿರುವುದನ್ನು ನಾವೆಲ್ಲರೂ ಗಮನಿಸುತ್ತೇವೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಸಾಮಾನ್ಯ ಒಂದು ಐಡಿಯಾವನ್ನು ಪ್ರಯತ್ನಿಸಬೇಕು. ನೀವು ಮಾಡಬೇಕಾಗಿರುವುದು ಒಮ್ಮೆ ಫೋನ್ ಅನ್ನು ಸ್ವಿಚ್ ಆಫ್ ಮಾಡಿ ಮತ್ತು 5 ನಿಮಿಷಗಳ ನಂತರ ಅದನ್ನು ರೀಸ್ಟಾರ್ಟ್ ಮಾಡ್ಬೇಕು. ಈ ರೀತಿ ಮಾಡುವುದರಿಂದ ನಿಮ್ಮ ಸ್ಮಾರ್ಟ್​​ಫೋನ್​ನಲ್ಲಿ ನೆಟ್​ವರ್ಕ್ ಸಮಸ್ಯೆಯನ್ನು ನಿವಾರಿಸಬಹುದು.

DND ಆನ್ ಆಗಿಲ್ಲ: ಆಫೀಸ್‌ನಲ್ಲಿರುವ ಕಾರಣ ಅಥವಾ ಹಲವಾರು ಬಾರಿ ಸ್ಮಾರ್ಟ್​​ಫೋನ್​ಗಳಲ್ಲಿ ಗೇಮ್​ಗಳನ್ನು ಆಡುತ್ತಿರುವ ಸಂದರ್ಭದಲ್ಲಿ, ನಾವು ಫೋನ್‌ನ ಸೆಟ್ಟಿಂಗ್‌ಗೆ ಹೋಗುವ ಮೂಲಕ DND ಅನ್ನು ಆನ್​ ಮಾಡುತ್ತೇವೆ.

ನಂತರ ಡಿಎನ್​ಡಿ ಮೋಡ್​ ಅನ್ನು ಆಫ್ ಮಾಡಲು ನೆನಪಿರುವುದಿಲ್ಲ. ಆದರೆ ಈ ರೀತಿ ಮಾಡುವುದರಿಂದ ನಾವು ಕರೆ ಮಾಡಲು ಮುಂದಾದಾಗ ಅಥವಾ ಕರೆ ಬರುತ್ತಿರುವಾಗ ಸಿಮ್​​ನಲ್ಲಿ ಏನೋ ಸಮಸ್ಯೆ ಇದೆ ಎಂದು ತೋರುತ್ತದೆ.

ಇಷ್ಟೆಲ್ಲಾ ಬದಲಾವಣೆ ಮಾಡಿದರೂ  ನೆಟ್​ವರ್ಕ್​ ಸಮಸ್ಯೆಗೆ ಪರಿಹಾರ ಸಿಗದಿದ್ದರೆ, ಮೊದಲು ನೀವು ಕಸ್ಟಮರ್ ಕೇರ್ ಅನ್ನು ಸಂಪರ್ಕಿಸಿ, ಇಲ್ಲದಿದ್ದರೆ ನಿಮ್ಮ ಟೆಲಿಕಾಂ ಕಂಪೆನಿಯ ಸ್ಟೋರ್‌ಗೆ ಹೋಗಿ ಸಿಮ್ ಅನ್ನು ಚೆಕ್​ ಮಾಡಿಕೊಳ್ಳಿ.

ಡಿಸ್​​ಪ್ಲೇ ಸ್ಕ್ರಾಚ್​ ಆಗಿದ್ದರೆ ಹೀಗೆ ಮಾಡಿ: ಸ್ಕ್ರಾಚ್ ರಿಮೂವರ್​ ಕ್ರೀಮ್‌: ಮಾರುಕಟ್ಟೆಯಲ್ಲಿ ಹಲವಾರು ಕಾರು, ಬೈಕ್, ಮೊಬೈಲ್​ ಗ್ಲಾಸ್​​ ಸ್ಕ್ರಾಚ್​ ರಿಮೂವರ್​ ಕ್ರೀಮ್​ಗಳು ಲಭ್ಯವಿದೆ. ಅವುಗಳಲ್ಲಿ ಯಾವುದಾದರು ಉತ್ತಮ ಗುಣಮಟ್ಟದ ಕ್ರೀಮ್​ ಖರೀದಿಸಿ ಬಳಸಿದರೆ ನಿಮ್ಮ ಮೊಬೈಲ್​ನಲ್ಲಾದ ಸ್ಕ್ರಾಚ್​ ಅನ್ನು ಕ್ಲಿಯರ್​ ಮಾಡ್ಬಹುದು.

ಬೇಕಿಂಗ್ ಸೋಡಾ: ಸ್ಕ್ರಾಚ್ ನಿವಾರಣೆಗಾಗಿ ಬೇಕಿಂಗ್ ಸೋಡಾ ಉತ್ತಮ ವಿಧಾನ. ಒಂದು ಪಾತ್ರೆಗೆ ನೀರು ಮತ್ತು ಸೋಡಾವನ್ನು ಬೆರೆಸಿಕೊಳ್ಳಿ. ಇವೆರಡನ್ನು ನುಣ್ಣನೆ ಪೇಸ್ಟ್ ಮಾಡಿ ಮತ್ತು ಹತ್ತಿ ಬಟ್ಟೆ ಬಳಸಿ ಸ್ಕ್ರಾಚ್ ನಿವಾರಣೆ ಮಾಡಿ.