Moto E13: ಬಿಡುಗಡೆಗೆ ಮುನ್ನವೇ ಲೀಕ್ ಆಯ್ತು ಮೋಟೋ ಇ13 ಸ್ಮಾರ್ಟ್​​ಫೋನ್ ಫೀಚರ್ಸ್​!

ಮೋಟೋ ಇ13 2ಜಿಬಿ ಮತ್ತು 4ಜಿಬಿ ರ್‍ಯಾಮ್ ಮತ್ತು 64ಜಿಬಿ ಸಂಗ್ರಹದೊಂದಿಗೆ ಬರುತ್ತದೆ. ಟಿಪ್‌ಸ್ಟರ್ ದೇಬಯನ್ ರಾಯ್ ಈ ಫೋನ್‌ನ ಬೆಲೆಯನ್ನು ಟ್ವೀಟ್ ಮಾಡಿದ್ದಾರೆ. ಟಿಪ್‌ಸ್ಟರ್ ಪ್ರಕಾರ, ಈ ಫೋನ್ ಆರಂಭಿಕ ಬೆಲೆ 6,499 ರಿಂದ 6,999 ರೂ. ಅಂದರೆ, ಬೆಲೆ 7,000 ರೂ.ಗಿಂತ ಕಡಿಮೆ ಇರುತ್ತದೆ.

Motorola ನ ಈ ಮುಂಬರುವ ಸ್ಮಾರ್ಟ್‌ಫೋನ್ ರೂ 7,000 ಕ್ಕಿಂತ ಕಡಿಮೆಯಿದ್ದರೆ, ಅದು ಪ್ರಸ್ತುತ ಕಂಪನಿಯ ಅಗ್ಗದ ಸ್ಮಾರ್ಟ್‌ಫೋನ್ ಆಗಲಿದೆ.

ಕಂಪನಿಯು ಈಗಾಗಲೇ ಈ ಸ್ಮಾರ್ಟ್​​ಫೋನ್ ಅನ್ನು ಕೆಲವು ಯುರೋಪಿಯನ್ ಮಾರುಕಟ್ಟೆಗಳಲ್ಲಿ  ಬಿಡುಗಡೆ ಮಾಡಿದೆ.

ಇನ್ನು ಮೋಟೋ ಇ13 ಸ್ಮಾರ್ಟ್‌ಫೋನ್ 12nm ಫ್ಯಾಬ್ರಿಕೇಶನ್ ಪ್ರಕ್ರಿಯೆ ಆಧಾರಿತ ಯುನಿಸೋಕ್​ ಟಿ606 ಪ್ರೊಸೆಸರ್ ಅನ್ನು ಹೊಂದಿರುತ್ತದೆ.

ಈ ಸ್ಮಾರ್ಟ್‌ಫೋನ್ 64ಜಿಬಿ ಯಷ್ಟು ಸ್ಟೋರೇಜ್ ಜೊತೆಗೆ 4ಜಿಬಿ ರ್‍ಯಾಮ್ ಅನ್ನು ಹೊಂದಿರುತ್ತದೆ. ಮೆಮೊರಿ ಕಾರ್ಡ್ ಸಹಾಯದಿಂದ ಗ್ರಾಹಕರು ಸಂಗ್ರಹಣೆಯನ್ನು ಹೆಚ್ಚಿಸಲು ಸಾಧ್ಯವಾಗುತ್ತದೆ. 

ಗ್ರಾಹಕರು ಈ ಸಾಧನವನ್ನು ಕಪ್ಪು, ಬಿಳಿ ಮತ್ತು ಹಸಿರು ಬಣ್ಣದ ಆಯ್ಕೆಗಳಲ್ಲಿ ಮಾರುಕಟ್ಟೆಯಲ್ಲಿ ಖರೀದಿಸಲು  ಸಾಧ್ಯವಾಗುತ್ತದೆ.  ಈ ಫೋನ್‌ನಲ್ಲಿ ಡಾಲ್ಬಿ ಆಟ್ಮೋಸ್​ ಸಹ ಬೆಂಬಲಿತವಾಗಿದೆ. ಇದು ಹಿಂಭಾಗದಲ್ಲಿ 13MP ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 5MP ಸೆಲ್ಫಿ ಕ್ಯಾಮೆರಾವನ್ನು ಹೊಂದಿರುತ್ತದೆ.

ಮೋಟೋ ಇ13 ಸ್ಮಾರ್ಟ್​​ಫೋನ್​ ಆಂಡ್ರಾಯ್ಡ್​ 13 ಗೋ ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 10W ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಪಡೆಯುತ್ತದೆ.