ಶಿಯೋಮಿ ‘ಮಿ ಬ್ಯಾಂಡ್ 5‘ ಫೀಚರ್ಸ್ ಲೀಕ್; ಹೊಸ ಸ್ಮಾರ್ಟ್​ ಬ್ಯಾಂಡ್​ ಹೇಗಿದೆ ಗೊತ್ತಾ?

ಚೀನಾ ಮೂಲದ ಶಿಯೋಮಿ ಕಂಪೆನಿ ಸ್ಮಾರ್ಟ್​ಫೋನ್​​ಗಳನ್ನು ಮಾತ್ರವಲ್ಲದೆ, ಹಲವು ಗ್ರಾಹಕ ಸ್ನೇಹಿ ಉತ್ಪನ್ನಗಳನ್ನು ಬಿಡುಗಡೆ ಮಾಡುತ್ತಿರುತ್ತದೆ.

ಇತ್ತೀಚೆಗೆ ಬಿಡುಗಡೆ ಮಾಡಿದ ಉತ್ಪನ್ನಗಳಲ್ಲಿ ಸ್ಮಾರ್ಟ್ ಬ್ಯಾಂಡ್​​ಗಳು ಗ್ರಾಹಕರನ್ನು ಹೆಚ್ಚು ಆಕರ್ಷಿಸಿದೆ.

ಈಗಾಗಲೇ ಶಿಯೋಮಿ ಕಂಪೆನಿ ಗ್ರಾಹಕರಿಗಾಗಿ ‘ಮಿ ಬ್ಯಾಂಡ್‘, ‘ಮಿ ಬ್ಯಾಂಡ್ 2‘, ‘ಮಿ ಬ್ಯಾಂಡ್ 3‘ ಪರಿಚಯಿಸಿತ್ತು. ಮಾತ್ರವಲ್ಲದೆ , ಕಳೆದ ವರ್ಷ ‘ಮಿ ಬ್ಯಾಂಡ್ 4‘ ಅನ್ನು ಗ್ರಾಹಕರ ಮುಂದಿರಿಸಿತ್ತು.

ಇದೀಗ ಕಂಪೆನಿ ಹೊಸ ಫೀಚರ್ಸ್ ಅಳವಡಿಸಿದ ‘ಮಿ ಬ್ಯಾಂಡ್ 5‘ ಡಿವೈಸ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ.

ಜನಪ್ರಿಯ ಶಿಯೋಮಿ ಸಂಸ್ಥೆಯ ಹೊಸ 'ಮಿ ಬ್ಯಾಂಡ್ 5' ಡಿವೈಸ್ ಬೆಲೆ ಮತ್ತು ಫೀಚರ್ಸ್​​ಗಳು ಲೀಕ್ ಆಗಿದ್ದು, ಗ್ರಾಹಕರಲ್ಲಿ ಭಾರಿ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.

ಹೊಸ ‘ಮಿ ಬ್ಯಾಂಡ್ 5‘ ಡಿವೈಸ್, ‘ಮಿ ಬ್ಯಾಂಡ್ 4‘ ಡಿವೈಸ್​ಗಿಂತ ಹೆಚ್ಚಿನ ಗಾತ್ರದ ಡಿಸ್​ಪ್ಲೇ ಹೊಂದಿರಲಿದೆ. ಇದರೊಂದಿಗೆ ಹೊಸ ಫೀಚರ್ಸ್ ಅನ್ನು ಅಳವಡಿಸಿಕೊಂಡಿದೆ. ಇನ್ನು ಬೆಲೆಯು ಸಹ ಗ್ರಾಹಕರ ಸ್ನೇಹಿ ಆಗಿರಲಿದೆ.

‘ಮಿ ಬ್ಯಾಂಡ್ 5‘ ಡಿವೈಸ್ 1.2 ಇಂಚಿನ ಡಿಸ್​​ಪ್ಲೇ ನೀಡುವ ಸಾಧ್ಯತೆಗಳಿವೆ.  ‘ಮಿ ಬ್ಯಾಂಡ್ 5‘ ನಿರಂತರ ಹೃದಯ ಬಡಿತ ದ ಮಾಹಿತಿಯನ್ನು ತಿಳಿಸುವ  ‘ಹಾರ್ಟ್ರೇಟ್ ಮಾನಿಟರಿಂಗ್' ಫೀಚರ್​ ಅನ್ನು ನೀಡಿದೆ ಎಂದು ಹೇಳಲಾಗುತ್ತಿದೆ.

ಇನ್ನು ‘ಮಿ ಬ್ಯಾಂಡ್ 5‘ ಡಿವೈಸ್ ಬೆಲೆ ಚೀನಾದಲ್ಲಿ 179 ಯುವನ್​ ಆಗಿದ್ದು, ಭಾರತದಲ್ಲಿ ಸುಮಾರು 1,800ರೂ.ಗಳ ಆಸುಪಾಸಿನಲ್ಲಿ ಬಿಡುಗಡೆ ಆಗಲಿದೆ ಎಂದು ಹೇಳಲಾಗುತ್ತಿದೆ.