ಬಿಡುಗಡೆಗೆ ಮುನ್ನವೇ ಲೀಕ್​ ಆಯ್ತು OnePlus 8T ಮಾಹಿತಿ: ಏನಿದರ ವಿಶೇಷತೆ?

ಜನಪ್ರಿಯ ಸ್ಮಾರ್ಟ್‌ಫೋನ್ ಕಂಪನಿ ಒನ್‌ಪ್ಲಸ್ (OnePlus) ತನ್ನ ಹೊಸ ಮೊಬೈಲ್ ಒನ್‌ಪ್ಲಸ್ 8 ಟಿ ಯನ್ನು ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯಿಸಲಿದೆ. ಆದರೆ ಫೋನ್ ಬಿಡುಗಡೆಗೆ ಮುನ್ನವೇ ಇದರ ಮಾಹಿತಿಗಳು ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿವೆ.

OnePlus 8T ಫೋನ್‌ನಲ್ಲಿ ವಿಭಿನ್ನ ಕ್ಯಾಮೆರಾ ಮಾಡ್ಯೂಲ್ ನೀಡಲಾಗುತ್ತಿದೆ ಎಂಬ ಸುದ್ದಿಯೊಂದು ಇತ್ತೀಚೆಗೆ ಬಹಿರಂಗವಾಗಿತ್ತು. ಇದೀಗ ಈ ಸುದ್ದಿಗೆ ಪುಷ್ಠಿ ನೀಡುವಂತೆ ಆನ್‌ಲೀಕ್ಸ್​ನೊಂದಿಗೆ ಪ್ರೈಸ್‌ಬಾಬಾ ವೆಬ್​ಸೈಟ್​ ಫೋನ್‌ನ ಕೆಲವು ಚಿತ್ರಗಳನ್ನು ಹಂಚಿಕೊಂಡಿದೆ. (PC: Onleaks)

ಸೋರಿಕೆಯಾದ ಮಾಹಿತಿಯಂತೆ ಒನ್‌ಪ್ಲಸ್ 8 ಟಿ ಫೋನ್‌ನಲ್ಲಿ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ ಅಳವಡಿಸಿದ್ದು, ಇದರ ಪ್ರೈಮರಿ ಕ್ಯಾಮೆರಾ 48 ಮೆಗಾಪಿಕ್ಸೆಲ್‌ಗಳಾಗಲಿದೆ ಎಂದು ಹೇಳಲಾಗಿದೆ. (PC: Onleaks)

ಹಾಗೆಯೇ ಹಿಂಭಾಗದಲ್ಲಿ 16 ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಸೆನ್ಸರ್, 5 ಮೆಗಾಪಿಕ್ಸೆಲ್ ಮ್ಯಾಕ್ರೋ ಲೆನ್ಸ್ ಮತ್ತು 2 ಮೆಗಾಪಿಕ್ಸೆಲ್ ಪೋರ್ಟೆಡ್ ಲೆನ್ಸ್ ಅನ್ನು ನೀಡಲಾಗಿದೆ. ಇದು ಬಳಕೆದಾರರಿಗೆ ಉತ್ತಮ ಚಿತ್ರ ಗುಣಮಟ್ಟವನ್ನು ನೀಡಲಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ವರದಿಗಳ ಪ್ರಕಾರ, OnePlus 8T 6.5 ಇಂಚಿನ ಪೂರ್ಣ ಎಚ್‌ಡಿ + ಡಿಸ್​ಪ್ಲೇ ಹೊಂದಿರಲಿದ್ದು, ಇದು 120Hz ರಿಫ್ರೆಶ್ ರೇಟ್ ಹೊಂದಿರುತ್ತದೆ. ಈ ಹಿಂದೆ ಕಂಪನಿಯು ಒನ್‌ಪ್ಲಸ್ 8 ಪ್ರೊನಲ್ಲಿ ಅದೇ ರಿಫ್ರೆಶ್ ರೇಟ್ ಡಿಸ್​ಪ್ಲೇಯನ್ನು ನೀಡಿತ್ತು.

ಹಾಗೆಯೇ ಈ ಸ್ಮಾರ್ಟ್‌ಫೋನ್ 8 ಜಿಬಿ + 128 ಜಿಬಿ ಮತ್ತು 12 ಜಿಬಿ + 256 ಜಿಬಿ ಎಂಬ ಎರಡು ರೂಪಾಂತರಗಳಲ್ಲಿ ಬಿಡುಗಡೆಯಾಗಲಿದೆ. ಇದರಲ್ಲಿ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 865+ ಪ್ರೊಸೆಸರ್ ನೀಡಲಾಗಿದೆ ಎಂದು ವರದಿಯಾಗಿದೆ.

ಇನ್ನು ನೂತನ OnePlus 8T ಸ್ಮಾರ್ಟ್​ಫೋನ್​ನ ಬ್ಯಾಟರಿ ಸಾಮರ್ಥ್ಯ 4,500 ಎಮ್‌ಎಹೆಚ್. ಇದು 65 ಡಬ್ಲ್ಯೂ ಫಾಸ್ಟ್ ಚಾರ್ಜಿಂಗ್​ನಲ್ಲಿ ಜಾರ್ಜ್ ಆಗಲಿದೆ. OnePlus ಕಂಪೆನಿಯು ಇದುವರೆಗೂ ತನ್ನ ಸ್ಮಾರ್ಟ್​ಫೋನ್​ ಜೊತೆ 30W ವಾರ್ಪ್ ಚಾರ್ಜ್ ಫೀಚರ್ ಮಾತ್ರ ಪರಿಚಯಿಸಿತ್ತು. ಹೀಗಾಗಿ OnePlus 8T ಇದೇ ಮೊದಲ ಬಾರಿ ವೇಗದ ಚಾರ್ಜಿಂಗ್ ಫೆಸಿಲಿಟಿಯೊಂದಿಗೆ ಹೊರ ಬರುತ್ತಿದೆ.

ಲೀಕ್ ಆಗಿರುವ ಮಾಹಿತಿ ಪ್ರಕಾರ OnePlus 8T ಬೆಲೆಯು 40 ರಿಂದ 45 ಸಾವಿರಗಳವರೆಗೆ ಇರಬಹುದು ಎಂದು ಅಂದಾಜಿಸಲಾಗಿದ್ದು, ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​ಫೋನ್ ಲಗ್ಗೆಯಿಡಲಿದೆ.