Gizmore Blaze Max: 15 ದಿನಗಳ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿರುವ ವಿಶೇಷ ಸ್ಮಾರ್ಟ್​​ವಾಚ್​ ಬಿಡುಗಡೆ!

ಟೆಕ್​ ಮಾರುಕಟ್ಟೆಯಲ್ಲಿ ಸ್ಮಾರ್ಟ್​ವಾಚ್​ಗಳಿಗೆ ಬೇಡಿಕೆ ಇರುವಷ್ಟು ಬೇರೆ ಯಾವುದೇ ಸಾಧನಕ್ಕೂ ಇಲ್ಲ. ಈ ಸ್ಮಾರ್ಟ್​​ವಾಚ್​ಗಳು ತನ್ನ ವಿಶೇಷ ವಿನ್ಯಾಸದ ಮೂಲಕ, ಫೀಚರ್ಸ್​ ಮೂಲಕ ಎಲ್ಲರ ಗಮನ ಸೆಳೆದಿದೆ. ಇದೀಗ ಗಿಝ್ಮೋರ್​​ ಕಂಪೆನಿಯಿಂದ ಬಿಡುಗಡೆಯಾದ ಗಿಝ್ಮೋರ್​ ಬ್ಲೇಝ್​ ವಾಚ್​ ಮೇಲೆ ಫ್ಲಿಪ್​ಕಾರ್ಟ್​ ಭರ್ಜರಿ ಡಿಸ್ಕೌಂಟ್ ಅನ್ನು ಘೋಷಿಸಿದೆ.

ಗಿಝ್ಮೋರ್​ ಬ್ಲೇಝ್​ ವಾಚ್​ ಅನ್ನು ಕಂಪೆನಿಯ ವೆಬ್‌ಸೈಟ್‌ನಲ್ಲಿ 1,499 ರೂಪಾಯಿ ಎಂದು ಪಟ್ಟಿ ಮಾಡಲಾಗಿದೆ. ಆದಾರೆ ಈಗ ಈ ಸ್ಮಾರ್ಟ್​​ವಾಚ್​​ ಅನ್ನು ಫ್ಲಿಪ್‌ಕಾರ್ಟ್‌ನಿಂದ ಕೇವಲ 1,199 ರೂಪಾಯಿಗೆ ಖರೀದಿಸಬಹುದು.

ಇನ್ನು ಈ ಹೊಸ ಸ್ಮಾರ್ಟ್‌ವಾಚ್​ನ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಇದು 1.85-ಇಂಚಿನ ಆಯತಾಕಾರದ ಐಪಿಎಸ್​ ಎಲ್​ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್​ಪ್ಲೇಯು 450 ನಿಟ್ಸ್​ ಬ್ರೈಟ್‌ನೆಸ್‌ ಅನ್ನು ನೀಡುತ್ತದೆ. ಈ ಎಲ್​​ಸಿಡಿ ಪ್ಯಾನೆಲ್‌ ಯಾವಾಗಲೂ ಉತ್ತಮ ಫೀಚರ್​ ಅನ್ನು ಒದಗಿಸುತ್ತದೆ.

ಇನ್ನು ಈ ಗಿಝ್ಮೋರ್​ ಬ್ಲೇಝ್​ ವಾಚ್​ ಅನ್ನು ಒಮ್ಮೆ ಫುಲ್​ ಚಾರ್ಜ್ ಮಾಡಿದ್ರೆ 15 ದಿನಗಳವರೆಗೆ ನಿರಂತರವಾಗಿ ಬಳಸಬಹುದು ಎಂದು ಕಂಪೆನಿ ಹೇಳಿಕೊಂಡಿದೆ. ಇದಲ್ಲದೆ ಈ ವಾಚ್‌ನಲ್ಲಿ ಹೃದಯ ಬಡಿತ ಮಾನಿಟರ್, ಸ್ಲೀಪ್ ಟ್ರ್ಯಾಕರ್ ಮತ್ತು ರಕ್ತದ ಆಮ್ಲಜನಕ ಸಂಸೆನ್ಸಾರ್​ನಂತಹ ಹಲವು ವೈಶಿಷ್ಟ್ಯಗಳನ್ನು ಸಹ ನೀಡಲಾಗಿದೆ.

ವಿಶೇಷವಾಗಿ ಮಹಿಳಾ ಬಳಕೆದಾರರಿಗೆ ಇದರಿಂದ ಆರೋಗ್ಯದ ಕಾಳಜಿಯನ್ನು ಸಹ ಟ್ರ್ಯಾಕ್ ಮಾಡಬಹುದು. ಇದರಲ್ಲಿ ಹಲವು ಕ್ರೀಡಾ ವಿಧಾನಗಳನ್ನೂ ನೀಡಲಾಗಿದೆ. ಇದರೊಂದಿಗೆ ಬಿಪಿಯನ್ನು ಮಾನಿಟರ್ ಮಾಡುತ್ತದೆ. ಈ ವಾಚ್‌ನಲ್ಲಿ ಕ್ಯಾಲ್ಕುಲೇಟರ್ ಮತ್ತು ಮಿನಿ ಗೇಮ್‌ಗಳನ್ನು ಸಹ ಆಡಬಹುದಾಗಿದೆ.

ಗಿಜ್ಮೋರ್ ಬ್ಲೇಝ್ ಮ್ಯಾಕ್ಸ್‌ನಲ್ಲಿ ಅನೇಕ ವಾಚ್ ಫೇಸ್‌ಗಳು, ಎಐ ಧ್ವನಿ ಸಹಾಯಕ ಮತ್ತು ಬ್ಲೂಟೂತ್ ಕರೆಗಳನ್ನು ಸಹ ಬೆಂಬಲಿಸಲಾಗಿದೆ. ಇದಕ್ಕಾಗಿ ಮೈಕ್ರೊಫೋನ್ ಮತ್ತು ಬಿಲ್ಟ್ ಇನ್ ಸ್ಪೀಕರ್ ಅನ್ನು ವಾಚ್‌ನಲ್ಲಿ ನೀಡಲಾಗಿದೆ.

ಈ ಗಿಝ್ಮೋರ್​ ಕಂಪೆನಿಯ ಈ ವಾಚ್​ ಅನ್ನು IP67 ರೇಟ್​ನೊಂದಿಗೆ ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ ಅಳವಡಿಸಲಾಗಿದೆ. ಇನ್ನು ಈ ವಾಚ್ ಅನ್ನು JYouPro ಎಂಬ ಅಪ್ಲಿಕೇಶನ್‌ನೊಂದಿಗೆ ಸೆಟ್​ ಮಾಡಿಕೊಳ್ಳಬಹುದಾಗಿದೆ.

ಇದು ಗಿಝ್ಮೋರ್​ ಕಂಪೆನಿಯಿಂದ ಬಿಡುಗಡೆಯಾದ ಸ್ಮಾರ್ಟ್​​ವಾಚ್​ನ ಫೀಚರ್ಸ್​ ಮತ್ತು ಇದರ ಮೇಲಿರುವಂತಹ ಫೀಚರ್ಸ್​ಗಳಾಗಿದೆ.