JioPhone Next Unboxing: ಸಿಂಪಲ್ಲಾಗಿ ಸಖತ್ತಾಗಿದೆ ಜಿಯೋಫೋನ್ ನೆಕ್ಸ್ಟ್!

JioPhone Next Unboxing: ರಿಲಯನ್ಸ್ ಜಿಯೋ ಮತ್ತು ಗೂಗಲ್ ತಯಾರಿಸಿದ JioPhone Next ಸ್ಮಾರ್ಟ್‌ಫೋನ್‌ಗಳು ಈ ದೀಪಾವಳಿಯ ಖರೀದಿಗೆ ಲಭ್ಯವಿರುತ್ತವೆ. ಜಿಯೋಫೋನ್ ನೆಕ್ಸ್ಟ್ ಅನ್ನು ಜಿಯೋ ಮಾರ್ಟ್, jio.com ಮತ್ತು ಎಲ್ಲಾ ಚಿಲ್ಲರೆ ಅಂಗಡಿಗಳಿಂದ ಖರೀದಿಸಬಹುದು. ಗೂಗಲ್ ಸಹಯೋಗದಲ್ಲಿ ಅಭಿವೃದ್ಧಿಪಡಿಸಲಾದ ಈ ಫೋನ್ ಆಂಡ್ರಾಯ್ಡ್ ಆಧಾರಿತ ಪ್ರಗತಿ ಓಎಸ್ ನಿಂದ ಚಾಲಿತವಾಗಿದೆ.

ಜಿಯೋಫೋನ್​ ನೆಕ್ಸ್​ ಭಾರತೀಯ ಆಂಡ್ರಾಯ್ಡ್ ಮೊಬೈಲ್​ ಮಾರುಕಟ್ಟೆಯಲ್ಲಿ ಇಷ್ಟು ಕಡಿಮೆ ದರದಲ್ಲಿ ಅತ್ಯುತ್ತಮ ಮೊಬೈಲ್​ ಅನ್ನು ಮೊದಲ ಬಾರಿಗೆ ಪರಿಚಯಿಸುತ್ತಿದೆ. ಅಲ್ಲದೆ, ಈ ಮೊಬೈಲ್​ ಅತ್ಯಂತ ಹೆಚ್ಚು ಗ್ರಾಹಕರನ್ನು ತಲುಪಲಿದೆ ಎನ್ನಲಾಗುತ್ತಿದೆ. ಅಭೂತಪೂರ್ವ ವೈಶಿಷ್ಟ್ಯಗಳೊಂದಿಗೆ, JioPhone Next ದೇಶಾದ್ಯಂತ ರಿಲಯನ್ಸ್ ರಿಟೇಲ್‌ನ ವ್ಯಾಪಕವಾದ JioMart ಡಿಜಿಟಲ್ ರಿಟೇಲ್ ಸ್ಥಳಗಳಲ್ಲಿ ಲಭ್ಯವಿರಲಿದೆ.

ರಿಲಯನ್ಸ್ ಇಂಡಸ್ಟ್ರೀಸ್‌ನ ಮುಖ್ಯಸ್ಥ ಮತ್ತು ವ್ಯವಸ್ಥಾಪಕ ನಿರ್ದೇಶ ಮುಖೇಶ್ ಡಿ ಅಂಬಾನಿ, "ಪ್ರಸ್ತುತ ಹಬ್ಬದ ಸಮಯದಲ್ಲಿ ಈ ಅದ್ಭುತ ಸಾಧನವನ್ನು ಭಾರತೀಯ ಗ್ರಾಹಕರಿಗೆ ನೀಡುವಲ್ಲಿ ಗೂಗಲ್ ಮತ್ತು ಜಿಯೋ ತಂಡಗಳು ಯಶಸ್ವಿಯಾಗಿರುವುದು ನನಗೆ ಸಂತೋಷ ತಂದಿದೆ. ಕೋವಿಡ್ ಸಾಂಕ್ರಾಮಿಕದಿಂದ ಉಂಟಾಗುವ ಜಾಗತಿಕ ಪೂರೈಕೆ ಸರಪಳಿ ಸವಾಲುಗಳು. 1.35 ಶತಕೋಟಿ ಭಾರತೀಯರ ಜೀವನವನ್ನು ಉತ್ಕೃಷ್ಟಗೊಳಿಸಲು, ಸಕ್ರಿಯಗೊಳಿಸಲು ಮತ್ತು ಸಶಕ್ತಗೊಳಿಸಲು ಡಿಜಿಟಲ್ ಕ್ರಾಂತಿಯ ಶಕ್ತಿಯಲ್ಲಿ ನಾನು ಯಾವಾಗಲೂ ದೃಢ ನಂಬಿಕೆ ಹೊಂದಿದ್ದೇನೆ. ದೂರ ಸಂಪರ್ಕ ವಿಭಾಗದಲ್ಲಿ ನಾವು ಇದನ್ನು ಈ ಹಿಂದೆಯೇ ಮಾಡಿದ್ದೇವೆ. ಈಗ ನಾವು ಅದನ್ನು ಸ್ಮಾರ್ಟ್‌ಫೋನ್ ಸಾಧನದೊಂದಿಗೆ ಮತ್ತೆ ಸಕ್ರಿಯಗೊಳಿಸುತ್ತಿದ್ದೇವೆ" ಎಂದು ಸಂತಸವನ್ನು ವ್ಯಕ್ತಪಡಿಸಿದ್ದಾರೆ.

ಜಿಯೋ ಫೋನ್​ ನೆಕ್ಸ್ಟ್​ನಲ್ಲಿರುವ ವಿಶೇಷತೆ ಏನು?: ಮೊಬೈಲ್​ನಲ್ಲಿ ಯಾವ ಭಾಷೆಯಲ್ಲಿ ಸಂದೇಶವನ್ನು ಕಳುಹಿಸಿದ್ದರೂ ಸಹ ಅದನ್ನು ಟ್ಯಾಪ್ ಬಟನ್ ಒತ್ತುವ ಮೂಲಕ ಎಲ್ಲಾ ಸಂದೇಶವನ್ನೂ ನಿಮ್ಮ ಮಾತೃ ಭಾಷೆಯಲ್ಲಿ ಓದಬಹುದು. ಮೊಬೈಲ್​ನಲ್ಲಿ ಸ್ಕ್ರೀನ್​ನಲ್ಲಿ ಕಾಣುವ ಆಯ್ಕೆಗಳ ಪೈಕಿ ನೀವು ಯಾವುದೇ ಭಾಷೆಯನ್ನು ಆಯ್ದುಕೊಳ್ಳಬಹುದು. 

ಅತ್ಯುತ್ತಮ ಕ್ಯಾಮೆರಾ, ಅಂತರ್ನಿರ್ಮಿತ ಫಿಲ್ಟರ್‌ಗಳು ಮತ್ತು ಸುಪೀರಿಯರ್ ನೈಟ್ ಫೋಟೋಗ್ರಫಿ ಸೌಲಭ್ಯ. ಜಿಯೋ ಫೋನ್​ನಲ್ಲಿ ನೀವು ನಿಮ್ಮ ಭಾಷೆಯಲ್ಲೇ ಮಾತನಾಡುವ ಮೂಲಕ ಮತ್ತಷ್ಟು ಹೆಚ್ಚು ಸೌಲಭ್ಯಗಳನ್ನು jio Nextನಲ್ಲಿ ಪಡೆದುಕೊಳ್ಳಬಹುದು.

ಜಿಯೋ ಫೋನ್​ ನೆಕ್ಸ್ಟ್​ ಕೊಳ್ಳುವುದು ಹೇಗೆ? ನಿಮ್ಮ ಹತ್ತಿರದಲ್ಲಿರುವ ಜಿಯೋ ಮಾರ್ಟ್ ಡಿಜಿಟಲ್ ಮಾರ್ಟ್​ಗೆ ಭೇಟಿ ನೀಡಿ ಅಥವಾ WWW.JIO.COM/NEXT ಗೆ ಭೇಟಿ ನೀಡಿ ನಿಮ್ಮ ಮೊಬೈಲ್ ಅನ್ನು ಕೊಳ್ಳಬಹುದು. 

ವಾಟ್ಸಾಪ್​ನಲ್ಲಿ 70182-70182 ಎಂಬ ನಂಬರ್​ಗೆ HI ಎಂದು ಸಂದೇಶ ಕಳುಹಿಸುವ ಮೂಲಕ ಮೊಬೈಲ್​ಗಾಗಿ ರಿಜಿಸ್ಟ್ರೇಷನ್ ಮಾಡಿಕೊಳ್ಳಬಹುದು. ಸಂದೇಶ ಖಚಿತವಾದ ನಂತರ ಹತ್ತಿರದ ಜಿಯೋ ಮಾರ್ಟ್​ಗೆ ತೆರಳಿ ಮೊಬೈಲ್​ ಅನ್ನು ಪಡೆದುಕೊಳ್ಳಬಹುದು.

ರಿಲಯನ್ಸ್​ ಜಿಯೋ ಫೋನ್ ಇದೀಗ 1999ರ ಸುಲಭ EMI ನಲ್ಲಿ ಗ್ರಾಹಕರಿಗೆ ಸ್ಮಾರ್ಟ್​ ಪೋನ್​ ಅನ್ನು ನೀಡಲು ಮುಂದಾಗಿದೆ. ದೀಪಾವಳಿಯ ವಿಶೇಷವಾಗಿ ಜಿಯೋ ಗ್ರಾಹಕರಿಗೆ ಈ ಸೌಲಭ್ಯ ಸಿಗಲಿದೆ ಎಂದು ರಿಲಯನ್ಸ್​ (Reliance) ಜಿಯೋ (Jio) ಕಂಪೆನಿ ಇಂದು ಹೇಳಿಕೆ ನೀಡಿದೆ