Jio Offers: ಗ್ರಾಹಕರಿಗಾಗಿ ವಾರ್ಷಿಕ ಪ್ಲಾನ್​ ಬಿಡುಗಡೆ ಮಾಡಿದ ಜಿಯೋ; ಪ್ರತಿ ದಿನ 2GB ಡೇಟಾ ಉಚಿತ

ರಿಲಾಯನ್ಸ್ ಜಿಯೋ ಟೆಲಿಕಾಂ ಸಂಸ್ಥೆ  ವಾರ್ಷಿಕ ಪ್ಲಾನ್​​ವೊಂದನ್ನು ಬಿಡುಗಡೆ ಮಾಡಿದೆ. ಗ್ರಾಹಕರು ಈ ಪ್ಲಾನ್ ಮೂಲಕ ಪ್ರತಿದಿನ 2GB ಡೇಟಾ ಬಳಸಬಹುದಾಗಿದೆ. ಸದ್ಯ ಲಾಕ್​ಡೌನ್​ ಅವಧಿಯಲ್ಲಿ ಮನೆಯಲ್ಲಿ ಕುಳಿತು  ‘ವರ್ಕ್​ ಫ್ರಂ ಹೋಮ್​‘ ಮಾಡುತ್ತಿರುವ ನೌಕಕರಿಗೆ ಈ ಪ್ಲಾನ್ ಹೆಚ್ಚು ಸಹಾಯಕವಾಗಲಿದೆ.

ರಿಲಾಯನ್ಸ್ ಪರಿಚಯಿಸಿರುವ ಆ್ಯನುವಲ್​​ ಪ್ಲಾನ್ ಬೆಲೆ 2399 ರೂಪಾಯಿಯಾಗಿದೆ. ಅಂದರೆ ಗ್ರಾಹಕರು ತಿಂಗಳಿಗೆ 200 ರೂಪಾಯಿ ನೀಡಿ 2GB ಡೇಟಾ ಪಡೆದುಕೊಳ್ಳುವ ಬದಲು 2399 ರೂಪಾಯಿ ನೀಡುವ ಮೂಲಕ ಈ ಸೇವೆಯನ್ನು ಪಡೆಯಬಹುದಾಗಿದೆ.

ಇದರ ಜೊತೆಗೆ ಅನಿಯಮಿತ ಕರೆ ಸೌಲಭ್ಯ, ಎಸ್ಎಮ್ಎಸ್ ಸೌಲಭ್ಯವನ್ನು ನೀಡಿದೆ. ಈ ಪ್ಲಾನ್ 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ.

ಏರ್​​ಟೆಲ್​ ಈ ಹಿಂದೆ​  2398 ರೂಪಾಯಿ ಆ್ಯನುವಲ್ ಪ್ಲಾನ್​​ ಅನ್ನು ಪರಿಚಯಿಸಿತ್ತು. ಈ ಪ್ಲಾನ್​ ಮೂಲಕ ಗ್ರಾಹಕರು 1.5GB ಡೇಟಾದ ಜೊತೆಗೆ ಅನಿಯಮಿತ ಕರೆ ಸೌಲಭ್ಯ ನೀಡಿದೆ. ಅದಲ್ಲದೆ ಎಫ್​ಯುಪಿ ಸೇವೆ ನೀಡಿದೆ. ಈ ಪ್ಲಾನ್​​ 365 ದಿನಗಳ ವ್ಯಾಲಿಡಿಟಿಯನ್ನುಹೊಂದಿದೆ.

ವೊಡಾಫೋನ್ ಟೆಲಿಕಾಂ ಸಂಸ್ಥೆ ಕೂಡ 2399 ರೂಪಾಯಿಯ ಪ್ಲಾನ್ ಪರಿಚಯಿಸಿದೆ. ಈ ಪ್ಲಾನ್​ನಲ್ಲಿ ಪ್ರತಿ ದಿನ  1.5GB ಡೇಟಾ, ಅನಿಯಮಿತ ಕರೆ ಸೌಲಭ್ಯ ನೀಡಿದೆ. ಈ ಪ್ಲಾನ್ 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ.

ಇನ್ನು ಜಿಯೋ ಪ್ರತಿ ದಿನ 1.5GB ಡೇಟಾ ಒದಗಿಸುವ 2121 ರೂಪಾಯಿಯ ಪ್ಲಾನ್ ಪರಿಚಯಿಸಿದೆ. ಇದರಲ್ಲಿ ಜಿಯೋ ನೆಟ್​ವರ್ಕ್​​​ಗಳಿಗೆ ಅನಿಯಮಿತ ಕರೆ ಸೌಲಭ್ಯ ನೀಡಿದೆ. ಜೊತೆಗೆ ಇತರೆ ನೆಟ್​​ವರ್ಕ್​  ಕರೆಯ ಮೇಲೆ 1200 ನಿಮಿತ ಉಚಿತವಾಗಿ ನೀಡುತ್ತಿದೆ. ಈ ಪ್ಲಾನ್ 336 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ.