Jio IPL Plans: ಐಪಿಎಲ್ ಪ್ರಿಯರಿಗೆ ವಿಶೇಷ ರೀಚಾರ್ಜ್ ಪ್ಲ್ಯಾನ್​ ಪರಿಚಯಿಸಿದ ಜಿಯೋ! 40 ಜಿಬಿವರೆಗೆ ಡೇಟಾ ಉಚಿತ

ಮತ್ತೊಮ್ಮೆ ಭಾರತದಲ್ಲಿಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್) ಝೇಂಕಾರ ಆರಂಭವಾಗಲಿದೆ. ಮಾರ್ಚ್ 31 ರಂದು ಐಪಿಎಲ್ ಸೀಸನ್ ಆರಂಭವಾಗಲಿದ್ದು, ಇದಕ್ಕಾಗಿ ಕ್ರಿಕೆಟ್ ಪ್ರೇಮಿಗಳಿಗೆ ರಿಲಯನ್ಸ್ ಜಿಯೋ ವಿಶೇಷವಾಗಿ ಐಪಿಎಲ್ ರೀಚಾರ್ಜ್​ ಯೋಜನೆಗಳನ್ನು ಘೋಷಿಸಿದೆ. ಇನ್ನು ಜಿಯೋ ಪರಿಚಯಿಸಿರುವ ಈ ಯೋಜನೆಗಳಿಂದ ಗ್ರಾಹಕರು ಹೆಚ್ಚಿನ ಡೇಟಾವನ್ನು ಪಡೆಯಬಹುದು.

ಇನ್ನು ಜಿಯೋ ಐಪಿಎಲ್​ ವೀಕ್ಷಕರಿಗಾಗಿ ಪರಿಚಯಿಸಿರುವ ಈ ಯೋಜನರೆಗಳು ಗ್ರಾಹಕರಿಗೆ ಇದೇ ಮಾರ್ಚ್​ 24ರಿಂದ ಲಭ್ಯವಾಗಲಿದೆ. ಹಾಗಿದ್ರೆ ಜಿಯೋ ಪರಿಚಯಿಸಿರುವ ಆ ಯೋಜನೆಗಳು ಯಾವುದೆಲ್ಲಾ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಜಿಯೋ ರೂ 999 ಯೋಜನೆ: ಜಿಯೋ 999 ರೂಪಾಯಿ ರೀಚಾರ್ಜ್ ಪ್ಲಾನ್ ಒಟ್ಟು 84 ದಿನಗಳ ವ್ಯಾಲಿಡಿಟಿಯನ್ನು ಪಡೆಯುತ್ತದೆ. ಈ ಯೋಜನೆಯಲ್ಲಿ ಗ್ರಾಹಕರು ದಿನಕ್ಕೆ 3 GB ಡೇಟಾ ಪಡೆಯಬಹುದು. ಯೋಜನೆ ಮುಗಿಯುವ ಹೊತ್ತಿಗೆ ಒಟ್ಟು 252 GB ಡೇಟಾವನ್ನು ಬಳಸಬಹುದು.

ಇನ್ನು ವಿಶೇಷವಾಗಿ ಇದರಲ್ಲಿ ರೂ.241 ಮೌಲ್ಯದ 40GB ಡೇಟಾ ಓಚರ್ ಉಚಿತವಾಗಿ ಲಭ್ಯವಿದೆ. ಒಟ್ಟು 292 GB ಡೇಟಾವನ್ನು ಬಳಸಬಹುದಾಗಿದೆ. ಇನ್ನು ಅನಿಯಮಿತ ವಾಯ್ಸ್​ ಕರೆಗಳು, ಪ್ರತಿದಿನ 100 ಎಸ್​​ಎಮ್​ಎಸ್​ ಮಾಡುವ ಸೌಲಭ್ಯ ದೊರೆಯಲಿದೆ. ಹಾಗೆಯೇ JioTV, JioCinema, JioSecurity, JioCloud ಅಪ್ಲಿಕೇಶನ್‌ಗಳಿಗೆ ಪ್ರವೇಶ ಉಚಿತವಾಗಿದೆ. ಅರ್ಹ ಚಂದಾದಾರರು ಅನಿಯಮಿತ 5G ಡೇಟಾವನ್ನು ಪಡೆಯಬಹುದು.

ಜಿಯೋ ರೂ 399 ಯೋಜನೆ: ಜಿಯೋ ರೂ 399 ರೀಚಾರ್ಜ್ ಪ್ಲಾನ್  ಒಟ್ಟು 28 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಈ ಯೋಜನೆಯಲ್ಲಿ ದಿನಕ್ಕೆ 3GB ಡೇಟಾವನ್ನು ಪಡೆಯಬಹುದು. ಈ ವ್ಯಾಲಿಡಿಟಿ ಮುಗಿಯುವ ಹೊತ್ತಿಗೆ ಒಟ್ಟು 84 ಜಿಬಿ ಡೇಟಾ ಸೌಲಭ್ಯ ದೊರೆಯುತ್ತದೆ.

ಜೊತೆಗೆ ರೂ.61 ಮೌಲ್ಯದ 6GB ಡೇಟಾ ಓಚರ್ ಸಹ ಉಚಿತವಾಗಿ ಲಭ್ಯವಿದೆ. ಈ ಓಚರ್ ಸೇರಿದ್ರೆ ಒಟ್ಟು 90 GB ಡೇಟಾವನ್ನು ಬಳಸಬಹುದಾಗಿದೆ. ಇನ್ನು ಉಚಿತವಾಗಿ ಅನಿಯಮಿತ ವಾಯ್ಸ್​ ಕರೆ, ಉಚಿತ ಎಸ್​ಎಮ್​ಎಸ್​ ಮಾಡುವ ಸೌಲಭ್ಯ ದೊರೆಯುತ್ತದೆ. ಹಾಗೆಯೇ JioTV, JioCinema, JioSecurity, JioCloud ಅಪ್ಲಿಕೇಶನ್‌ಗಳಿಗೆ ಫ್ರೀಯಾಗಿ ಓಪನ್ ಮಾಡ್ಬಹುದು. ಅರ್ಹ ಚಂದಾದಾರರು ಅನಿಯಮಿತ 5G ಡೇಟಾವನ್ನು ಸಹ ಪಡೆಯಬಹುದು.

ಜಿಯೋ ರೂ 219 ಯೋಜನೆ: ಜಿಯೋ ರೂ 219 ರೀಚಾರ್ಜ್ ಪ್ಲಾನ್ ಒಟ್ಟು  14 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಜೊತೆಗೆ ಈ ಯೋಜನೆಯಲ್ಲಿ ದಿನಕ್ಕೆ 3GB ಡೇಟಾ ಸೌಲಭ್ಯ ದೊರೆಯುತ್ತದೆ. ಈ ಮೂಲಕ ಈ ಪ್ಲಾನ್​ ಮುಗಿಯುವ ಹೊತ್ತಿಗೆ 42 ಜಿಬಿ ಡೇಟಾವನ್ನು ಬಳಕೆ ಮಾಡಬಹುದು.

ಜಿಯೋ ಈ ರೀಚಾರ್ಜ್​ ಯೋಜನೆಯಲ್ಲಿ ರೂ.25 ಮೌಲ್ಯದ 2GB ಡೇಟಾ ಓಚರ್ ಉಚಿತವಾಗಿ ಲಭ್ಯವಿದೆ. ಜೊತೆಗೆ ಒಟ್ಟು 44GB ಡೇಟಾವನ್ನು ಸಹ ಬಳಸಬಹುದು. ಇನ್ನು ಈ ಯೋಜನೆಯಲ್ಲಿ ಅನಿಯಮಿತ ವಾಯ್ಸ್​ ಕರೆಗಳು ಉಚಿತ. ಪ್ರತಿದಿನ 100 sms ಉಚಿತ. JioTV, JioCinema, JioSecurity, JioCloud ಅಪ್ಲಿಕೇಶನ್‌ಗಳಿಗೆ ಪ್ರವೇಶ ಉಚಿತವಾಗಿದೆ. ಅರ್ಹ ಚಂದಾದಾರರು ಅನಿಯಮಿತ 5G ಡೇಟಾವನ್ನು ಪಡೆಯಬಹುದು.