ವಾಹ್ ರೆ ವಾಹ್.. Jio ಪರಿಚಯಿಸಿದೆ 1 ರೂಪಾಯಿಯ ಪ್ಲಾನ್​; ಇದರಿಂದ ಏನು ಲಾಭ ಗೊತ್ತಾ?

Jio Cheapest Plan: ಇತ್ತೀಚೆಗೆ ಟೆಲಿಕಾಂ ಕಂಪನಿಗಳು ಯೋಜನೆಗಳ ಬೆಲೆಯನ್ನು ಏರಿಸಿತ್ತು. ರಿಲಯನ್ಸ್ ಜಿಯೋ ಕೂಡ ಕೆಲವು ಯೋಜನೆಗಳ ಬೆಲೆ ಏರಿಕೆಯ ಜೊತೆಗೆ ಬಹು ಪ್ರಯೋಜನವನ್ನು ನೀಡುವ ಮೂಲಕ ಗ್ರಾಹಕರ ಮನ ತಣ್ಣಗೆ ಮಾಡಿತ್ತು. ಇದೀಗ ಗ್ರಾಹಕರಿಗೆ ಅಚ್ಚರಿಯಾಗುವಂತೆ ಭಾರೀ ಅಗ್ಗದ ಪ್ಲಾನ್​ವೊಂದನ್ನು ಜಿಯೋ ಪರಿಚಯಿಸಿದೆ. ಕೇವಲ 1 ರೂ.ಗೆ ಜಿಯೋ ಪ್ಲಾನ್​ವೊಂದನ್ನು ಪರಿಚಯಿಸಿದ್ದು, ವ್ಯಾಲಿಟಿಡಿ ಜೊತೆಗೆ ಪ್ರಯೋಜನವನ್ನು ಒದಗಿಸುತ್ತಿದೆ.

ಹೌದು. ಜಿಯೋ 1 ರೂ.ವಿನ ಯೋಜನೆ ಪರಿಚಯಿಸಿದೆ. ಮೈ ಜಿಯೋ ಅಪ್ಲಿಕೇಶನ್​ನಲ್ಲಿ  ಇದನ್ನು ಹಂಚಿಕೊಂಡಿದೆ. ಹಾಗಿದ್ದರೆ ಈ ಯೋಜನೆಯ ಪ್ರಯೋಜನಗಳೇನು? ತಿಳಿಯೋಣ…

ಜಿಯೋ 1 ರೂ ಯೋಜನೆ: ಸಿಮ್ ಅನ್ನು ಸಕ್ರಿಯವಾಗಿಡಲು ಬಯಸುವವರಿಗೆ ಈ ಯೋಜನೆ ಉತ್ತಮವಾಗಿದೆ. ಈ ಯೋಜನೆಯಲ್ಲಿ ಕರೆ ಮತ್ತು SMS ಸೌಲಭ್ಯವಿಲ್ಲವಾದರು 30 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಆದರೆ 100MB ಡೇಟಾವನ್ನು ನೀಡುತ್ತದೆ. ಡೇಟಾ ಮುಗಿದ ನಂತರ ಇಂಟರ್ನೆಟ್ ವೇಗವು 60kbps ಗೆ ಇಳಿಯುತ್ತದೆ.

ಭಾರತದಲ್ಲಿ ಅಗ್ಗದ ಯೋಜನೆ: ಜಿಯೋದ 1 ರೂ ಯೋಜನೆಯು ದೇಶದ ಅತ್ಯಂತ ಅಗ್ಗದ ಯೋಜನೆಯಾಗಿದೆ. ಜಿಯೋ ಹೊರತುಪಡಿಸಿ, ಯಾವುದೇ ಟೆಲಿಕಾಂ ಕಂಪನಿಯು 1 ರೂ ಯೋಜನೆಯನ್ನು ಪರಿಚಯಿಸಿಲ್ಲ.

ಜಿಯೋ 10 ರೂ ಮತ್ತು 20 ರೂ ಯೋಜನೆ: ಜಿಯೋ 10 ಮತ್ತು 20 ರೂಪಾಯಿಗಳ ಅಗ್ಗದ ಯೋಜನೆಗಳನ್ನು ಸಹ ಹೊಂದಿದೆ. 10 ರೂ.ವಿನ ಯೋಜನೆಯಲ್ಲಿ, 7.47 ರೂ.ವಿನ ಟಾಕ್-ಟೈಮ್ ಅನಿಯಮಿತ ಮಾನ್ಯತೆಯೊಂದಿಗೆ ಲಭ್ಯವಿದೆ. 20 ರೂ. ಯೋಜನೆಯಲ್ಲಿ 14.95 ರೂ.ವಿನ ಟಾಕ್ ಟೈಮ್ ಅನಿಯಮಿತ ಮಾನ್ಯತೆಯೊಂದಿಗೆ ಲಭ್ಯವಿದೆ.