Jio Fiber: ಜಿಯೋ ಫೈಬರ್​ ಬಳಕೆದಾರರಿಗೆ ಝೀ5 ಪ್ರೀಮಿಯಂ ಚಂದಾದಾರಿಕೆ ಉಚಿತ!

ಜಿಯೋ ಫೈಬರ್ ಇತ್ತೀಚೆಗೆ ಅಮೆಜಾನ್ ಪ್ರೈಮ್ ಸೇವೆಯನ್ನು ಒಂದು ವರ್ಷಗಳ ಕಾಲ ಉಚಿತವಾಗಿ ನೀಡಿತ್ತು. ಇದೀಗ ಝೀ5 ಪ್ರಿಮಿಯಂ ಚಂದಾದಾರಿಕೆಯನ್ನು ಜಿಯೋ ಫೈಬರ್ ಬಳಕೆದಾರರು ಉಚಿತವಾಗಿ ಪಡೆಯಬಹುದಾಗಿದೆ.

ಝೀ5 ಪ್ರಿಮಿಯಂ ಚಂದಾದಾರಿಕೆಯನ್ನು ಪಡೆಯಬೇಕೆಂಬುವವರು ಮೊದಲು ಝೀ5 ಆಪ್ಲಿಕೇಶನ್ ತೆರೆದು ನಂತರ ಜಿಯೋ ಸೆಟ್-ಟಾಪ್ ಬಾಕ್ಸ್​​​ಗೆ ಲಾಗಿನ್ ಆಗಬೇಕು. ಈ ಮೂಲಕ ಝೀ5 ಚಂದದಾರಿಕೆ ಪಡೆಯಬಹುದಾಗಿದೆ.

ಜಿಯೋ ಫೈಬರ್ ಮೂಲಕ ಉಚಿತ ಝೀ5 ಪ್ರಿಮಿಯಂ ಸೇವೆಯನ್ನು ಪಡೆಯುವ ಬಳಕೆದಾರರು 4,500ಕ್ಕೂ ಹೆಚ್ಚಿನ ಚಲನಚಿತ್ರ 120ಕ್ಕೂ ಹೆಚ್ಚಿನ ಒರಿಜಿನಲ್ಸ್ ವೀಕ್ಷಿಸಬಹುದಾಗಿದೆ. ಜೊತೆಗೆ 12 ಭಾಷೆಗಳಲ್ಲಿ ಈ ಸೇವೆಯನ್ನು ಪಡೆಯಬಹುದಾಗಿದೆ.

ಇನ್ನು ಜಿಯೋ ಸೆಟ್-ಟಾಪ್ ಬಾಕ್ಸ್ ಮೂಲಕು ಉಚಿತ ಪ್ರವೇಶದ ಜೊತೆಗೆ ಎಲ್ಲಾ ಅರ್ಹ ಜಿಯೋ ಫೈಬರ್ ಬಳಕೆದಾರರಿಗೆ ಹೆಚ್ಚಿನ ಅನುಕೂಲತೆ ಪಡೆದುಕೊಳ್ಳಲು ಜಿಯೋ ಟಿವಿ + ಅಪ್ಲಿಕೇಶನ್ ಅನ್ನು ಅದರ ಜೊತೆಗೆ ಸಂಯೋಜಿಸಲಿದೆ.

ಜಿಯೋ ಫೈಬರ್ ಬಳಕೆದಾರರು 99 ರೂಪಾಯಿಗೆ ಝೀ5 ಪ್ರಿಮಿಯಂ ಚಂದಾದಾರಿಕೆ ಪಡೆಯಬಹುದಾಗಿದೆ. ಇನ್ನು ಝೀ5 ಸಿಲ್ವರ್ ಪ್ಲಾನ್ ಮಾಸಿಕ ಚಂದಾದಾರಿಕೆ ಪಡೆಯರು 849 ರೂಪಾಯಿ ನೀಡಬೇಕು.

ಕಳೆದ ವಾರ ಜಿಯೋ ಫೈಬರ್ ಬಳಕೆದಾರರಿಗೆ ಅಮೆಜಾನ್ ಪ್ರೈಮ್ ಗೋಲ್ಡ್ ವಾರ್ಷಿಕ ಪ್ಲಾನ್ ಅನ್ನು 999 ರೂ.ಗೆ ಪರಿಚಯಿಸಿತ್ತು. ಇದರ ಜೊತೆಗೆ ಅಮೆಜಾನ್ ಪ್ರೈಮ್ ಮ್ಯೂಸಿಕ್ ಮತ್ತು ಅಮೆಜಾನ್ ಪ್ರೈಮ್ ವಿಡಿಯೋ ಆಯ್ಕೆಯನ್ನು ನೀಡಿತ್ತು.

ಇತ್ತೀಚೆಗೆ ಝೀ5 ಏರ್ಟೆಲ್​​ನೊಂದಿಗೆ ಪಾಲುದಾರಿಕೆಯನ್ನು ವಿಸ್ತರಿಸುವ ಮೂಲಕ ಪ್ರಿಪೇಯ್ಡ್ ಬಳಕೆದಾರರಿಗೆ 149 ರೂಪಾಯಿಗೆ ಝೀ 5 ಸೇವೆಯನ್ನು ನೀಡಿದೆ. ಜೊತೆಗೆ ಏರ್ಟೆಲ್ ಥ್ಯಾಂಕ್ಸ್ ಆ್ಯಪ್ ಬಳಕೆದಾರರಿಗೂ ಈ ಸೇವೆಯನ್ನು ಒದಗಿಸಿದೆ.

ಇದೀಗ ಜಿಯೋ ತನ್ನ ಫೈಬರ್ ಬಳಕೆದಾರರಿಗೆ ಝೀ5 ಪ್ರಿಮಿಯಂ ಉಚಿತ ಸೇವೆಯನ್ನು ನೀಡಲು ಮುಂದಾಗಿದೆ. ಆ ಮೂಲಕ ಸಿನಿಮಾಗಳನ್ನು ಮನೆಯಲ್ಲಿಯೇ ಕುಳಿತು ವೀಕ್ಷಿಸಬಹುದಾಗಿದೆ.