ಜಿಯೋ ಬಜೆಟ್ ಪ್ಲ್ಯಾನ್​: ಅತೀ ಕಡಿಮೆ ರಿಚಾರ್ಜ್​ನಲ್ಲಿ ಅನಿಯಮಿತ ಕರೆ, 2GB ಡೇಟಾ

ಮೊಬೈಲ್‌ ಸೇವೆ ದರ ಏರಿಕೆಯಿಂದ ವೊಡಾಫೋನ್‌ ಐಡಿಯಾ, ಏರ್‌ಟೆಲ್‌ ಮತ್ತು ಜಿಯೋ ರಿಚಾರ್ಜ್​ ಪ್ಲ್ಯಾನ್​ಗಳು ದುಬಾರಿಯಾಗಿದೆ.

ಕಳೆದ ವರ್ಷಾಂತ್ಯದಲ್ಲಿ ಪ್ರಸ್ತುತ ಪಡಿಸಿದ ಟ್ಯಾರಿಫ್ ಪ್ಲ್ಯಾನ್​ಗಳು ಗ್ರಾಹಕರ ಮೇಲೆ ಪರಿಣಾಮ ಬೀರುತ್ತಿದೆ ಎನ್ನುವಾಗಲೇ ಜಿಯೋ ಒಂದಷ್ಟು ಗ್ರಾಹಕರ ಕೈಗೆಟುಕುವ ಕಡಿಮೆ ದರದ ರಿಚಾರ್ಜ್​ ಪ್ಲ್ಯಾನ್​ಗಳನ್ನು ಪ್ರಕಟಿಸಿದೆ.

ಈಗಾಗಲೇ ಆಲ್ ಇನ್ ಒನ್ ಯೋಜನೆ ಯೋಜನೆಯಡಿಯಲ್ಲಿ ರಿಲಯನ್ಸ್​ 199 ರೂ., 555 ರೂ. ಮತ್ತು 2,199 ರೂ. ಪ್ಲ್ಯಾನ್​ಗಳನ್ನು ಬಳಕೆದಾರರ ಮುಂದಿಟ್ಟಿದೆ. ಆದರೆ ಇದು ಸಾಮಾನ್ಯ ಮೊಬೈಲ್​ ಬಳಕೆದಾರರಿಗೆ ದುಬಾರಿ ಎನ್ನುವ ಕೂಗು ಕೇಳಿ ಬಂದಿತ್ತು.

ಹೀಗಾಗಿ ರಿಲಯನ್ಸ್ ಜಿಯೋ 129 ರೂ. ಬಜೆಟ್ ರಿಚಾರ್ಜ್ ಪ್ಲ್ಯಾನ್​ವೊಂದನ್ನು ಪರಿಚಯಿಸಿದೆ.

28 ದಿನಗಳ ವಾಲಿಡಿಟಿ ಹೊಂದಿರುವ ಈ ರಿಚಾರ್ಜ್ ಪ್ಲ್ಯಾನ್​ನಲ್ಲಿ ಗ್ರಾಹಕರು ಜಿಯೋ ಟು ಜಿಯೋ ಅನಿಯಮಿತ ಕರೆ ಮಾಡಬಹುದು.

ಇನ್ನು ಇನ್ನಿತರ ನೆಟ್​ವರ್ಕ್​ ಕರೆಗಳಿಗೆ 1000 ಐಯುಸಿ ನಿಮಿಷಗಳನ್ನು ಕೂಡ ಈ ಪ್ಯಾಕ್​ನಲ್ಲಿ ಉಚಿತವಾಗಿ ನೀಡಲಾಗುತ್ತದೆ.

ಇದರೊಂದಿಗೆ 2GB ಇಂಟರ್​ನೆಟ್ ಡೇಟಾವನ್ನು ಬಳಸಬಹುದಾಗಿದೆ. ಇದಲ್ಲದೆ ಈ ಯೋಜನೆಯಲ್ಲಿ ಒಟ್ಟು 300 ಎಸ್‌ಎಂಎಸ್ ಸಹ ಪಡೆಯಬಹುದು.

ಹಾಗೆಯೇ ಜಿಯೋ ಅಪ್ಲಿಕೇಶನ್‌ಗಳಾದ ಜಿಯೋ ಸಿನೆಮಾ, ಜಿಯೋಸಾವ್ನ್ ನಂತಹ ಅಪ್ಲಿಕೇಶನ್‌ಗಳ ಉಚಿತ ಚಂದಾದಾರಿಕೆ ಕೂಡ ಗ್ರಾಹಕರಿಗೆ ಸಿಗಲಿದೆ.

129 ರೂ.ನ ಈ ಬಜೆಟ್ ರಿಚಾರ್ಜ್​ ಪ್ಲ್ಯಾನ್​ನ ವಾಲಿಡಿಟಿ 28 ದಿನಗಳು.

jio