Smartphone Tips: ನಿಮ್ಮ ಸ್ಮಾರ್ಟ್​​​ಫೋನ್​ ಸ್ಕ್ರೀನ್​ ಸ್ಕ್ರಾಚ್​ ಆಗಿದ್ಯಾ? ಇಲ್ಲಿದೆ ನೋಡಿ ಸಿಂಪಲ್ ಟಿಪ್ಸ್

ಇಂದಿನ ಕಾಲದಲ್ಲಿ ಜನರು ದುಬಾರಿ ಬೆಲೆಯ ಆ್ಯಂಡ್ರಾಯ್ಡ್ ಫೋನ್ ಮತ್ತು ಐಫೋನ್ ಗಳನ್ನು ಬಳಸುತ್ತಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ಫೋನ್ ಯಾವಾಗಲಾದರೂ ನಮ್ಮ ಕೈಯಿಂದ ತಪ್ಪಿಹೋದರೆ ಅಥವಾ ಎತ್ತರದ ಸ್ಥಳದಿಂದ ಕೆಳಗೆ ಬಿದ್ದರೆ, ಅದನ್ನು ರಿಪೇರಿ ಮಾಡುವಲ್ಲೇ ನಮ್ಮ ಜೀವನ ಕಳೆದುಹೋಗುತ್ತದೆ

ಏಕೆಂದರೆ ಸಾಮಾನ್ಯವಾಗಿ ಇತ್ತೀಚಿನ ಫೋನ್ ಹೆಚ್ಚು ದುಬಾರಿಯದ್ದಾಗಿದೆ, ಇನ್ನು ಅದನ್ನು ಸರಿಮಾಡಲು ಇನ್ನಷ್ಟು ಹಣ ಬೇಕಾಗುತ್ತದೆ. ಆದರೆ ಈ ಟ್ರಿಕ್ಸ್ ಮೂಲಕ ಒಂದು ರೂಪಾಯಿ ಖರ್ಚು ಮಾಡದೆ, ಸ್ಮಾರ್ಟ್​​ಫೋನ್​ ಸ್ಕ್ರೀನ್​ ಮೇಲಾಗಿರುವ ಸ್ಕ್ರಾಚ್​ ಅನ್ನು ತೆಗೆಯಬಹುದು.

ಟೂತ್‌ಪೇಸ್ಟ್‌: ನಿಮ್ಮ ಸ್ಮಾರ್ಟ್‌ಫೋನ್‌ನ ಸ್ಕ್ರೀನ್​ ಸ್ಕ್ರ್ಯಾಚ್​ ಆಗಿದ್ರೆ, ಅದನ್ನು ಈಗ ಟೂತ್‌ಪೇಸ್ಟ್‌ನಿಂದ ಸರಿಪಡಿಸಬಹುದು. ನಿಮ್ಮ ಮೊಬೈಲ್ ಸ್ಕ್ರೀನ್ ಮೇಲೆ ಟೂತ್​ಪೇಸ್ಟ್​ ಹಾಕುವ ಮೂಲಕ ನಿಮ್ಮ ಮೊಬೈಲ್​ ಸ್ಕ್ರೀನ್ ಅನ್ನು ಸರಿಮಾಡಬಹುದು.

ಇದಕ್ಕಾಗಿ ನೀವು ಮೊದಲು ಟೂತ್​​ಪೇ್ಸ್ಟ್​ ಅನ್ನು ನಿಮ್ಮ ಫೋನ್‌ನ ಡಿಸ್ಪ್ಲೇ ಮೇಲಿನ ಕ್ರ್ಯಾಕ್‌ನಲ್ಲಿ ಹಾಕಿ ಸ್ವಲ್ಪ ಉಜ್ಜಿಕೊಳ್ಳಿ ಮತ್ತು ಸ್ವಲ್ಪ ಸಮಯ ಬಿಡಿ. ಸ್ವಲ್ಪ ಸಮಯದ ನಂತರ, ನೀವು ಹತ್ತಿಯಿಂದ ಟೂತ್‌ಪೇಸ್ಟ್ ಅನ್ನು ಸ್ವಚ್ಛಗೊಳಿಸಿದಾಗ, ನಿಮ್ಮ ಫೋನ್​ನ ಸ್ಕ್ರೀನ್ ಮೇಲಾಗಿರುವ ಸ್ಕ್ರಾಚ್​ ಅನ್ನು ಸ್ವಲ್ಪ ಮಟ್ಟಿಗೆ ತೆಗೆಯಬಹುದು.

ನೇಲ್ ಪಾಲಿಶ್: ನಿಮ್ಮ ಫೋನ್‌ನಲ್ಲಿನ ಸ್ಕ್ರ್ಯಾಚ್​ ಅನ್ನು ನೇಲ್ ಪಾಲಿಷ್‌ನಿಂದ ಸಹ ಸರಿಪಡಿಸಬಹುದು. ಇದಕ್ಕಾಗಿ, ಮೊದಲು ನೀವು ಸ್ಕ್ರೀನ್​ನ ಸ್ಕ್ರಾಚ್​ ಆಗಿರುವ ಮೇಲೆ ನೇಲ್​ ಪಾಲಿಶ್​ ಅನ್ನು ಹಾಕ್ಬೇಕು. ನಂತರ ಸ್ವಲ್ಪ ಸಮಯ ಒಣಗಲು ಬಿಡಿ ಮತ್ತು ನಂತರ ಅದನ್ನು ರೇಜರ್ ಬ್ಲೇಡ್‌ನಿಂದ ಸ್ಕ್ರ್ಯಾಪ್ ಮಾಡುವ ಮೂಲಕ ನೇಲ್ ಪಾಲಿಷ್ ಅನ್ನು ತೆಗೆದುಹಾಕಿ. ಇದರಿಂದ ನಿಮ್ಮ ಸ್ಕ್ರೀನ್ ಮೇಲಾಗಿರುವ ಸ್ಕ್ರಾಚ್ ಅನ್ನು ತೆಗೆಯಬಹುದು.

ಟೂತ್‌ಪೇಸ್ಟ್ ಅಥವಾ ನೇಲ್ ಪಾಲಿಶ್ ನಿಮ್ಮ ಫೋನ್‌ನ ಕಟ್​ ಆದ ಸ್ಕ್ರೀನ್​ ಅನ್ನು ಸಂಪೂರ್ಣವಾಗಿ ಸರಿಪಡಿಸಲು ಸಾಧ್ಯವಿಲ್ಲ. ಆದರೆ ಸಣ್ಣ ಗೀರುಗಳನ್ನು ಮಾತ್ರ ಸರಿಪಡಿಸಲು ಇದು ಸಹಾಯ ಮಾಡುತ್ತದೆ.

ಮೃದುವಾದ ಬಟ್ಟೆಯಿಂದ ಕ್ಲೀನ್​ ಮಾಡಿ: ಸ್ಮಾರ್ಟ್​​ಫೋನ್​ನ ಕ್ಯಾಮೆರಾವನ್ನು ಸ್ವಚ್ಛಗೊಳಿಸಲು ನೀವು ಯಾವುದೇ ಮೃದುವಾದ ಬಟ್ಟೆಯನ್ನು ಬಳಸಬಹುದು. ಕ್ಯಾಮೆರಾವನ್ನು ಕ್ಲೀನ್​ ಮಾಡಲು ಹತ್ತಿ ಬಟ್ಟೆಯನ್ನು ಬಳಸುವುದು ಉತ್ತಮ. ಮೃದುವಾದ ಬಟ್ಟೆಯಿಂದ ಕ್ಯಾಮೆರಾವನ್ನು ಸ್ವಚ್ಛಗೊಳಿಸುವುದರಿಂದ ಅದರ ಲೆನ್ಸ್​​​ನಲ್ಲಿ ಯಾವುದೇ ಗೀರುಗಳು ಉಂಟಾಗುವುದಿಲ್ಲ.

ಸ್ಕ್ರೀನ್​ ಸ್ಪ್ರೇ ಬಳಸಿ: ಸ್ಮಾರ್ಟ್‌ಫೋನ್‌ನ ಕ್ಯಾಮೆರಾವನ್ನು ಕ್ಲೀನ್​ ಮಾಡುವಾಗ ಯಾವತ್ತಿಗೂ ನೀರನ್ನು ಬಳಸಬೇಡಿ. ಒಂದು ವೇಳೆ ಫೋನ್ ಒಳಗೆ ನೀರು ಹೋದರೆ, ಅದು ಮದರ್ ಬೋರ್ಡ್‌ಗೆ ಹಾನಿಯಾಗುತ್ತದೆ. ಇದಲ್ಲದೇ ಒದ್ದೆ ಬಟ್ಟೆಯಿಂದಲೂ ಕ್ಯಾಮೆರಾವನ್ನು ಕ್ಲೀನ್​ ಮಾಡಬಾರದು. ಕ್ಯಾಮೆರಾವನ್ನು ಸ್ವಚ್ಛಗೊಳಿಸಲು ಯಾವಾಗಲೂ ಸ್ಕ್ರೀನ್ ಸ್ಪ್ರೇಯನ್ನು ಬಳಸಬೇಕು.