WhatsApp: ವಾಟ್ಸಾಪ್​ ಸ್ಟೋರೇಜ್​ ಬೇಗನೆ ಫುಲ್​ ಆಗುತ್ತಾ? ಈ ಟ್ರಿಕ್ಸ್ ಮೂಲಕ ಕ್ಲಿಯರ್​ ಮಾಡಿ

ವಾಟ್ಸಾಪ್​ ಒಂದು ವೇಗದ ಮೆಸೇಜಿಂಗ್​ ಅಪ್ಲಿಕೇಶನ್ ಆಗಿದ್ದು ದೇಶದಾದ್ಯಂತಹ ಅತೀಹೆಚ್ಚು ಬಳಕೆದಾರರನ್ನು ಹೊಂದಿದ ಅಪ್ಲಿಕೇಶನ್ ಎಂದು ಗುರುತಿಸಿಕೊಂಡಿದೆ. ಇದು ಬಳಕೆದಾರರ ಅನುಕೂಲಕ್ಕಾಗಿ ದಿನದಿನಕ್ಕೆ ಹೊಸ ಹೊಸ ಫೀಚರ್ಸ್​ಗಳನ್ನು ಬಳಕೆದಾರರಿಗೆ ನೀಡುತ್ತಲೇ ಇದೆ.

ಭಾರತದಲ್ಲಿ ಹೆಚ್ಚಿನ ಜನರು ಏನಾದರು ಅಗತ್ಯವಾದ ಮೆಸೇಜ್​ ಕಳುಹಿಸ ಬೇಕಾದರೆ ಈ ಅಪ್ಲಿಕೇಶನ್ ಅನ್ನು ಬಳಸುತ್ತಾರೆ. ಇನ್ನು ಕೆಲವರು ತಮ್ಮ ಸ್ನೇಹಿತರೊಂದಿಗೆ, ಫ್ಯಾಮಿಲಿಯವರೊಂದಿಗೆ ಸಂಬಂಧ ಬೆಳೆಸಲು ವಾಟ್ಸಾಪ್​ ಅನ್ನು ಬಳಕೆ ಮಾಡುತ್ತಾರೆ. ಅದ್ರಲ್ಲೂ ಹೆಚ್ಚಿನದಾಗಿ ಅನಗತ್ಯ ಮೆಸೇಜ್ ಮಾಡುವವರೇ ಹೆಚ್ಚಾಗಿದ್ದಾರೆ. ಆದರೆ ಇದರಿಂದ ನಿಮ್ಮ ವಾಟ್ಸಾಪ್ ಸ್ಟೋರೇಜ್ ಫುಲ್​ ಆಗಿದ್ಯಾ? ಇದನ್ನು ಕ್ಲಿಯರ್​ ಮಾಡುವುದು ಹೇಗೆ ಎಂಬುದನ್ನು ಈ ಲೇಖನಲ್ಲಿದೆ ಓದಿ.

ವಾಟ್ಸಾಪ್​ ಸ್ಟೋರೇಜ್ ಟೂಲ್​: ದಿನನಿತ್ಯ ಹಲವಾರು ಅನಗತ್ಯ ಮೆಸೇಜ್​ಗಳು ಬರುತ್ತದೆ. ಇದು ಕೆಲವೊಮ್ಮೆ ಆಟೋಮ್ಯಾಟಿಕ್ ಆಗಿ ಡೌನ್​ಲೋಡ್ ಕೂಡ ಆಗುತ್ತದೆ. ಆದರೆ ಇವೆಲ್ಲವನ್ನು ಈ ವಾಟ್ಶಾಪ್​ ಸ್ಟೋರೇಜ್ ಟೂಲ್ ಮೂಲಕ ಗಮನಿಸಬಹುದು. ಇದು ಯಾವ ಫೈಲ್ ಎಷ್ಟು ಸ್ಟೋರೇಜ್ ಅನ್ನು ಹೊಂದಿಕೊಂಡಿದೆ, ಯಾವ ರೀತಿ ಸ್ಟೋರೇಜ್​ ಮಾದರಿಯನ್ನು ವಿಂಗೆಇಸಬೇಕು ಎಂಬುದನ್ನು ತಿಳಿಯಲು ಸಹಾಯಕವಾಗುತ್ತದೆ.

ವಾಟ್ಸಾಪ್​ ಕ್ಲಿಯರ್​ ಮಾಡಲಿರುವ ಹಂತಗಳು: ಮೊದಲು ವಾಟ್ಸಾಪ್ ಅನ್ನು ಓಪನ್ ಮಾಡ್ಬೇಕು ಮತ್ತು ಚಾಟ್ಸ್ ಟ್ಯಾಬ್​ ಅನ್ನು ಓಪನ್ ಮಾಡಿ. ಅಲ್ಲಿ ಸೆಟ್ಟಿಂಗ್‌ಗಳನ್ನುಓಪನ್ ಮಾಡಿ. ಅದರ ನಂತರ ಸ್ಟೋರೇಜ್ ಮತ್ತು ಡೇಟಾ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿ. ಅಲ್ಲಿ ಮ್ಯಾನೇಜ್ ಸ್ಟೋರೇಜ್ ಎಂಬ ಆಯ್ಕೆಯನ್ನು ಆರಿಸಿ.

ಮೇಲ್ಭಾಗದಲ್ಲಿ ಬಳಕೆದಾರರು ಹಲವಾರು ಬಾರಿ ಫಾರ್ವರ್ಡ್ ಮಾಡಿದ ಸಂದೇಶಗಳನ್ನು ನೋಡಬಹುದು. ಆಗ ನಿಮಗೆ ಬೇಡವಾದಫೈಲ್‌ಗಳನ್ನು ಒತ್ತಿ ಹಿಡಿದುಕೊಂಡರೆ, ಡಿಲೀಟ್ ಮಾಡುವ ಆಪ್ಷನ್​ ಕಾಣಿಸಿಕೊಳ್ಳುತ್ತದೆ. ನೀವು ಸೆಲೆಕ್ಟ್​ ಮಾಡಿದ ಫೈಲ್‌ಗಳನ್ನು ಡಿಲೀಟ್ ಮಾಡಬಹುದು ಅಥವಾ ಎಲ್ಲಾ ಫೈಲ್‌ಗಳನ್ನು ಒಂದೇ ಬಾರಿಗೆ ಡಿಲೀಟ್ ಮಾಡುವ ಆಯ್ಕೆಯೂ ಇದೆ. ಡಿಲೀಟ್​ ಮಾಡುವ ಆಯ್ಕೆಯು ಅಪ್ಲಿಕೇಶನ್‌ನ ಮೇಲಿನ ಬಲಭಾಗದಲ್ಲಿ ಬರುತ್ತದೆ. 

ಸ್ಟಿಕ್ಕರ್‌ಗಳನ್ನು ಕಳುಹಿಸುವುದು ಹೇಗೆ?  ಹೊಸವರ್ಷಗಳಲ್ಲಿ ಏನಾದರು ಶುಭಾಶಯಗಳನ್ನು ತಿಳಿಸಲು ಸ್ಟಿಕ್ಕರ್‌ಗಳು ಜನಪ್ರಿಯವಾಗಿವೆ. ನೀವು ಪ್ರೀತಿಪಾತ್ರರಿಗೆ ಹೊಸ ವರ್ಷದ ಶುಭಾಶಯಗಳು ಮತ್ತು ಇತರ ಸ್ಟಿಕ್ಕರ್‌ಗಳನ್ನು ಕಳುಹಿಸಲು ಬಯಸಿದರೆ ಇಲ್ಲಿದೆ ಸುಲಭ ವಿಧಾನ. ಉದಾಹರಣೆ ಹ್ಯಾಪಿ ನ್ಯೂ ಇಯರ್ ಸ್ಟಿಕ್ಕರ್‌ಗಳನ್ನು ಕಳುಹಿಸಬೇಕಾದರೆ, ಬಳಕೆದಾರರು ಮೊದಲಿಗೆ ಅವುಗಳನ್ನು ಗೂಗಲ್ ಪ್ಲೇ ಸ್ಟೋರ್‌ನಿಂದ ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಪ್ಲೇ ಸ್ಟೋರ್ ಅನ್ನು ಮೊದಲಿಗೆ ಓಪನ್ ಮಾಡ್ಬೇಕು ಮತ್ತು ನಿಮಗೆ ಬೇಕಾದ ಸ್ಟಿಕ್ಕರ್​ ಆ್ಯಪ್ ಅನ್ನು ಅಲ್ಲಿ ಡೌನ್​ಲೋಡ್ ಮಅಡಬಹುದು.

ಹ್ಯಾಪಿ ನ್ಯೂ ಇಯರ್ ಸ್ಟಿಕ್ಕರ್ ಆ್ಯಪ್ ಅನ್ನು ಡೌನ್‌ಲೋಡ್ ಮಾಡಿದ ನಂತರ. ಅದನ್ನು ಓಪನ್ ಮಾಡಿ ಮತ್ತು ಅದನ್ನು ವಾಟ್ಸಾಪ್​ಗೆ ಆ್ಯಡ್ ಮಾಡಿ. ಅಪ್ಲಿಕೇಶನ್‌ನಲ್ಲಿ ಬಹು ಸ್ಟಿಕ್ಕರ್ ಪ್ಯಾಕ್‌ಗಳು ಕಾಣುತ್ತದೆ. ಅವುಗಳ ಪಕ್ಕದಲ್ಲಿ ಪ್ಲಸ್ (+) ಆಕಾರದ ಆ್ಯಡ್​ ಬಟನ್ ಇದೆ. ಅದರ ಮೇಲೆ ಕ್ಲಿಕ್ ಮಾಡಿದರೆ ವಾಟ್ಸಾಪ್ ಗೆ ಸ್ಟಿಕ್ಕರ್ ಗಳು ಸೇರ್ಪಡೆಯಾಗುತ್ತವೆ. 

ಈಗ ನೀವು ವಾಟ್ಸಾಪ್​​ನಲ್ಲಿ ಯಾವುದೇ ಚಾಟ್ ವಿಂಡೋವನ್ನು ತೆರೆಯಬಹುದು ಮತ್ತು ನಿಮಗೆ ಬೇಕಾದ ಸ್ಟಿಕ್ಕರ್‌ಗಳನ್ನು ಕಳುಹಿಸಬಹುದು. ಬಳಕೆದಾರರು ಎಮೋಜಿ ವಿಭಾಗವನ್ನು ತೆರೆದರೆ.. ಬಲಭಾಗದಲ್ಲಿರುವ ಟ್ಯಾಬ್ ಹೊಸದಾಗಿ ಸೇರಿಸಲಾದ ಸ್ಟಿಕ್ಕರ್‌ಗಳನ್ನು ಹೊಂದಿರುತ್ತದೆ. ಇನ್ನು ಈ ವಿಧಾನ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಮಾತ್ರ ಅನ್ವಯಬಾಗುತ್ತದೆ