ಈ ಪ್ಯಾಕ್ ರಿಚಾರ್ಜ್ ಮಾಡಿ ಉಚಿತವಾಗಿ IPL ನೋಡಿ..!

ರಂಗು ರಂಗಿನ ಕ್ರಿಕೆಟ್ ಟೂರ್ನಿ ಐಪಿಎಲ್ ಆರಂಭಕ್ಕೆ ದಿನಗಳು ಮಾತ್ರ ಉಳಿದಿವೆ. ಈ ಕಾತುರತೆಗೆ ಕಿಚ್ಚು ಹಚ್ಚುವಂತೆ ಟೆಲಿಕಾಂ ಕಂಪೆನಿಗಳು ತನ್ನ ಬಳಕೆದಾರರಿಗೆ ಐಪಿಎಲ್ ವೀಕ್ಷಿಸಲು ಅತ್ಯುತ್ತಮ ರಿಚಾರ್ಜ್​ ಪ್ಯಾಕ್​ಗಳನ್ನು ಪರಿಚಯಿಸಿದೆ. ಈ ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ ಪಂದ್ಯದ ನೇರ ಪ್ರಸಾರವನ್ನು ವೀಕ್ಷಿಸಬಹುದು.

ಈ ಬಾರಿ ಐಪಿಎಲ್ ಪಂದ್ಯಗಳ ಲೈವ್ ಸ್ಟ್ರೀಮಿಂಗ್ ಡಿಸ್ನಿ + ಹಾಟ್‌ಸ್ಟಾರ್‌ನಲ್ಲೂ ಕೂಡ ನೋಡಬಹುದು. ಇದಕ್ಕಾಗಿ, ರಿಲಯನ್ಸ್ ಜಿಯೋ, ಏರ್‌ಟೆಲ್ ಮತ್ತು ವೊಡಾಫೋನ್‌ನ ಪ್ರಿಪೇಯ್ಡ್ ಯೋಜನೆಗಳನ್ನು ಪರಿಚಯಿಸಿದೆ. ಈ ರಿಚಾರ್ಜ್​ ಪ್ಲ್ಯಾನ್​ಗಳು ಯಾವುವು ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ರಿಲಯನ್ಸ್ ಜಿಯೋ ಐಪಿಎಲ್ ಪ್ಯಾಕ್: ರಿಲಯನ್ಸ್ ಜಿಯೋ ಇತ್ತೀಚೆಗೆ ಡಿಸ್ನಿ + ಹಾಟ್‌ಸ್ಟಾರ್ ವಿಐಪಿಗೆ ಒಂದು ವರ್ಷದ ಚಂದಾದಾರಿಕೆಯೊಂದಿಗೆ ಕೆಲವು ಹೊಸ ಪ್ರಿಪೇಯ್ಡ್ ಯೋಜನೆಗಳನ್ನು ಬಿಡುಗಡೆ ಮಾಡಿದೆ. 499 ರೂ.ಗಳ ಈ ಕ್ರಿಕೆಟ್ ಪ್ಯಾಕ್‌ನಲ್ಲಿ ಪ್ರತಿದಿನ 1.5 ಜಿಬಿ ಪ್ರಕಾರ ಒಟ್ಟು 84 ಜಿಬಿ ಡೇಟಾವನ್ನು ನೀಡಲಾಗುತ್ತಿದೆ.

ಇದರ ವಾಲಿಡಿಟಿಯು 56 ದಿನಗಳು ಇರಲಿದ್ದು, ಈ ಯೋಜನೆಯಲ್ಲಿ, ಡಿಸ್ನಿ + ಹಾಟ್‌ಸ್ಟಾರ್‌ನ ವಿಐಪಿ ಚಂದಾದಾರಿಕೆ, ಲೈವ್ ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವೂ ಲಭ್ಯವಿದೆ. ಈ ಪ್ಲ್ಯಾನ್ ರಿಚಾರ್ಜ್ ಮಾಡುವ ಮೂಲಕ ಜಿಯೋ ಬಳಕೆದಾರರು ಮೊಬೈಲ್​ನಲ್ಲೇ ಐಪಿಎಲ್ ವೀಕ್ಷಿಸಬಹುದು.

ಏರ್​ಟೆಲ್ ಐಪಿಎಲ್ ಪ್ಯಾಕ್ : ಡ್ರೀಮ್ 11 ಐಪಿಎಲ್ ವೀಕ್ಷಿಸಲು ಏರ್​ಟೆಲ್​ ತನ್ನ ಬಳಕೆದಾರರಿಗೆ 599 ರೂಪಾಯಿ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯಲ್ಲಿ ಡಿಸ್ನಿ + ಹಾಟ್‌ಸ್ಟಾರ್ ಒಂದು ವರ್ಷದವರೆಗೆ ಉಚಿತ ಚಂದಾದಾರಿಕೆ ದೊರೆಯಲಿದೆ. ಇದರ ವಾಲಿಡಿಟಿ 56 ದಿನಗಳು.

ಈ ಯೋಜನೆಯಲ್ಲಿ ಕಂಪನಿಯು ಪ್ರತಿದಿನ 2 ಜಿಬಿ ಡೇಟಾವನ್ನು ನೀಡುತ್ತಿದೆ. ಅದರೊಂದಿಗೆ ದೇಶದ ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಕರೆ ಮಾಡಬಹುದು. ಹಾಗೆಯೇ ಪ್ರತಿದಿನ 100 ಉಚಿತ ಎಸ್‌ಎಂಎಸ್ ಕೂಡ ಸಿಗಲಿದೆ. ಇಷ್ಟೇ ಅಲ್ಲದೆ, ಏರ್‌ಟೆಲ್ ಎಕ್ಸ್‌ಟ್ರೀಮ್ ಪ್ರೀಮಿಯಂನೊಂದಿಗೆ ಏರ್‌ಟೆಲ್ ಥ್ಯಾಂಕ್ಸ್‌ನ ಪ್ರಯೋಜನವನ್ನು ಸಹ ನೀವು ಪಡೆಯುತ್ತೀರಿ.

ವೊಡಾಫೋನ್-ಐಡಿಯಾ (VI) ಯೋಜನೆ: ವೊಡಾಫೋನ್-ಐಡಿಯಾ, ಅಂದರೆ VI ಕಂಪನಿಯ 398 ರೂ ರೀಚಾರ್ಜ್ ಯೋಜನೆಯು ಡೇಟಾ ವಿಷಯದಲ್ಲಿ ಐಪಿಎಲ್ ಪಂದ್ಯವನ್ನು ವೀಕ್ಷಿಸಲು ಅತ್ಯುತ್ತಮವೆಂದು ಪರಿಗಣಿಸಬಹುದು. ಇದರಲ್ಲಿ, ದಿನಕ್ಕೆ 3 ಜಿಬಿ ಡೇಟಾ ಜೊತೆ, ನೀವು ಎಲ್ಲಾ ನೆಟ್‌ವರ್ಕ್‌ಗಳಲ್ಲಿ ಅನಿಯಮಿತ ಕರೆ ಮತ್ತು ದೈನಂದಿನ 100 ಎಸ್‌ಎಂಎಸ್ ಸೌಲಭ್ಯವನ್ನು ಸಹ ಪಡೆಯುತ್ತೀರಿ. ಇದರ ವಾಲಿಡಿಟಿ 28 ದಿನಗಳು.

ಆದಾಗ್ಯೂ, VI ಯ ಈ ಯೋಜನೆಯಲ್ಲಿ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ವಿಐಪಿಯ ಉಚಿತ ಚಂದಾದಾರಿಕೆ ಲಭ್ಯವಿಲ್ಲ. ಇದರರ್ಥ ನೀವು ವೊಡಾಫೋನ್ ಬಳಕೆದಾರರಾಗಿದ್ದರೆ, ಐಪಿಎಲ್ ವೀಕ್ಷಿಸಲು ಪ್ರತ್ಯೇಕವಾಗಿ ಹಾಟ್​ಸ್ಟಾರ್ ರಿಚಾರ್ಜ್​ ಮಾಡಬೇಕಾಗುತ್ತದೆ.