IPhoneನಲ್ಲಿ ಸುಂದರ Photo ತೆಗೆಯಲು 3 ಸುಲಭ ಟ್ರಿಕ್ಸ್ ..!

ಐಫೋನ್ ಬಳಸಿಕೊಂಡು ಇನ್ಸ್ಟಾಗ್ರಾಮ್‌ನಲ್ಲಿ ಹೇಗೆ ಉತ್ತಮ ಫೋಟೋ ಸೆರೆಹಿಡಿಯುವುದು ಎಂದು TikToker@jdthecameraguy ಎಂಬುವವರು 3 ಸುಲಭಐಫೋನ್ ಕ್ಯಾಮೆರಾ ಟ್ರಿಕ್‌ಗಳನ್ನು ಹೇಳಿದ್ದಾರೆ. ಹಾಗಾದ್ರೆ ಆ ಟಿಪ್ಸ್ ಯಾವುವೆಂದು ನೋಡೋಣ ಬನ್ನಿ

1 ) ಐಫೋನ್ ವರ್ಟಿಕಲ್ ಎಫೆಕ್ಟ್ ಐಫೋನ್ ಕ್ಯಾಮೆರಾದ ಪನೋರಮಾ ಮೋಡ್ ಅನೇಕ ದೃಶ್ಯಗಳನ್ನು ಮಿಕ್ಸ್ ಮಾಡಿ ಫೋಟೋಗಳನ್ನು ಸೆರೆಹಿಡಿಯುತ್ತದೆ. ಉದಾಹರಣೆಗೆ ರಾತ್ರಿಯಲ್ಲಿ ನಕ್ಷತ್ರ, ಮೋಡಗಳನ್ನು ವಿಸ್ತಾರವಾಗಿ ಸೆರೆ ಹಿಡಿಯುವುದರ ಜೊತೆಗೆ ಈ ಎಲ್ಲಾ ದೃಶ್ಯಗಳನ್ನು ಒಟ್ಟಿಗೆ ಒಂದೇ ಫ್ರೇಮಿನಲ್ಲೂ ಕೂಡ ಸೆರೆ ಹಿಡಿಯುತ್ತದೆ. 

ಇದಕ್ಕೆ ನೀವು ಮಾಡಬೇಕಿರುವುದು ಇಷ್ಟೇ. ಕ್ಯಾಮರಾ ಅಪ್ಲಿಕೇಶನ್ ಓಪನ್ ಮಾಡಿ ಪ್ಯಾನೋ ಮೋಡ್‌ಗೆ ಬದಲಾಯಿಸಿ ಸ್ಕ್ರೀನ್‌ನ ಎಡಕ್ಕೆ ಸ್ವೈಪ್ ಮಾಡಿ ಫೋನ್ ಅನ್ನು ಸರಿಸುತ್ತ ಹೋದರೆ ಸುಂದರವಾದ ಪನೋರಮಾ ಫೋಟೋಗಳು ನಿಮ್ಮ ಗ್ಯಾಲರಿ ಸೇರುತ್ತವೆ .

2 ) ಬ್ಲ್ಯಾಕ್‌ ಅಂಡ್ ವೈಟ್ ಸೆಲ್ಫೀಸ್‌ ಎಫೆಕ್ಟ್ ಕ್ಯಾಮರಾ ಅಪ್ಲಿಕೇಶನ್ ಅನ್ನು ಓಪನ್ ಮಾಡಿ ಅಲ್ಲಿ ಸೆಲ್ಫಿ ಕ್ಯಾಮೆರಾ ತೆರೆದು ಅಲ್ಲಿ ಬರುವ ಪೋರ್ಟ್‌ರೇಟ್‌ ಮೋಡ್ ಆಯ್ಕೆ ಮಾಡಿಕೊಳ್ಳಬೇಕು. ಪೋರ್ಟ್‌ರೇಟ್‌ ಮೋಡ್‌ನಲ್ಲಿ ನಿಮ್ಮ ಬ್ಯಾಕ್‌ಗ್ರೌಂಡ್‌ ಬ್ಲರ್ ಆಗಿ ಫೋಟೋ ಬರುತ್ತದೆ. ಫೋಟೋ ತೆಗೆದುಕೊಂಡ ಮೇಲೆ ಅಲ್ಲಿ ಬಣ್ಣಗಳ ಆಯ್ಕೆ ಬರುತ್ತದೆ. ಅಲ್ಲಿ ನಮಗೆ ಬೇಕಾದ ಎಫೆಕ್ಟ್ ಆರಿಸಿಕೊಂಡು ಉತ್ತಮ ಫೋಟೋ ಪಡೆದುಕೊಳ್ಳಬಹುದು.

3 ) ಐಫೋನ್ sunrise ವಿಡಿಯೋ ಎಫೆಕ್ಟ್
ಐಫೋನ್‌ನ ಮತ್ತೊಂದು ವಿಶೇಷ ಎಂದರೆ ವಿಡಿಯೋ ಮೋಡ್. ಐಫೋನ್ ಕ್ಯಾಮೆರಾ ಅಪ್ಲಿಕೇಶನ್ ತೆರೆದು ವಿಡಿಯೋ ಮೋಡ್‌ಗೆ ಬದಲಿಸಿ. ಮುಂದೆ ನಿಮಗೆ ಬೇಕಾದ ದೃಶ್ಯ ಸೆರೆಹಿಡಿಯಲು ಟ್ಯಾಪ್ ಮಾಡಿ, ಕ್ಲಿಕ್ ಮಾಡಿ. ಅಲ್ಲಿ

ಸೂರ್ಯನ ಚಿತ್ರವಿರುವ ಐಕಾನ್ ಮತ್ತು ಬ್ರೈಟ್‌ನೆಸ್ ಸ್ಲೈಡರ್ ಅನ್ನು ಕೆಳಕ್ಕೆ ಎಳೆಯಿರಿ. ನಂತರ ರೆಕಾರ್ಡಿಂಗ್ ಪ್ರಾರಂಭಿಸಿ. ಈಗ ಇನ್ಸ್ಟಾಗ್ರಾಮ್‌ ಗೆ ಹೊಂದಿಕೊಳ್ಳುವಂತ ಉತ್ತಮ ವಿಡಿಯೋ ಪಡೆಯಬಹುದು.

ಹಾಗಾದ್ರೆ ಇನ್ನೇಕೆ ತಡ ನೀವು ಐಫೋನ್ ಬಳಕೆದಾರರಾಗಿದ್ರೆ ಈಗ್ಲೇ ಈ ಮೂರು ಸಿಂಪಲ್ ಮತ್ತು ಸುಲಭ ಟ್ರಿಕ್ಸ್‌ ಅನ್ನು ಇನ್ಸ್ಟಾಗ್ರಾಮ್ ಆ್ಯಪ್‌ನಲ್ಲಿ ಬಳಸಿ ಸುಂದರ ಫೋಟೋಗಳು ನಿಮ್ಮ ಗ್ಯಾಲರಿ ಸೇರುವಂತೆ ಮಾಡಿಕೊಳ್ಳಿ.