Infinix Zero 5G: ಪ್ರೇಮಿಗಳ ದಿನದಂದು ಬಿಡುಗಡೆಗೊಳ್ಳಲಿದೆ ಇನ್ಫಿನಿಕ್ಸ್​ ಝಿರೋ 5G ಸ್ಮಾರ್ಟ್​ಫೋನ್​

Infinix ಅಂತಿಮವಾಗಿ ಭಾರತದಲ್ಲಿ Zero 5G ಅನ್ನು ಪರಿಚಯಿಸಲು ಮುಂದಾಗಿದೆ. ಹಾಂಗ್ ಕಾಂಗ್ ಮೂಲದ ಸ್ಮಾರ್ಟ್​ಫೋನ್ ತಯಾರಕ ಕಂಪನಿ ಪ್ರೇಮಿಗಳ ದಿನದಂದು ಅಂದರೆ ಫೆಬ್ರವರಿ 14 ರಂದು ಭಾರತದಲ್ಲಿ Infinix Zero 5G ಅನ್ನು ಬಿಡುಗಡೆ ಮಾಡುತ್ತಿದೆ. Infinix ಕಂಪನಿ Infinix Zero 5G ಯ ಸಂಪೂರ್ಣ ವಿನ್ಯಾಸವನ್ನು ಸಹ ಬಹಿರಂಗಪಡಿಸಿದೆ. ಮೀಡಿಯಾ ಟೆಕ್ ಡೈಮೆನ್ಸಿಟಿ 900 ಪ್ರೊಸೆಸರ್, 13ಬ್ಯಾಂಡ್ 5G ಬೆಂಬಲ ಮತ್ತು ಹೆಚ್ಚಿನವುಗಳೊಂದಿಗೆ ಬರುತ್ತದೆ.

ಇದಕ್ಕೂ ಮೊದಲು ಇನ್ಫಿನಿಕ್ಸ್ ಸಿಇಒ ಅನೀಶ್ ಕಪೂರ್ ಮುಂಬರುವ ಸ್ಮಾರ್ಟ್​ಫೋನಿನ ಒಂದು ನೋಟವನ್ನು ಹಂಚಿಕೊಂಡಿದ್ದರು. ಆದರೆ ಫೋನ್ ಬಗ್ಗೆ ಏನನ್ನೂ ಪ್ರಸ್ತಾಪಿಸದೆ, "ಉತ್ತಮ ಶಕ್ತಿ ಮತ್ತು ವೇಗ ಇನ್ನೂ ಬರಬೇಕಿದೆ!, ಅನಿರೀಕ್ಷಿತವಾಗಿ ನಿರೀಕ್ಷಿಸಿ. #StayTuned" ಎಂದು ಟ್ವೀಟ್ ಅನ್ನು ಪೋಸ್ಟ್ ಮಾಡಿದ್ದರು.

ಇನ್ಫಿನಿಕ್ಸ್ ಬ್ರ್ಯಾಂಡಿಂಗ್ ಹೊಂದಿರುವ ಕಪ್, ಪೆನ್ ಮತ್ತು ಪ್ರಕಾಶಮಾನವಾದ ಹಳದಿ ಇನ್ಫಿನಿಕ್ಸ್ ಫೋನಿನ ಚಿತ್ರವನ್ನು ಸಹ ಪೋಸ್ಟ್ ಮಾಡಿದ್ದರು. ಸ್ಮಾರ್ಟ್​ಫೋನಿನ ಇದೇ ಚಿತ್ರವನ್ನು ಟಿಪ್​ಸ್ಟಾರ್ ಅಭಿಷೇಕ್ ಯಾದವ್ ಕೂಡ ಪೋಸ್ಟ್ ಮಾಡಿದ್ದರು.

Infinix Zero 5G ನಿರೀಕ್ಷಿತ ಬೆಲೆ: ಇಂಡಿಯಾ ಟುಡೇಗೆ ನೀಡಿದ ಸಂದರ್ಶನದಲ್ಲಿ ಸಿಇಒ ಅನೀಶ್ ಕಪೂರ್ ಕಂಪನಿಯ ಮೊದಲ 5G ಫೋನ್ ಬೆಲೆ 20,000 ರೂ.ಗಿಂತ ಕಡಿಮೆ ಇರುತ್ತದೆ ಎಂದು ಬಹಿರಂಗಪಡಿಸಿದರು.

Infinix Zero 5G ವಿಶೇಷಣಗಳು: ಇನ್ಫಿನಿಕ್ಸ್ Zero 5G 120Hz ರಿಫ್ರೆಶ್ ದರದೊಂದಿಗೆ 6.7-ಇಂಚಿನ AMOLED ಡಿಸ್ಪ್ಲೇಯನ್ನು ಒಳಗೊಂಡಿರುವ ನಿರೀಕ್ಷೆಯಿದೆ. ಸ್ಮಾರ್ಟ್​ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 900 ಚಿಪ್ಸೆಟ್ನಿಂದ 8GB ಯ RAM ಮತ್ತು 128GB ಯಷ್ಟು ಸಂಗ್ರಹಣೆಯೊಂದಿಗೆ ಕಾರ್ಯನಿರ್ವಹಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಚಿತ್ರಗಳು ಬಹಿರಂಗಪಡಿಸಿದಂತೆ, Infinix Zero 5G ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದು 48-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ, ಟೆಲಿಫೋಟೋ ಸಂವೇದಕ ಮತ್ತು ಅಲ್ಟ್ರಾ-ವೈಡ್-ಆಂಗಲ್ ಸಂವೇದಕವನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಇತರ ಕ್ಯಾಮೆರಾ ಮೆಗಾಫಿಕ್ಸೆಲ್ಗಳ ನಿಖರವಾದ ವಿಶೇಷಣಗಳು ನಮಗೆ ಇನ್ನೂ ತಿಳಿದಿಲ್ಲ. ಮುಂಭಾಗದಲ್ಲಿ, ಸೆಲ್ಫಿಗಳಿಗಾಗಿ 16-ಮೆಗಾಪಿಕ್ಸೆಲ್ ಮೆಗಾಫಿಕ್ಸೆಲ್ಗಳಿರಬಹುದು. ಸಂಪರ್ಕಕ್ಕಾಗಿ, Infinix Zero 5G 5G, NFC, USB ಟೈಪ್-C ಮತ್ತು 3.5mm ಹೆಡ್ಫೋನ್ ಜ್ಯಾಕ್ ಅನ್ನು ಒಳಗೊಂಡಿರಬಹುದು.