Detel EV: ಕೇವಲ 40 ಸಾವಿರಕ್ಕೆ ಸಿಗುತ್ತೆ ಒಂದು ಚಾರ್ಜ್​​ನಲ್ಲಿ 60 ಕಿ.ಮೀ ಓಡುವ ಇ-ಬೈಕ್!

ಭಾರತೀಯ ಎಲೆಕ್ಟ್ರಿಕ್ ವಾಹನ ತಯಾರಿಕಾ ಕಂಪನಿ Detel EV Easy Plus ದ್ವಿಚಕ್ರ ವಾಹನವನ್ನು ಬಿಡುಗಡೆ ಮಾಡಿದೆ. ಹೊಸ ಇ-ಬೈಕ್ ಬೆಲೆ 39,999 ರೂ ಆಗಿದ್ದು,ದೇಶಿಯ ಗ್ರಾಹಕರಿಗಾಗಿ ಡೆಟೆಲ್ ಇಂಡಿಯಾ ವೆಬ್ಸೈಟ್ ಮೂಲಕ ಲಭ್ಯವಿರುತ್ತದೆ ಎಂದು ಕಂಪನಿ ಘೋಷಿಸಿದೆ.

ಆಸಕ್ತ ಗ್ರಾಹಕರು ಹೊಸ EV ಈಸಿ ಪ್ಲಸ್ ವಾಹನವನ್ನು ಟೋಕನ್ ಮೊತ್ತ 1,999 ರೂ ನೀಡಿ ಬುಕ್ ಮಾಡಬಹುದಾಗಿದೆ. GST ನಂತರ ಒಟ್ಟು ಬೆಲೆ ₹ 41,999 ಕ್ಕೆ ಸಿಗುತ್ತದೆ. ನೂತನ ವಾಹನದ ವಿತರಣೆಗೆ 7 ದಿನ ಇರುವಾಗಲೇ ಉಳಿದ 40,000 ರೂ ಹಣವನ್ನು ನೀಡಿ ವಾಹನ ಖರೀದಿಸಬಹುದಾಗಿದೆ.

ಗುರುಗ್ರಾಮ ಮೂಲದ 2 ವೀಲರ್ ಇವಿ ತಯಾರಕರು ಹರಿಯಾಣ, ದೆಹಲಿ ಮತ್ತು ಪಶ್ಚಿಮ ಯುಪಿ ಸೇರಿದಂತೆ ವಿವಿಧ ಸ್ಥಳಗಳಲ್ಲಿ ಬುಕಿಂಗ್ ಮಾಡುವ ಅವಕಾಶವನ್ನು ವಾಹನ ಪ್ರಿಯರಿಕೆ ಕಲ್ಪಿಸಿದೆ. ಯಾರು ಬೇಕಾದರು ಮುಂಗಡ ಟೀಕನ್ ಹಣವನ್ನು ನೀಡಿ ಹೊಸ EV ಈಸಿ ಪ್ಲಸ್ ದ್ವಿಚಕ್ರ ವಾಹನ ಖರೀದಿಸಬಹುದಾಗಿದೆ.

ಡೆಟೆಲ್ ಇವಿ ಈಸಿ ಪ್ಲಸ್ ದ್ವಿಚಕ್ರ ವಾಹನವು ಎರಡು ಬಣ್ಣದ ರೂಪಾಂತರಗಳಲ್ಲಿ ಪರಿಚಯಿಸಿದೆ. ಬೆಳ್ಳಿ ಬೂದು ಮತ್ತು ಲೋಹೀಯ ಕೆಂಪು ಬಣ್ಣದಲ್ಲಿ ಖರೀದಿಸಲು ಅವಕಾಶ ನೀಡಿದೆ.

ಕಂಪನಿಯ ಅಧಿಕೃತ ವೆಬ್​ಸೈಟ್​​​ನ  ಪ್ರಕಾರ, ಡೆಟೆಲ್ ಇವಿ ಈಸಿ ಪ್ಲಸ್ 60 ಕಿಮೀ ಡ್ರೈವಿಂಗ್ ರೇಂಜ್ ಮತ್ತು 25 ಕಿಮೀ ವೇಗವನ್ನು ಹೊಂದಿದೆ. 20Ah ಬ್ಯಾಟರಿಯನ್ನು ನೀಡಲಾಗಿದೆ. ವಾಹನದ ಎರಡು ಟೈರ್​​ಗಳಲ್ಲಿ ಡ್ರಮ್ ಬ್ರೇಕ್ ಇದ್ದು, 170 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಇದೆ.

ಡೆಟೆಲ್ ಈಸಿ ಪ್ಲಸ್ ವಾಹನ ರಸ್ತೆಬದಿಯ ನೆರವು, ಸೇವೆಗಳು ಮತ್ತು ವಿಮೆಯನ್ನು ಸಹ ನೀಡುತ್ತದೆ, ಡೆಟೆಲ್ ಈಸಿ ಪ್ಲಸ್ EMI ಆಯ್ಕೆಯೊಂದಿಗೆ ಖರೀದಿಗೆ ಅವಕಾಶವನ್ನು ಕಂಪನಿ ಒದಗಿಸಿದೆ. ಡೆಟೆಲ್ ಈಸಿ ಪ್ಲಸ್ ಅನ್ನು ಯಾವುದೇ 5 ಆಂಪಿಯರ್ ಸ್ಲಾಟ್​​ನಲ್ಲಿ ಚಾರ್ಜ್ ಮಾಡಬಹುದು.

ಡೆಟೆಲ್ ಕಂಪನಿಯ ಸಂಸ್ಥಾಪಕ ಡಾ.ಯೋಗೀಶ್ ಭಾಟಿಯಾ, "ನಾವು ಭಾರತದಲ್ಲಿ ಇವಿ ಅಳವಡಿಕೆಯ ಪ್ರಕ್ರಿಯೆಯನ್ನು ವೇಗಗೊಳಿಸುವ ಗುರಿಯನ್ನು ಹೊಂದಿದ್ದೇವೆ. ನಮ್ಮ ಎರಡನೇ ಉತ್ಪನ್ನವು ಬ್ರ್ಯಾಂಡ್ ಅನ್ನು ಮೆಚ್ಚುತ್ತದೆ ಮತ್ತು ಅದರ ಮೌಲ್ಯದ ಪ್ರತಿಪಾದನೆಯನ್ನು ದೃಡಪಡಿಸುತ್ತದೆ. ಇದು ಅಂತಿಮ ಗ್ರಾಹಕರಿಗೆ ಕೈಗೆಟುಕುವ ಬೆಲೆ ಮತ್ತು ಗುಣಮಟ್ಟದ ತಂತ್ರಜ್ಞಾನದ ಸರಿಯಾದ ಸಂಯೋಜನೆಯಾಗಿದೆ. ಡೆಟೆಲ್ ಈಸಿ ಪ್ಲಸ್ ರಸ್ತೆಗಿಳಿಯಲು ಇದು ಅತ್ಯುತ್ತಮ ಅವಕಾಶವಾಗಿದೆ ಎಂದು ಹೇಳಿದರು.