Smartphone Tips: ನಿಮ್ಮ ಸ್ಮಾರ್ಟ್​ಫೋನ್​ ಈ ರೀತಿ ಬಳಸಿದ್ರೆ ಖಂಡಿತ ಹ್ಯಾಕ್ ಆಗುತ್ತೆ, ಹಾಳೂ ಆಗುತ್ತೆ!

ಇತ್ತೀಚಿನ ದಿನಗಳಲ್ಲಿ ಬಹುತೇಕ ಎಲ್ಲರೂ ಫೋನ್ ಬಳಸುತ್ತಾರೆ. ಇದು ನಮ್ಮೆಲ್ಲರ ಜೀವನದ ಪ್ರಮುಖ ಭಾಗವಾಗಿದೆ. ಆದರೆ ನಮ್ಮಲ್ಲಿ ಹೆಚ್ಚಿನವರು ಫೋನ್ ಬಳಸುವಾಗ ಕೆಲವು ತಪ್ಪುಗಳನ್ನು ಮಾಡುತ್ತಾರೆ. ಇದರಿಂದ ನಿಮ್ಮ ಫೋನ್ ಅಕಾಲಿಕವಾಗಿ ಹಾಳಾಗಲು ಕಾರಣವಾಗುತ್ತದೆ. ಹಾಗಿದ್ರೆ ಆ ಸ್ಮಾರ್ಟ್​​ಫೋನ್​ ಬಳಕೆದಾರರು ಮಾಡುವಂತಹ ಆ ಮುಖ್ಯ ತಪ್ಪು ಏನು ಎಂಬುದನ್ನು ಈ ಲೇಖನದಲ್ಲಿದೆ ಓದಿ.

ಬ್ಲೂಟೂತ್: ನೀವು ಬ್ಲೂಟೂತ್ ಬಳಸದಿದ್ದರೆ ಮತ್ತು ಬ್ಲೂಟೂತ್ ಅನ್ನು ಅನಗತ್ಯವಾಗಿ ಆನ್​ ಮಾಡಿದ್ದರೆ ನಿಮ್ಮ ಮೊಬೈಲ್​ ಹ್ಯಾಕರ್ಸ್​ಗಳಿಗೆ ಗುರಿಯಾಗಬಹುದು. ಆದ್ದರಿಂದ ಯಾವುದೇ ಕಾರಣಕ್ಕೂ ದಿನವಿಡೀ ಬ್ಲೂಟೂತ್​ ಆನ್​ನಲ್ಲಿಡಬೇಡಿ.

ಚಾರ್ಜಿಂಗ್: ಕೆಲವರು ರಾತ್ರಿಯಿಡೀ ಫೋನ್ ಅನ್ನು ಚಾರ್ಜ್ ಮಾಡುತ್ತಿರುತ್ತಾರೆ. ಜನರು ತಮ್ಮ ಫೋನ್‌ಗಳನ್ನು ಚಾರ್ಜ್ ಮಾಡುವಾಗ ಮಾಡುವ ಮತ್ತೊಂದು ಸಾಮಾನ್ಯ ತಪ್ಪು ಎಂದರೆ ರಾತ್ರಿಯಿಡೀ ಚಾರ್ಜ್ ಮಾಡುವುದು. ರಾತ್ರಿಯಿಡೀ ಫೋನ್ ಚಾರ್ಜ್ ಮಾಡುವುದರಿಂದ ಬ್ಯಾಟರಿ ಬಾಳಿಕೆ ಕಡಿಮೆಯಾಗುತ್ತದೆ. ಕೆಲವೊಮ್ಮೆ ಅದು ಸ್ಫೋಟಗೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.

ಅಪ್ಲಿಕೇಶನ್ ಡೌನ್‌ಲೋಡ್: ಯಾವುದೇ ಥರ್ಡ್​ ಪಾರ್ಟಿ ಆ್ಯಪ್​ಗಳಿಂದ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡ್ಬೇಡಿ. ಈ ಆಯ್ಕೆ ಆ್ಯಪಲ್​ ಬಳಕೆದಾರರಿಗೆ ಲಭ್ಯವಿಲ್ಲ.ಆದ್ರೆ ಇದು ಆಂಡ್ರಾಯ್ಡ್​ ಬಳಕೆದಾರರಿಗೆ ಲಭ್ಯವಿರುತ್ತದೆ. 

ಆದ್ದರಿಂದ ಆಂಡ್ರಾಯ್ಡ್​ ಬಳಕೆದಾರರು ಯಾವುದೇ ಅಪ್ಲಿಕೇಶನ್​ ಅನ್ನು ಡೌನ್​ಲೋಡ್​ ಮಾಡುವ ವೇಳೆ ಎಚ್ಚರಿಕೆಯಿಂದಿರಿ. ಯಾಕೆಂದರೆ ಕೆಲವೊಮ್ಮೆ ಥರ್ಡ್​ ಪಾರ್ಟಿ ಆ್ಯಪ್​ಗಳು ಹ್ಯಾಕರ್ಸ್​​ ಕ್ರಿಯೇಟ್ ಮಾಡಿರಬಹುದು.

ಪರ್ಮಿಷನ್​: ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿದ ನಂತರ, ಅದನ್ನು ತೆರೆದ ನಂತರ, ಅದು ನಮ್ಮಿಂದ ಅನುಮತಿ ಕೇಳುತ್ತದೆ ಎಂಬುದನ್ನು ನಾವೆಲ್ಲರೂ ಗಮನಿಸಿರಬೇಕು. ಆದರೆ ಅಪ್ಲಿಕೇಶನ್‌ಗೆ ಎಲ್ಲಾ ಅನುಮತಿಗಳ ಅಗತ್ಯವಿಲ್ಲ. ಅಪ್ಲಿಕೇಶನ್‌ಗಳು ಕೆಲವೊಮ್ಮೆ ನಿಮ್ಮ ವೈಯಕ್ತಿಕ ಮಾಹಿತಿಗೆ ಪ್ರವೇಶ ಅಥವಾ ಕ್ಯಾಮೆರಾ, ಮೈಕ್ರೊಫೋನ್‌ಗೆ ಪ್ರವೇಶದಂತಹ ಅನಗತ್ಯ ಅನುಮತಿಗಳನ್ನು ಕೇಳುತ್ತವೆ. ಈ ರೀತಿಯ ಯಾವುದೇ ಸಂದರ್ಭದಲ್ಲಿ ಅಂತಹ ಅನುಮತಿಗಳನ್ನು ನೀಡಬೇಡಿ.

ಚಾರ್ಜಿಂಗ್ ಕೇಬಲ್: ಹೆಚ್ಚಿನ ಜನರು ಸಿಕ್ಕ ಸಿಕ್ಕ ಚಾರ್ಜರ್​​ಗಳನ್ನು ಬಳಸಿ ಸ್ಮಾರ್ಟ್​​ಫೋನ್​ ಅನ್ನು ಚಾರ್ಜ್​ ಮಾಡುತ್ತಾರೆ. ಆದರೆ ಈ ರೀತಿ ಎಂದೂ ಮಾಡ್ಬಾರ್ದು. ಕಂಪೆನಿಯ ಒರಿಜಿನಲ್ ಚಾರ್ಜರ್ ಅನ್ನೇ ಬಳಸಬೇಕು. ಇದರಿಂದ ನಿಮ್ಮ ಫೋನ್​ನ ಬ್ಯಾಟರ ಡೆಡ್ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ.