Mobile Hacking: ನಿಮ್ಮ ಮೊಬೈಲ್​ ಹ್ಯಾಕ್ ಆಗಿದ್ಯಾ? ಈ ಟಿಪ್ಸ್​ ಮೂಲಕ ಚೆಕ್​ ಮಾಡಿಕೊಳ್ಳಿ

ಫೋನ್ ಮೂಲಕ, ಈಗ ಎಲ್ಲಾ ಕೆಲಸಗಳನ್ನು ಮನೆಯಲ್ಲಿ ಕುಳಿತು ಸುಲಭವಾಗಿ ಮಾಡಬಹುದು. ಬ್ಯಾಂಕ್ ಕೆಲಸವಾಗಲಿ, ಟಿಕೆಟ್ ಬುಕ್ಕಿಂಗ್ ಆಗಲಿ, ಹೋಟೆಲ್ ಬುಕ್ಕಿಂಗ್ ಆಗಲಿ ಇವೆಲ್ಲವನ್ನು ಈಗ ಕ್ಷಣಮಾತ್ರದಲ್ಲಿ ಮಾಡಿಮುಗಿಸಬಹುದು. ಆದರೆ ಈ ಎಲ್ಲಾ ಕೆಲಸಗಳನ್ನು ಮಾಡ್ಬೇಕಾದ್ರೆ ಆನ್​ಲೈನ್ ಪೇಮೆಂಟ್​ ಮಾಡ್ಲೇಬೇಕು. ಇದನ್ನೇ ವಂ ಚಕರು ಲಾಭವನ್ನಾಗಿ ಬಳಸಿಕೊಳ್ತಾ ಇದ್ದಾರೆ.

ಸೈಬರ್ ಕ್ರೈಮ್ ವೇಗವಾಗಿ ಬೆಳೆಯುತ್ತಿದೆ ಮತ್ತು ಹ್ಯಾಕರ್‌ಗಳು ಜನರನ್ನು ಮೋಸಗೊಳಿಸಲು, ಫೋನ್‌ಗಳನ್ನು ಹ್ಯಾಕ್ ಮಾಡಲು ಹೊಸ ಮಾರ್ಗಗಳನ್ನು ಹುಡುಕುತ್ತಲೇ ಇರುತ್ತಾರೆ. ಇನ್ನು ಅನೇಕ ಬಾರಿ ವಂಚಕರು ನಮ್ಮ ಫೋನ್‌ಗಳನ್ನು ಹ್ಯಾಕ್ ಮಾಡಿದ್ದಾರೆಯೇ, ಇಲ್ಲವೋ ಎಂಬ ಮೆಸೇಜ್​ಗಳೇ ಬರಲ್ಲ. ಆದ್ರೆ ಈ ಟಿಪ್ಸ್ ಮೂಲಕ ನಿಮ್ಮ ಫೋನ್ ಹ್ಯಾಕ್ ಆಗಿದ್ಯಾ ಎಂದು ನೋಡಬಹುದು.

ನಿಮ್ಮ ಫೋನ್‌ನಲ್ಲಿ ಯಾವುದೇ ನಿಮಗೆ ಗೊತ್ತಿಲ್ಲದ ಅಪ್ಲಿಕೇಶನ್‌ಗಳನ್ನು ನೀವು ಡೌನ್‌ಲೋಡ್ ಆಗಿದ್ದರೆ, ಯಾರಾದರೂ ನಿಮ್ಮ ಫೋನ್ ಅನ್ನು ಟ್ಯಾಂಪರಿಂಗ್ ಮಾಡುತ್ತಿದ್ದಾರೆಯೇ ಎಂದು ನಿಮಗೆ ತಿಳಿದಿರಬೇಕು. ಇನ್ನು ಈ ಹ್ಯಾಕರ್ಸ್​​ಗಳು ನಿಮ್ಮ ಮೊಬೈಲ್​ಗೆ Net Nanny, Kaspersky Safe Kids, Norton Family ಇಂತಹ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡುವ ಸಾಧ್ಯತೆಗಳಿರುತ್ತದೆ. ಆದ್ದರಿಂದ ಎಚ್ಚರಿಕೆಯಿಂದಿರುವುದು ಉತ್ತಮ.

ಮಾಲ್ವೇರ್ ನಿರಂತರವಾಗಿ ರನ್ ಆಗುತ್ತಿದ್ದರೆ ನಿಮ್ಮ ಬ್ಯಾಟರಿ ಚಾರ್ಜ್​ ಸಾಮಾನ್ಯಕ್ಕಿಂತ ವೇಗವಾಗಿ ಕಡಿಮೆ ಆಗಬಹುದು. ಇನ್ನು ಕೆಲವೊಮ್ಮೆ ನಿಮ್ಮ ಮೊಬೈಲ್​ಗೆ ಮಾಲ್ವೇರ್​​ ಅಟ್ಯಾಕ್ ಆದಾಗ ಬ್ಯಾಟರಿ ಡ್ಯಾಮೇಜ್ ಆಗುವ ಸಾಧ್ಯತೆಗಳಿರುತ್ತದೆ. ಈ ಸಂದರ್ಭದಲ್ಲಿ ನಿಮ್ಮ ಮೊಬೈಲ್​ ಸರಿಯಾಗಿ ಚೆಕ್ ಮಾಡುವುದು ಉತ್ತಮ.

ನಿಮ್ಮ ಸಾಧನವು ಅತಿಯಾಗಿ ಬಿಸಿಯಾಗುತ್ತಿದ್ದರೆ, ಹಿನ್ನೆಲೆಯಲ್ಲಿ ಸ್ಪೈವೇರ್ ಅನ್ನು ಚಾಲನೆ ಮಾಡುವ ಮೂಲಕ ಯಾರಾದರೂ ನಿಮ್ಮ ಮೇಲೆ ವಂಚನೆ ನಡೆಸುತ್ತಿದ್ದಾರೆ ಎಂಬುದರ ಸಂಕೇತವಾಗಿರಬಹುದು. ಇನ್ನು ಇದೇ ರೀತಿ ನೀವು ಸ್ಮಾರ್ಟ್​​ಫೋನ್​ ಬಳಸದೇ ಇದ್ದಾಗಲು ಮೊಬೈಲ್ ತನ್ನಷ್ಟಕ್ಕೆ ಬಿಸಿಯಾಗುತ್ತಿದ್ದರೆ, ನೀವು ಜಾಗರೂಕತೆಯಿಂದಿರುವುದು ಉತ್ತಮ. ಹೀಗಿರುವಾಗ ಪಕ್ಕದ ಮೊಬೈಲ್​ ಶಾಪ್​ಗೆ ತೋರಿಸಬೇಕು.

ಕೆಲವೊಮ್ಮೆ, ನಿಮ್ಮ ಫೋನ್ ಬಳಸುವ ಡೇಟಾ ಬಳಕೆಯಲ್ಲಿ ಹಠಾತ್ ಹೆಚ್ಚಳ ಕಂಡುಬರುತ್ತದೆ. ಫೋನ್‌ನಲ್ಲಿ ಮಾಲ್‌ವೇರ್ ಆನ್​​ ಆಗಿದೆ ಎಂಬುದಕ್ಕೆ ಇದು ಸೂಚನೆಯಾಗಿದೆ. ಇದು ನಿಮ್ಮ ಇಂಟರ್ನೆಟ್​ ಮೂಲಕ ನಿಮ್ಮ ಪ್ರೈವಸಿಯನ್ನು ಹ್ಯಾಕ್ ಮಾಡಲು ವಂಚಕರು ಬಳಸುತ್ತಿರುತ್ತಾರೆ.

ಫೋನ್‌ನಲ್ಲಿ ಯಾವ ಆ್ಯಪ್‌ನಲ್ಲಿ ಡೇಟಾ ವೇಗವಾಗಿ ಬಳಕೆಯಾಗುತ್ತಿದೆ ಎಂಬುದನ್ನು ಮೊದಲು ಸರಿಯಾಗಿ ತಿಳಿದುಕೊಳ್ಳಬೇಕು. ಇದಕ್ಕಾಗಿ ನೀವು ಮೊಬೈಲ್​ನಲ್ಲಿ ಸೆಟ್ಟಿಂಗ್​​ಗಳಿಗೆ ಹೋಗಿ. ಅಲ್ಲಿ ಮೊಬೈಲ್ ಡೇಟಾವನ್ನು ಆಯ್ಕೆಮಾಡಿ. ಇದರ ನಂತರ ನೀವು ಯಾವ ಅಪ್ಲಿಕೇಶನ್‌ಗಳು ಎಷ್ಟು ಮೊಬೈಲ್ ಡೇಟಾವನ್ನು ಬಳಸುತ್ತಿವೆ ಎಂಬುದನ್ನು ನೋಡಬಹುದು. ಇದರಲ್ಲಿ ನಿಮ್ಮ ಮೊಬೈಲ್​ ಹ್ಯಾಕ್​ ಮಾಡುವಂತಹ ಅಪ್ಲಿಕೇಶನ್​ ಇದೆಯಾ ಎಂಬುದನ್ನು ನೋಡಬಹುದು.