Smartwatch: ಈ ಸ್ಮಾರ್ಟ್​ವಾಚ್​ನ ಲುಕ್​ ನೋಡಿದ್ರೆನೇ ನೀವು ಫಿದಾ ಆಗ್ತೀರಾ! ಅಂತದ್ದೇನಿದೆ ಫೀಚರ್ಸ್​?

ಸ್ಟೈಲಿಶ್ ಲುಕ್ ಮತ್ತು ಆಕರ್ಷಕ ಫೀಚರ್ಸ್​ ಅನ್ನು ಹೊಂದಿರುವ ಸ್ಮಾರ್ಟ್​ವಾಚ್ ಇದೀಗ ಭಾರತದ ಮಾರುಕಟ್ಟೆಗೆ ಬಂದಿದ್ದು ಇಕಾಮರ್ಸ್​ ವೆಬ್​ಸೈಟ್​ಗಳಲ್ಲಿ ಈಗಾಗಲೇ ಬಹಳಷ್ಟು ಬೇಡಿಕೆಯನ್ನು ಪಡೆದ ಸ್ಮಾರ್ಟ್​ವಾಚ್ ಆಗಿದೆ. ಈ ಬಾರಿ ಭಾರತದಲ್ಲಿ ಡಿಝೋ ವಾಚ್ ಆರ್ ಟಾಕ್​ ಗೊ (Dizo Watch R Talk Go) ಎಂಬ ಸ್ಮಾರ್ಟ್​ವಾಚನ್ನು ಬಿಡುಗಡೆ ಮಾಡಿದೆ. ಇದೀಗ ವಿಶೇಷ ಫೀಚರ್ಸ್​ನೊಂದಿಗೆ ಭರ್ಜರಿ ಆಫರ್ಸ್​ನಲ್ಲಿ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್​ವಾಚ್ ಅನ್ನು ಖರೀದಿಸಬಹುದಾಗಿದೆ.

ಹೊಸ ಡಿಝೋ ಸ್ಮಾರ್ಟ್​ವಾಚ್​ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಸ್ಮಾರ್ಟ್​ವಾಚ್​ನಂತೆಯೇ ಕೆಲವೊಂದು ಫೀಚರ್ಸ್​ ಅನ್ನು ಹೊಂದಿದೆ.ಇದು ಅಲ್ಯೂಮಿನಿಯಂ ರಿಮ್​ನೊಂದಿಗೆ ರೌಂಡ್​ ಡಯಲ್​ ವಿನ್ಯಾಸದೊಂದಿಗೆ ಸ್ಟೈಲಿಶ್ ಆಗಿ ರಚಿಸಿದ್ದಾರೆ. ಹೋಮ್ ಬಟನ್ ಮತ್ತು ಸ್ಪೋರ್ಟ್ಸ್​ ಮೋಡ್ ಈ ರೀತಿಯ ಎರಡು ಬಟನ್​ಗಳನ್ನು ಇದು ಹೊಂದಿದೆ. ಜೊತೆಗೆ ಇದರಲ್ಲಿ ಟಚ್​ ಮೂಲಕ ಸ್ಕ್ರೀನ್ ಕಂಟ್ರೋಲ್ ಮಾಡಬಹುದು.

ಇನ್ನು ಈ ಸ್ಮಾರ್ಟ್​ವಾಚ್ 1.39 ಇಂಚಿನ ಡಿಸ್​ಪ್ಲೇಯನ್ನು ಹೊಂದಿದೆ. ಜೊತೆಗೆ ಇದು 360 x 360 ಪಿಕ್ಸೆಲ್ ಸ್ಕ್ರೀನ್​ ರೆಸಲ್ಯೂಶನ್ ಹಾಗೂ 550 ನಿಟ್ಸ್​ ಬ್ರೈಟ್​ನೆಸ್ ಸಾಮರ್ಥ್ಯವನ್ನು ಇದು ಹೊಂದಿದೆ. ಇನ್ನುವಿಶೇಷವಾಗಿ ಈ ಸ್ಮಾರ್ಟ್​ವಾಚ್​ನ ಡಿಸ್​ಪ್ಲೇ ರಕ್ಷಣೆಗಾಗಿ 7 ಹೆಚ್​ ಟೆಂಪರ್ಡ್​​​ ಗ್ಲಾಸ್​ ಅನ್ನು ಹೊಂದಿದೆ.

ಈ ಸ್ಮಾರ್ಟ್​​ವಾಚ್​ ಬ್ಲೂಟೂತ್​ ಕನೆಕ್ಟ್​ ಮಾಡುವುದರಿಂದ ಬ್ಲೂಟೂತ್ ಮೂಲಕ ಕಾಲ್ ಕೂಡ ಮಾಡಬಹುದು. ಈ ಡಿಝೋ ವಾಚ್ ಆರ್ ಟಾಕ್ ಗೋ ಸ್ಮಾರ್ಟ್​ವಾಚ್ ಬ್ಲೂಟೂತ್ 5.2, ನಾಯ್ಸ್​ ಕ್ಯಾನ್ಸಲೇಶನ್, ಡ್ಯುಯಲ್ ಹೆಲ್ತ್​ ಸೆನ್ಸಾರ್, ಹಾರ್ಟ್​ ರೇಟ್​ ಮಾನಿಟರ್ ಮತ್ತು ಜಿಪಿಎಸ್​ ಟ್ರ್ಯಾಕಿಂಗ್​ನ ಫೀಚರ್ಸ್​ ಅನ್ನು ಹೊಂದಿದೆ.

ಇನ್ನು ಇದರಲ್ಲಿ ಸ್ಪೋರ್ಟ್ ಮೋಡ್​ ಫೀಚರ್ಸ್​ ಇದ್ದು ಜೊತೆಗೆ ಆರೋಗ್ಯದಲ್ಲಿ ಏರುಪೇರು ಆದಾಗಲು ಇದು ನಾಟಿಫಿಕೇಶನ್ ನೀಡುತ್ತದೆ. ಇದರಲ್ಲಿ ಕಾಲ್​ ಅನ್ನು ಮ್ಯೂಟ್​ ಮಾಡಲು ಮತ್ತು ಕಟ್​ ಮಾಡುವಂತಹ ಅವಕಾಶಗಳು ಇದೆ. ಈ ಸ್ಮಾರ್ಟ್​ವಾಚ್​ ಅನ್ನು ಒಮ್ಮೆ ಫುಲ್ ಚಾರ್ಜ್​ ಮಾಡಿದರೆ ನಿರಂತರವಾಗಿ 10 ದಿನಗಳವರೆಗೆ ಬಳಸಬಹುದು.

ಡಿಝೋ ವಾಚ್ ಆರ್ ಟಾಕ್ ಗೋ ಸ್ಮಾರ್ಟ್​ವಾಚ್ ಬಳಕೆದಾರರ ದೈಹಿಕ ಚಟುವಟಿಕೆಗಳನ್ನು ಟ್ರ್ಯಾಕಿಂಗ್ ಮಾಡುತ್ತಿರುತ್ತದೆ. ಅಲ್ಲದೆ ಇದು ಬಾಡಿ ಟೆಂಪರೇಚರ್​, ನೀರು ಕುಡಿಯುವುದು, ಉಸಿರಾಟದ ಅವಧಿ, ವಾಂಕಿಂಗ್ ಸ್ಟೆಪ್ಸ್​ ಇದನ್ನೆಲ್ಲಾ ಟ್ರ್ಯಾಕ್ ಮಾಡುತ್ತದೆ.

ಇಷ್ಟೆಲ್ಲಾ ಫೀಚರ್ಸ್​ ಅನ್ನು ಹೊಂದಿರು ಈ ಸ್ಮಾರ್ಟ್​ವಾಚ್ ರುಟ್​ ಟ್ರ್ಯಾಕಿಂಗ್, ಅಲಾರಂ, ಮ್ಯೂಸಿಕ್​ ಅಥವಾ ಕ್ಯಾಮೆರಾ ಕಂಟ್ರೋಲ್, ಫೈಂಡ್​ ಫೋನ್, ವೆದರ್​ ಅಪ್ಡೇಟ್​ ಮತ್ತು ಜಿಪಿಎಸ್​ನಂತಹ ಫೀಚರ್ಸ್​ ಅನ್ನು ಹೊಂದಿದೆ.

ಇನ್ನು ಈ ಸ್ಮಾರ್ಟ್​ವಾಚ್ ಮಾರುಕಟ್ಟೆ ಮತ್ತು ಇಕಾಮರ್ಸ್​ ವೆಬ್​ಸೈಟ್​ಗಳಲ್ಲಿ 3999 ರೂಪಾಯಿಗೆ ಲಭ್ಯವಿದೆ. ವಿಶೇಷವಾಗಿ ಫ್ಲಿಪ್​ಕಾರ್ಟ್​​ನಲ್ಲಿ ಬ್ಯಾಂಕ್​ ಕಾರ್ಡ್​​ಗಳ ಮೂಲಕ ಖರೀದಿಸಿದರೆ ಇನ್ನಷ್ಟು ರಿಯಾಯಿತಿಯನ್ನು ಪಡೆಯಬಹುದು.