Vi Offer: ಈ ಸಿಮ್​ ಖರೀದಿಸಿದರೆ ಉಚಿತ ಲಂಡನ್​ ಪ್ರವಾಸ ಮಾಡ್ಬಹುದಂತೆ!

Vi Recharge Plans: ಟೆಲಿಕಾಂ ಕಂಪನಿಗಳು ಗ್ರಾಹಕರಿಗಾಗಿ ಹೊಸ ಆಫರ್ಸ್​​ ನೀಡುತ್ತಲೇ ಇದೆ. ಇತ್ತೀಚೆಗೆ ಜಿಯೋ, ಏರ್​ಟೆಲ್​ ಟೆಲಿಕಾಂ ಕಂಪನಿಗಳು ಹೊಸ ಪ್ರಿಪೇಯ್ಡ್​ ಯೋಜನೆಯನ್ನು ಬಿಡುಗಡೆ ಮಾಡಿತ್ತು. ಆದರೆ ಇದೀಗ ವೊಡಫೋನ್​ ಐಡಿಯಾದಿಂದ ಹೊಸ ಆಫರ್ಸ್​​ಬಿಡುಗಡೆ ಯಾಗಿದೆ. ಈ ಮೂಲಕ ಉಚಿತ ಲಂಡನ್​​ ಪ್ರವಾಸ ಮಾಡ್ಬಹುದು.

ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಒಂದಾದ ವೊಡಾಫೋನ್ ಐಡಿಯಾ ಈ ಕೊಡುಗೆಯನ್ನು ಬಿಡುಗಡೆ ಮಾಡಿದೆ. ಈ ಕೊಡುಗೆ ಡಿಸೆಂಬರ್ 15 ರವರೆಗೆ ಮಾತ್ರ ಲಭ್ಯವಿದೆ. ಈ ಕೊಡುಗೆ ಯನ್ನು ಪಡೆಯಲು ವೊಡಾಫೋನ್ ಐಡಿಯಾ ಲುಡೋ ಪಂದ್ಯಾವಳಿಯನ್ನು ನಡೆಸುತ್ತಿದೆ. ಅದರ ಹೆಸರು ಎಕ್ಸ್ ಪ್ರೆಸ್ ಲುಡೋ ಟೂರ್ನಮೆಂಟ್ ಎಂದಾಗಿದೆ.

ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿರುವ ವೊಡಫೋನ್ ಐಡಿಯಾ ಅಪ್ಲಿಕೇಶನ್‌ನಲ್ಲಿವಿಐ ಗೇಮ್ಸ್ ಪ್ಲಾಟ್‌ಫಾರ್ಮ್ ಮೂಲಕ ನೀವು ಈ ಪಂದ್ಯಾವಳಿಯಲ್ಲಿ ಭಾಗವಹಿಸಬಹುದು. ರ್‍ಯಾಂಕಿಂಗ್​ನ ಆಧಾರದ ಮೇಲೆ, ಪಂದ್ಯಾವಳಿಯಲ್ಲಿ ಭಾಗವಹಿಸಿದ ಅದೃಷ್ಟವಂತರು ಉಚಿತವಾಗಿ ಲಂಡನ್‌ಗೆ ಹೋಗುವ ಪ್ರವಾಸದ ಅವಕಾಶವನ್ನು ಪಡೆಯುತ್ತಾರೆ. ಇದಲ್ಲದೆ ಈ ಆಟದಲ್ಲಿ ಭಾಗವಹಿಸಿದವರಿಗೆ ದೈನಂದಿನ ಅಮೆಜಾನ್​ ವೋಚರ್‌ಗಳನ್ನು ಸಹ ಪಡೆಯಬಹುದಾಗಿದೆ.

ವೊಡಫೋನ್​ ಐಡಿಯಾದ ಪ್ರಕಾರ, ಅನೇಕ ಬಾರಿ ಆಟಗಳನ್ನು ಆಡಬಹುದಾಗಿದೆ. ಈ ಲೂಡೊ ಪಂದ್ಯಾವಳಿ ಮೂಲಕ ಟಿಕೆಟ್ ಗೆಲ್ಲಬಹುದಾಗಿದೆ. ಈ ಟಿಕೆಟ್​ನಲ್ಲಿ ಲಂಡನ್ ಪ್ರವಾಸವನ್ನು ಗೆಲ್ಲುವ ಅವಕಾಶವನ್ನು ಪಡೆಯಬಹುದಾಗಹಿದೆ. ಈ ಲಂಡನ್​ ಪ್ರವಾಸವು ಎರಡು ದಿನಗಳವರೆಗೆ ಇರುತ್ತದೆ. ಕಂಪನಿಯು ವಿಮಾನ ಟಿಕೆಟ್‌ಗಳು ಮತ್ತು ವಸತಿ ಸೌಕರ್ಯವನ್ನು ನೋಡಿಕೊಳ್ಳುತ್ತದೆ.

ಈ ಗೇಮ್​​ನಲ್ಲಿ ವಿನ್​ ಆಗಿ ಟಿಕೆಟ್​ ಪಡೆದುಕೊಂಡ ಅದೃಷ್ಟವಂತರ ಪಟ್ಟಿಯನ್ನು ವೊಡಫೋನ್ ಐಡಿಯಾದ ಸೋಶಿಯಲ್ ಮೀಡಿಯಾ ಪೇಜ್​ನಲ್ಲಿ ಪ್ರಕಟಿಸುತ್ತದೆ. ಗೇಮರುಗಳು ವಿಐ ಅಪ್ಲಿಕೇಶನ್ ಮೂಲಕ ತಾಂಬೋಲಾ ಎಂಬ ಆಟವನ್ನು ಸಹ ಆಡಬಹುದು. ತಾಂಬೋಲ ಆಟವು ಪ್ರತಿ 30 ನಿಮಿಷಗಳಿಗೊಮ್ಮೆ ಪ್ರಾರಂಭವಾಗುತ್ತದೆ. ಇದು ರಾತ್ರಿ 8 ರಿಂದ ಮಧ್ಯರಾತ್ರಿಯವರೆಗೆ ನಡೆಯುತ್ತದೆ.

ವೊಡಫೋನ್ ಐಡಿಯಾ ಬಳಕೆದಾರರು ಯಾವುದೇ ಹಣವನ್ನು ಪಅವತಿಸದೆ ತಾಂಬೋಲ ಆಟವನ್ನು ಆಡಬಹುದು. ಈ ಗೇಮ್​ ಮೂಲಕ ವೋಚರ್‌ಗಳನ್ನು ಸಹ ಗೆಲ್ಲಬಹುದು. ಆದ್ದರಿಂದ ನೀವು ವೊಡಾಫೋನ್ ಐಡಿಯಾ ಗ್ರಾಹಕರಾಗಿದ್ದರೆ ಮಾತ್ರ ಈ ಅವಕಾಶವನ್ನು ಪಡೆಯಬಹುದು. ಇನ್ನು ಲಂಡನ್ ಟ್ರಿಪ್ ಪ್ರತೀ ಆಟದಲ್ಲಿ ಇಬ್ಬರಿಗೆ ಪಡೆಯುವ ಅವಕಾಶ ಸಿಗಲಿದೆ.

ಮತ್ತೊಂದೆಡೆ, ವೊಡಾಫೋನ್ ಐಡಿಯಾ ಮಾರುಕಟ್ಟೆಯಲ್ಲಿ ಹೊಸ ಪೋಸ್ಟ್‌ಪೇಯ್ಡ್ ಯೋಜನೆಯನ್ನು ಕೂಡ ಬಿಡುಗಡೆ ಮಾಡಿದೆ. ವೊಡಫೋನ್​ ಐಡಿಯಾ 2,999 ರೂಪಾಯಿಯ ರೀಚಾರ್ಜ್​ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯಲ್ಲಿ 850 GB ಡೇಟಾವನ್ನು ಪಡೆಯಬಹುದಾಗಿದೆ. ಅನ್ಲಿಮಿಟೆಡ್​ ಕಾಲ್ ಕೂಡ ಮಾಡುವ ಅವಕಾಶವಿದೆ.

ಇದಲ್ಲದೆ ಈ ಯೋಜನೆಯಲ್ಲಿ ದಿನಕ್ಕೆ 100 SMS ಕಳುಹಿಸಬಹುದು. ಈ ಯೋಜನೆಯ ವ್ಯಾಲಿಡಿಟಿ 365 ದಿನಗಳು. ಅಲ್ಲದೆ ಗ್ರಾಹಕರು ರಾತ್ರಿ ಕೂಡ ಡೇಟಾ ಪ್ರಯೋಜನವನ್ನು ಪಡೆಯಬಹುದು. ಮಧ್ಯಾಹ್ನ 12ರಿಂದ ಬೆಳಗ್ಗೆ 6ರವರೆಗೆ ಉಚಿತ ಡೇಟಾ ಪಡೆಯಬಹುದು. ಈ ಸೌಲಭ್ಯವು ಹಲವಾರು ವೊಡಫೋನ್​ ಐಡಿಯಾದ ಇತರ ರೀಚಾರ್ಜ್ ಯೋಜನೆಗಳಲ್ಲಿ ಲಭ್ಯವಿದೆ.