WhatsApp​ ಅಡ್ಮಿನ್​ಗಳೇ..! ಈ ತಪ್ಪು ಮಾಡಿದ್ರೆ ಜೈಲು ಸೇರ್ತಿರಾ.. ಹುಷಾರ್​

ವಾಟ್ಸ್ಆ್ಯಪ್ ಬಳಸುತ್ತಿದ್ದೀರಾ? ಗ್ರೂಪ್ ಅಡ್ಮಿನ್​ ಆಗಿದ್ದೀರಾ? ಹಾಗಿದ್ದರೆ ಕೊಂಚ ಎಚ್ಚರ. ಈ ತಪ್ಪುಗಳನ್ನು ಮಾಡಿ ಜೈಲು ಸೇರಬೇಕಾದ ಪರಿಸ್ಥೀತಿ ಎದುರಾಗಬಹುದು. ಹೌದು. ಗ್ರೂಪ್​ನಲ್ಲಿರುವವರು ದೇಶವಿರೋಧಿ ವಿಷಯಗಳನ್ನು ಶೇರ್ ಮಾಡದಂತೆ ಗ್ರೂಪ್ ಅಡ್ಮಿನ್ಗಳು ಎಚ್ಚರವಹಿಸಬೇಕು. ಒಂದು ವೇಳೆ ಈ ಸಂಗತಿ ಬೆಳಕಿಗೆ ಬಂದರೆ ಇದರಿಂದಾಗಿ ಗ್ರೂಪ್ ಅಡ್ಮಿನ್ ಕೂಡ ಜೈಲು ಪಾಲಾಗಬಹುದು. ಇದೇ ವಿಚಾರವಾಗಿ ಉತ್ತರ ಪ್ರದೇಶದ ಬಾಗ್ಪತ್​ನಲ್ಲಿ ವ್ಯಕ್ತಿಯೋರ್ವನನ್ನು (ಗ್ರೂಪ್ ಅಡ್ಮಿನ್) ಬಂಧಿಸಲಾಗಿದೆ.

ಅನುಮತಿಯಿಲ್ಲದೆ ವಾಟ್ಸಾಪ್ ಗುಂಪಿನಲ್ಲಿ ಯಾರೊಬ್ಬರ ವೈಯಕ್ತಿಕ ಫೋಟೋಗಳು ಅಥವಾ ವೀಡಿಯೊಗಳನ್ನು ಹಂಚಿಕೊಳ್ಳಬಾರದು. ಇದು ಅಪರಾಧದ ವ್ಯಾಪ್ತಿಗೆ ಬರುತ್ತದೆ. ಈ ಬಗ್ಗೆಯೂ ಕ್ರಮ ಕೈಗೊಳ್ಳಬಹುದು. ವಾಟ್ಸ್ಆ್ಯಪ್ ನಿರ್ವಾಹಕರಾಗಲಿ ಅಥವಾ ಬೇರೆಯವರಾಗಲಿ ಯಾರೇ ಈ ತಪ್ಪು ಮಾಡಿದರೆ ಶಿಕ್ಷೆ ಖಂಡಿತಾ.

ಗುಂಪಿನಲ್ಲಿ ಅಶ್ಲೀಲ ವಿಷಯವನ್ನು ಹಂಚಿಕೊಳ್ಳುವುದು ಅಪರಾಧದ ವ್ಯಾಪ್ತಿಗೆ ಬರುತ್ತದೆ. ಮಕ್ಕಳ ಅಶ್ಲೀಲತೆ, ವೇಶ್ಯಾವಾಟಿಕೆಗೆ ಸಂಬಂಧಿಸಿದ ಸಂದೇಶಗಳನ್ನು ಹಂಚಿಕೊಳ್ಳುವುದು ಅಪರಾಧ ಮತ್ತು ಹಾಗೆ ಮಾಡಿದರೆ ಬಳಕೆದಾರರಿಗೆ ಜೈಲು ಶಿಕ್ಷೆಯನ್ನು ವಿಧಿಸುವ ಅವಕಾಶವಿದೆ.

ಗ್ರೂಪ್​ನಲ್ಲಿ ಯಾರಾದರೂ ವೀಡಿಯೊ ಅಥವಾ ಯಾರಾದರೂ ಧರ್ಮವನ್ನು ಅವಹೇಳನಕಾರಿಯಾಗಿ ಪೋಸ್ಟ್ ಮಾಡಿದರೆ, ಹಿಂಸಾಚಾರವನ್ನು ಪ್ರಚೋದಿಸಿದ ಆರೋಪದಲ್ಲಿ ಪೊಲೀಸರು ಬಂಧಿಸಬಹುದು.

ವಾಟ್ಸ್ಆ್ಯಪ್ನಲ್ಲಿ ಯಾರೇ ಏನೇ ಬರೆದು ಪೋಸ್ಟ್ ಮಾಡಿದರೂ ಆ ವಿಚಾರ ಹರಿದಾಡುತ್ತಿರುವುದು ಕಂಡು ಬಂದರೆ. ತಕ್ಷಣ ಕ್ರಮ ಕೈಗೊಳ್ಳಲಾಗುತ್ತದೆ. ಯಾರಾದರೂ ಸುಳ್ಳು ಸುದ್ದಿ ಅಥವಾ ನಕಲಿ ಸುದ್ದಿಗಳನ್ನು ಚಲಾಯಿಸಿದರೂ ಕೂಡ ಅವರ ವಿರುದ್ಧ ದೂರು ನೀಡಿದರೆ, ನಂತರ ಖಾತೆಯನ್ನು ಮುಚ್ಚಲಾಗುತ್ತದೆ.