Mobile Explode: ಈ ರೂಲ್ಸ್​ ಮೀರಿದ್ರೆ ಬ್ಲಾಸ್ಟ್ ಆಗುತ್ತೆ ನಿಮ್ಮ ಫೋನ್​! ಇದ್ರಿಂದ ಹೀಗೆ ಬಚಾವಾಗಿ!

ಸ್ಮಾರ್ಟ್‌ಫೋನ್ ಸ್ಫೋಟದ ಘಟನೆಗಳು ಇತ್ತೀಚೆಗೆ ಬಹಳಷ್ಟು ಸಂಭವಿಸುತ್ತವೆ. ಎಲ್ಲೋ ಮೊಬೈಲ್ ಸ್ಫೋಟಗೊಳ್ಳುತ್ತಿದೆ. ಈ ಘಟನೆಗಳು ಸಾವಿಗೆ ಸಹ ಕಾರಣವಾಗುತ್ತವೆ. ಇಂತಹ ಘಟನೆಗಳು ಗೊತ್ತಾದಾಗಲೆಲ್ಲ ಸ್ಮಾರ್ಟ್ ಫೋನ್ ಬಳಕೆದಾರರಲ್ಲಿ ಆತಂಕ ಶುರುವಾಗಿದೆ. ಸ್ಮಾರ್ಟ್​ಫೋನ್​ಗಳ ಬಳಕೆಯಿಂದ, ಮೊಬೈಲ್​ನಲ್ಲಿರುವಂತಹ ಟೂಲ್​ಗಳಿಂದ ಮೊಬೈಲ್​ ಬ್ಲಾಸ್ಟ್​ ಆಗಲು ಕಾರಣವಾಗುತ್ತದೆ.

ಇನ್ನೊಂದು ಕಾರಣವೆಂದರೆ ಸ್ಮಾರ್ಟ್ ಫೋನ್ ಬಳಕೆದಾರರು ಅಸಡ್ಡೆ ಹೊಂದಿರುವುದು. ಇನ್ನು ಇಂತಹ ಘಟನೆಗಳು ಸಂಭವಿಸದಂತೆ ತಡೆಯಲು ಯಾವ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು? ಸ್ಮಾರ್ಟ್‌ಫೋನ್ ಚಾರ್ಜಿಂಗ್, ಚಾರ್ಜರ್, ಬಳಕೆಯ ಸಮಯದಲ್ಲಿ ಯಾವ ಅಂಶಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು? ಎಂಬುದನ್ನು ಈ ಲೇಖನದಲ್ಲಿ ಓದಿ.

ಬ್ಯಾಟರಿ ಬಿಸಿಯಾಗುವುದು ಸ್ಮಾರ್ಟ್‌ಫೋನ್ ಸ್ಫೋಟಗೊಳ್ಳಲು ಒಂದು ಕಾರಣವಾಗಿದೆ. ಸ್ಮಾರ್ಟ್‌ಫೋನ್‌ನಲ್ಲಿ ಒಂದೇ ಸಮಯದಲ್ಲಿ ಹಲವಾರು  ಬಳಸಿದರೆ ಮೊಬೈಲ್ ಬಿಸಿಯಾಗುತ್ತದೆ. ಹೆಚ್ಚು ಹೊತ್ತು ಆಟವಾಡಿದರೂ ಫೋನ್ ಬಿಸಿಯಾಗುತ್ತದೆ. ನಿಮ್ಮ ಸ್ಮಾರ್ಟ್‌ಫೋನ್ ಸೆಟ್ಟಿಂಗ್‌ಗಳಲ್ಲಿ ಬ್ಯಾಟರಿ ವಿಭಾಗವನ್ನು ತೆರೆಯಿರಿ ಮತ್ತು ನಿಮ್ಮ ಬ್ಯಾಟರಿಯನ್ನು ಯಾವ ಅಪ್ಲಿಕೇಶನ್‌ಗಳು ಹೆಚ್ಚು ಬಳಸುತ್ತಿವೆ ಎಂಬುದನ್ನು ನೋಡಿ. ನಿಮಗೆ ಅಗತ್ಯವಿಲ್ಲದ ಅಪ್ಲಿಕೇಶನ್‌ಗಳು ಬ್ಯಾಟರಿಯನ್ನು ಬಳಸುತ್ತಿವೆಯೇ ಎಂದು ಪರಿಶೀಲಿಸಿ ಮತ್ತು ಅವುಗಳನ್ನು ಡಿಲೀಟ್ ಮಾಡಿ.

ನಿಮ್ಮ ಸ್ಮಾರ್ಟ್ ಫೋನ್ ಹೆಚ್ಚು ಬಿಸಿಯಾಗದಂತೆ ನೋಡಿಕೊಳ್ಳಿ. ಹೆಚ್ಚು ಹೊತ್ತು ಮೊಬೈಲ್ ಬಳಸುವಾಗ ಫೋನ್ ಬಿಸಿಯಾಗುತ್ತಿದ್ದರೆ ಸ್ವಲ್ಪ ಹೊತ್ತು ಬಳಸುವುದನ್ನು ನಿಲ್ಲಿಸುವುದು ಉತ್ತಮ. ಈ ರೀತಿ ಬಿಸಿಯಾಗುವ ಬ್ಯಾಟರಿಗಳು ತುಂಬಾ ಅಪಾಯಕಾರಿ. ಇನ್ನು ಇದೇ ರೀತಿ ನಿಮ್ಮ ಬ್ಯಾಟರಿ ಆಗಾಗ ಬಿಸಿಯಾಗುತ್ತಿದ್ದರೆ ರೀಟೇಲ್ ಶಾಪ್​ಗೆ ಹೋಗಿ ನಿಮ್ಮ ಮೊಬೈಲ್​ ಅನ್ನು ಒಮ್ಮೆ ಸರ್ವೀಸ್ ಮಾಡಿಸಿ.

ಆ ಬ್ಯಾಟರಿ ಸರಿಯಾಗದಿದ್ದರೆ ಬ್ಯಾಟರಿಯನ್ನು ಬದಲಾಯಿಸಿ. ನೀವು ತುಂಬಾ ಹಳೆಯ ಫೋನ್ ಬಳಸುತ್ತಿದ್ದರೆ ಕನಿಷ್ಠ ಎರಡು ವರ್ಷಗಳ ನಂತರ ಅದನ್ನು ಹೊಸ ಬ್ಯಾಟರಿಯೊಂದಿಗೆ ಬದಲಾಯಿಸುವುದು ಉತ್ತಮ. ಇಲ್ಲದಿದ್ದರೆ ನಿಮ್ಮ ಬ್ಯಾಟರಿ ಬ್ಲಾಸ್ಟ್​ ಆಗುವ ಸಾಧ್ಯತೆಗಳು ಹೆಚ್ಚಿರುತ್ತದೆ.

ಬ್ಯಾಟರಿ 20 ಶೇಕಡಾಕ್ಕಿಂತ ಕಡಿಮೆಯಾದಾಗ ಚಾರ್ಜ್ ಮಾಡುವ ಅಭ್ಯಾಸ ಅನೇಕರಿಗೆ ಇರುತ್ತದೆ. 70 ಪರ್ಸೆಂಟ್ ಕಡಿತದ ನಂತರ ಅಂದರೆ ನಿಮ್ಮ ಮೊಬೈಲ್​ 30 ಶೇಕಡಾಗೆ ತಲುಪಿದಾಗ ಚಾರ್ಜ್ ಮಾಡುವ ಅಭ್ಯಾಸವನ್ನು ಮಾಡಿಕೊಳ್ಳಿ. ಪದೇ ಪದೇ ಚಾರ್ಜ್ ಮಾಡುವುದರಿಂದ ಬ್ಯಾಟರಿ ಬೇಗ ಹಾಳಾಗುತ್ತದೆ. ನಿಮ್ಮ ಫೋನ್ ಎಂದಾದರೂ ಕೆಳಗೆ ಬಿದ್ದರೆ, ಬ್ಯಾಟರಿ ಹಾನಿಯಾಗಿದೆಯೇ ಎಂದು ಚೆಕ್​ ಮಾಡಿಕೊಳ್ಳಬೇಕು.

ಬ್ಯಾಟರಿ ಹಾಳಾಗುವುದರಿಂದ ಮೊಬೈಲ್ ಬ್ಲಾಸ್ಟ್​ ಆಗಬಹುದು. ಹೊಸ ಫೋನ್ ಖರೀದಿಸುವಾಗ ಬ್ಯಾಟರಿ ಕಾರ್ಯವೈಖರಿಯನ್ನು ಮೊದಲು ಚೆಕ್ ಮಾಡಿ. ಒಂದು  ವೇಳೆ ಬ್ಯಾಟರಿಯಲ್ಲಿ ಏನಾದರು ಬದಲಾವಣೆ ಕಂಡರೆ ಆಗಲೇ ಬದಲಾವಣೆ ಮಾಡಿ. ಇನ್ನು ರಾತ್ರಿಯಿಡೀ ಸ್ಮಾರ್ಟ್​​ಫೋನ್​ ಅನ್ನು ಚಾರ್ಜ್​ನಲ್ಲಿಡುವ ಅಭ್ಯಾಸ ನಿಮ್ಮಲಿದ್ದರೆ ಅದನ್ನು ಇಂದೇ ನಿಲ್ಲಿಸಿ.

ಇನ್ನು ಈಗ ಫಾಸ್ಟ್ ಚಾರ್ಜರ್ ಗಳು ಸಹ ಬರುತ್ತಿದ್ದು, ಈ ಮೂಲಕ ಫೋನ್ ಅನ್ನು ಫುಲ್ ಚಾರ್ಜ್ ಮಾಡಲು ಎರಡು ಗಂಟೆ ಕೂಡ ಬೇಕಾಗುವುದಿಲ್ಲ. ಇದರಿಂದ ನಿಮ್ಮ ಬ್ಯಾಟರಿ ಹಾಳಾಗಲು ಕಾರಣವಾಗಬಹುದು. ಇನ್ನು ಮಲಗುವ ವೇಳೆ ನಿಮ್ಮ ಬಳಿ ಸ್ಮಾರ್ಟ್​​ಫೋನ್​ ಅನ್ನು ಇಡಬೇಡಿ. ಹಾಸಿಗೆಯಿಂದ ದೂರವಿಟ್ಟು ಮಲಗಿ.

ಫೋನ್ ಚಾರ್ಜ್ ಮಾಡುತ್ತಾ ಗೇಮ್ಸ್ ಆಡುವುದು ಮತ್ತು ವಿಡಿಯೋ ನೋಡುವ ಅಭ್ಯಾಸವನ್ನು ಮಾಡಲೇ ಬಾರದು. ಇದರಿಂದ ಕೆಲವೊಮ್ಮೆ ಬ್ಲಾಸ್ಟ್​ ಆಗುವ ಸಂದರ್ಭಗಳು ಹೆಚ್ಚಿರುತ್ತದೆ. ಹಾಗೆಯೇ ಮೊಬೈಲ್​ ಅನ್ನು ಚಾರ್ಜ್ ಮಾಡಬೇಕಾದರೆ ಕಂಪೆನಿಯ ಚಾರ್ಜ್​ಗಳನ್ನೇ ಬಳಕೆ ಮಾಡಿ. ರೀಟೇಲ್​ ಶಾಪ್​​ಗಳಲ್ಲಿ ಖರೀದಿಸಿದ ಚಾರ್ಜರ್​ನಲ್ಲಿ ಚಾರ್ಜ್ ಮಾಡಬೇಡಿ.