Amazon Great Republic Day Sale: ಸ್ಯಾಮ್​ಸಂಗ್​ನ ಈ ಸ್ಮಾರ್ಟ್​​ಫೋನ್​ ಮೇಲೆ ಅಮೆಜಾನ್​ನಲ್ಲಿ ಭರ್ಜರಿ ಡಿಸ್ಕೌಂಟ್​!

ಇತ್ತೀಚೆಗೆ ಇ-ಕಾಮರ್ಸ್ ದೈತ್ಯ ಅಮೆಜಾನ್‌ ಆಫರ್‌ಗಳಿಂದ ಧೂಳೆಬ್ಬಿಸುತ್ತಿದೆ. ನಾಳೆಯಿಂದ ಅಂದರೆ ಜನವರಿ 15 ರಿಂದ 20ರವರೆಗೆ ಗ್ರೇಟ್ ರಿಪಬ್ಲಿಕ್ ಡೇಸ್ ಸೇಲ್ ಘೋಷಿಸಿರುವ ಅಮೆಜಾನ್, ಇಂದಿನಿಂದ ತನ್ನ ಪ್ರೈಮ್ ಸದಸ್ಯರಿಗಾಗಿ ಸೇಲ್ ಆರಂಭಿಸಿದೆ. ಇದೀಗ ಹಲವು ಸಮಯಗಳ ನಂತರ ಅಮೆಜಾನ್ ಈ ಸೇಲ್ ಅನ್ನು ಪ್ರಾರಂಬಿಸಿದ್ದರಿಂದ ಈಗಲೇ ಪ್ರೊಡಕ್ಟ್​ಗಳನ್ನು ಖರೀದಿ ಮಾಡಲು ಆರಂಭಿಸಿದ್ದಾರೆ.

ಈ ಸೇಲ್‌ನಲ್ಲಿ ಅಮೆಜಾನ್ ಎಲೆಕ್ಟ್ರಾನಿಕ್ ವಸ್ತುಗಳ ಮೇಲೆ ಶೇಕಡಾ 80-90 ರಷ್ಟು ರಿಯಾಯಿತಿಯನ್ನು ಘೋಷಿಸಿದೆ. ವಿಶೇಷವಾಗಿ ಇಲ್ಲಿ ಸ್ಮಾರ್ಟ್ ಫೋನ್ ಗಳಲ್ಲಿ ಸೂಪರ್ ಆಫರ್ ಗಳು ಲಭ್ಯವಿವೆ. ನೀವು ಅತ್ಯುತ್ತಮ 5G ಫೋನ್ ಖರೀದಿಸಲು ಯೋಜಿಸುತ್ತಿದ್ದರೆ. ನಿಮಗೆ ಇದೊಂದು ಸೂಪರ್ ಚಾನ್ಸ್ ಆಗಲಿದೆ.

ವಿಶೇಷವಾಗಿ ಅಮೆಜಾನ್​ ಇದೀಗ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​20 ಎಫ್​ಇ 5ಜಿ (Samsung Galaxy S20 FE 5G) ಫೋನ್‌ನ ಮೇಲೆ ಬಿಗ್​ ಆಫರ್​ ಅನ್ನು ಘೋಷಿಸಿದೆ. ಈ ಫೋನ್‌ನ ಮೂಲ ಬೆಲೆ ರೂ.74,999 ಆಗಿದೆ. ಆದರೆ ಈಗ ಈ ಸ್ಮಾರ್ಟ್​ಫೋನ್​ ಅನ್ನು ಶೇಕಡಾ 60% ರಷ್ಟು ರಿಯಾಯಿತಿ ದರದಲ್ಲಿ ಖರೀದಿಸಬಹುದಾಗಿದೆ.

ಅಂದರೆ ಕೇವಲ ರೂ.29,990ಕ್ಕೆ ಈ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​20 ಎಫ್​ಇ 5ಜಿ ಸ್ಮಾರ್ಟ್​ಫೋನ್ ಅನ್ನು ಹೊಂದಬಹುದು. ಹಾಗಿದ್ರೆ ಈ ಸ್ಮಾರ್ಟ್​ಫೋನ್​ನ ಮೇಲೆ ರೂ.45,009 ರಿಯಾಯಿತಿಯನ್ನು ಘೋಷಿಸಿದ್ದಾರೆ. ಈ ಫೋನ್ ಅನ್ನು ಯಾವುದೇ ಬ್ಯಾಂಕ್ ಅಥವಾ ಇತರ ಕೊಡುಗೆಗಳಿಲ್ಲದೆ ಮತ್ತು ಯಾವುದೇ ವಿನಿಮಯವಿಲ್ಲದೆ ನೇರವಾಗಿ ರೂ.29,990 ಪಾವತಿಸಿ ಖರೀದಿಸಬಹುದು..

ನೀವು ಸ್ಟೇಟ್ ಬ್ಯಾಂಕ್ ಆಫ್​ ಇಂಡಿಯಾ (SBI) ಬ್ಯಾಂಕ್​ ಕಾರ್ಡ್‌ನೊಂದಿಗೆ ಖರೀದಿಸಿದರೆ, ನೀವು ಈ ಫೋನ್ ಅನ್ನು ಮತ್ತಷ್ಟು ರಿಯಾಯಿತಿಯಲ್ಲಿ ಖರೀದಿಸಬಹುದು.. ಅಂದರೆ ಈ ಸ್ಮಾರ್ಟ್​ಫೋನ್​ ಮೇಲೆ 1,250 ರೂಪಾಯಿಯಷ್ಟು ರಿಯಾಯಿತಿಯನ್ನು ಪಡೆಯಬಹುದಾಗಿದೆ.

ನಾವು ಈ ಸ್ಯಾಮ್​ಸಂಗ್​ ಸ್ಮಾರ್ಟ್​​ಫೋನ್‌ನ ಫೀಚರ್ಸ್​ಗಳ ಬಗ್ಗೆ ಹೇಳುವುದಾದರೆ, ಇದು 8ಜಿಬಿ ರ್‍ಯಾಮ್ ಮತ್ತು 128 ಜಿಬಿ ಸ್ಟೋರೇಜ್​ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಇನ್ನು ಈ ಸ್ಟೋರೇಜ್​ ಸಾಮರ್ಥ್ಯವನ್ನು 1ಟಿಬಿ ವರೆಗೆ ವಿಸ್ತರಿಸುವ ಅವಕಾಶವಿದೆ. ಈ ಸ್ಮಾರ್ಟ್​​ಫೋನ್​ ಆಂಡ್ರಾಯ್ಡ್ 11.0 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತದೆ. ಜೊತೆಗೆ ಈ ಫೋನ್ 4500 mAh ನ ದೊಡ್ಡ ಬ್ಯಾಟರಿಯನ್ನು ಹೊಂದಿದೆ.

ಇನ್ನು ಈ ಸ್ಮಾರ್ಟ್​​ಫೋನ್​ 6ಜಿಬಿ ರ್‍ಯಾಮ್, ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 865 ಚಿಪ್​ಸೆಟ್​​ನಿಂದ ರನ್​ ಆಗುತ್ತದೆ. ಈ ಸ್ಮಾರ್ಟ್​​ಫೋನ್​ ಟ್ರಿಪಲ್​ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. 

ಈ ಸ್ಮಾರ್ಟ್​ಫೋನ್​ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದರಲ್ಲಿ  12 ಮೆಗಾಪಿಕ್ಸೆಲ್ ಪ್ರಾಥಮಿಕ ಶೂಟರ್, 12 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆ್ಯಂಗಲ್ ಲೆನ್ಸ್ ಮತ್ತು 8-ಮೆಗಾಪಿಕ್ಸೆಲ್ ಟೆಲಿಫೋಟೋ ಲೆನ್ಸ್ ಅನ್ನು ಹೊಂದಿದೆ.