ಡಿಲೀಟ್ ಮಾಡಲಾದ ವಾಟ್ಸ್​ಆ್ಯಪ್​​​ ಮೆಸೇಜ್ ನೋಡುವುದು ಹೇಗೆ? ಇಲ್ಲಿದೆ ಸಿಂಪಲ್ ಟ್ರಿಕ್

ಅತ್ಯಂತ ಜನಪ್ರಿಯ ಅಪ್ಲಿಕೇಶನ್ ವಾಟ್ಸ್​ಆ್ಯಪ್​ ಕಾಲಕ್ಕೆ ತಕ್ಕಂತೆ ತನ್ನ ಫೀಚರ್​ಗಳನ್ನು ಅಪ್​ಡೇಟ್ ಮಾಡುತ್ತಿರುತ್ತದೆ. ಹೀಗೆ ವರ್ಷಗಳ ಹಿಂದೆ ವಾಟ್ಸ್​ಆ್ಯಪ್ ಕಳಿಸಿದ ಮೆಸೇಜ್ ಅಳಿಸಿ ಹಾಕುವ ಆಯ್ಕೆ ನೀಡಿತ್ತು.

ಒಂದು ಬಾರಿ ನೀವು ಕಳುಹಿಸಿದ ಮೆಸೇಜ್ ಆತ ಓದುವ ಮೊದಲೇ ನೀವು ಅಳಿಸಿ ಹಾಕುವ ಈ ಆಯ್ಕೆಯು ಭಾರೀ ಜನಪ್ರಿಯವಾಯಿತು. ಆದರೆ ಇದೇ ವೇಳೆ ಮೆಸೇಜ್ ರಿಸೀವ್ ಮಾಡಿದವರಲ್ಲೂ ಏನು ಕಳುಹಿಸಿರಬಹುದು ಎಂಬ ಕುತೂಹಲ ಇದ್ದೇ ಇರುತ್ತೆ.

ಹೀಗೆ ದಿಢೀರನೆ ಡಿಲೀಟ್ ಮಾಡಲಾದ ವಾಟ್ಸ್​ಆ್ಯಪ್​ ಮೆಸೇಜ್​ಗಳನ್ನು ಓದಲು ಒಂದು ಟ್ರಿಕ್ ಇದೆ. ಆ ಮೂಲಕ ನೀವು ಯಾವುದೇ ಅಳಿಸಿ ಹಾಕಿದ ಮೆಸೇಜ್​ಗಳನ್ನು ಮತ್ತೆ ಪಡೆಯಬಹುದು.

ವಾಟ್ಸ್​ಆ್ಯಪ್​ನಲ್ಲಿ ಡಿಲೀಟ್ ಮಾಡಿದ ಮೆಸೇಜ್​ ಅನ್ನು ಓದುವುದು ಹೇಗೆ?

ಇದಕ್ಕಾಗಿ ನೀವು ಮೊದಲು ಗೂಗಲ್ ಪ್ಲೇ ಸ್ಟೋರ್‌ಗೆ ಹೋಗಿ WhatsRemoved+ ಆ್ಯಪ್ ಡೌನ್‌ಲೋಡ್ ಮಾಡಿ.

ಅಪ್ಲಿಕೇಶನ್ ಇನ್​ಸ್ಟಾಲ್ ಮಾಡಿದ ಬಳಿಕ ನೀವು ಯಾವ ಆ್ಯಪ್​ನ್ನು ಪ್ರವೇಶಿಸಲು ಬಯಸುತ್ತೀರಿ ಎಂಬುದನ್ನು ಈ ಅಪ್ಲಿಕೇಶನ್ ಕೇಳುತ್ತದೆ.

ಇಲ್ಲಿ ತೋರಿಸಿರುವ ಪಟ್ಟಿಯಿಂದ ವಾಟ್ಸ್​ಆ್ಯಪ್​ ಆಯ್ಕೆಮಾಡಿ. ನಂತರ ಅದನ್ನು ಟ್ಯಾಪ್ ಮಾಡಿ. ಈಗ ಅದು ವಾಟ್ಸ್​ಆ್ಯಪ್​ನಲ್ಲಿರುವ ಎಲ್ಲಾ ಅಧಿಸೂಚನೆಗಳನ್ನು ಪ್ರವೇಶಿಸುತ್ತದೆ.

ಇಲ್ಲಿ ನೀವು ವಾಟ್ಸ್​ಆ್ಯಪ್​ನಲ್ಲಿ ಅಳಿಸಿದ ಮೆಸೇಜ್​ಗಳನ್ನು ಓದಬಹುದು. ಆದರೆ ಈ ಆಯ್ಕೆಯಲ್ಲಿ ಕೆಲವೊಂದು ಬಾರಿ ಚಿತ್ರಗಳನ್ನು ಪಡೆಯಲಾಗುವುದಿಲ್ಲ.

ಅಂದಹಾಗೆ WhatsRemoved ಥರ್ಡ್ ಪಾರ್ಟಿ ಆ್ಯಪ್ ಆಗಿದ್ದು, ನಿಮ್ಮ ಡಾಟಾ ಬಗ್ಗೆ ಎಚ್ಚರವಿರಲಿ.