Gmail Full ಆಗಿದ್ಯಾ? ಹಾಗಾದ್ರೆ ಒಂದೇ ಬಾರಿ ಅಷ್ಟೂ ಮೇಲ್​ ಡಿಲೀಟ್​ ಮಾಡಲು ಹೀಗೆ ಮಾಡಿ

Gmail ಫುಲ್​ ಆಗೋದು ಈಗಂತೂ ಪ್ರತಿಯೊಬ್ಬರಿಗೂ ಇರುವ ಸಮಸ್ಯೆ. Gmail ತುಂಬಿದಾಗ ಒಂದೊಂದಾಗಿ ಅದನ್ನು ಡಿಲೀಟ್ ಮಾಡುತ್ತಾ ಹೋಗುವುದು ತಲೆ ನೋವಿನ ಕೆಲಸ. ಅನಗತ್ಯ ಮೇಲ್‌ಗಳು ಮತ್ತು ಫೈಲ್‌ಗಳನ್ನು ಅಳಿಸಲು ಕಿರಿ ಆಗೋದು ಸಹಜ

ಆದರೆ ಈ ಎಲ್ಲಾ ಸಮಸ್ಯೆಗೆ ಇಲ್ಲಿದೆ ನೋಡಿ ಪರಿಹಾರ. Google ಪ್ರತಿ ಬಳಕೆದಾರರಿಗೆ 15GB ವರೆಗೆ ಸಂಗ್ರಹಣೆಗೆ ಅವಕಾಶವಿರುತ್ತದೆ. ಅಂದರೆ ನೀವು Google ಖಾತೆಯನ್ನು ರಚಿಸಿದರೆ 15GB ಸ್ಟೋರೇಜ್​ ಪಡೆಯುತ್ತೀರಿ.

Gmail, Google Photos, Google Drive ನಂತಹ Google ಸೇವೆಗಳು ಒಟ್ಟಾಗಿ 15GB ಮಾತ್ರ ಬಳಸಬಹುದು. ಈ ಜಾಗದ ಸಂಗ್ರಹಣೆಯು ತುಂಬಿದ್ದರೆ ಸ್ಪೆಸ್​ ಕ್ಲಿಯರ್​ ಮಾಡಲು ನೀವು ಅನಗತ್ಯ ಫೈಲ್‌ಗಳನ್ನು ಅಳಿಸಬಹುದು. Gmail ನಲ್ಲಿ ಬರುವ ಪ್ರಚಾರದ ಮೇಲ್‌ಗಳು ಮತ್ತು ಸ್ಪ್ಯಾಮ್ ಮೇಲ್‌ಗಳಿಂದಾಗಿ ನೀವು ಮುಕ್ತರಾಗಲು ಇಲ್ಲಿದೆ ಸಲಹೆ.

 ಡೆಸ್ಕ್‌ಟಾಪ್‌ನಲ್ಲಿ ಜಿಮೇಲ್ ತೆರೆಯುವುದು ಮತ್ತು ಅನಗತ್ಯ ಫೈಲ್‌ಗಳನ್ನು ಅಳಿಸುವುದು ಸುಲಭ. ಆದರೆ ಸ್ಮಾರ್ಟ್‌ಫೋನ್‌ನಲ್ಲಿ ಪ್ರತಿ ಮೇಲ್ ಅನ್ನು ಆಯ್ಕೆ ಮಾಡಿ ಅಳಿಸಬೇಕಾಗಿತ್ತು. ಆದರೆ ಈಗ ನೀವು ಸ್ಮಾರ್ಟ್‌ಫೋನ್‌ನಲ್ಲಿಯೂ ಮೇಲ್‌ಗಳನ್ನು ದೊಡ್ಡ ಪ್ರಮಾಣದಲ್ಲಿ ಅಳಿಸಬಹುದು.

ನಿಮ್ಮ ಸ್ಮಾರ್ಟ್‌ಫೋನ್ ಅಥವಾ ಡೆಸ್ಕ್‌ಟಾಪ್‌ನಲ್ಲಿ ಬ್ರೌಸರ್‌ನಲ್ಲಿ Gmail ತೆರೆಯಿರಿ. ಇನ್‌ಬಾಕ್ಸ್ ವಿಭಾಗದಲ್ಲಿ ಕೆಳಗಿನ ಬಾಣದ ಗುರುತನ್ನು ಕ್ಲಿಕ್ ಮಾಡಿ. ನೀವು ಎಲ್ಲಾ ಮೇಲ್‌ಗಳನ್ನು ಆಯ್ಕೆ ಮಾಡಲು ಬಯಸಿದರೆ ಎಲ್ಲಾ ಮೇಲೆ ಕ್ಲಿಕ್ ಮಾಡಿ. ಅದರ ನಂತರ ಡಿಲೀಟ್​ ಕ್ಲಿಕ್ ಮಾಡಿ. ಆ ಪುಟದಲ್ಲಿ ಯಾವ ಮೇಲ್​ ಇರುತ್ತದೆಯೋ ಅವೆಲ್ಲಾ ಡಿಲೀಟ್​ ಆಗುತ್ತೆ. 

ನೀವು ಕ್ಯಾಟಗರಿಗೆ ಸಂಬಂಧಿಸಿದ ಮೇಲ್‌ಗಳನ್ನು ಅಳಿಸಲು ಬಯಸಿದರೆ, ಆ ಕ್ಯಾಟಗರಿ ಆಯ್ಕೆಮಾಡಿ. ಪ್ರಾಥಮಿಕ, ಪ್ರಚಾರಗಳು, ಸಾಮಾಜಿಕ, ನವೀಕರಣಗಳಂತಹ ವಿಭಿನ್ನ ಆಯ್ಕೆಗಳಿವೆ. ಯಾವುದು ಬೇಡವೋ ಅದನ್ನು ಮಾತ್ರ ಡಿಲೀಟ್​ ಮಾಡಬಹುದು.

Gmail, Google ಡ್ರೈವ್‌ನಲ್ಲಿ ನೀವು ಎಲ್ಲಾ ಪ್ರಮುಖ ಪೈಲ್​ಗಳನ್ನು ಸಂಗ್ರಹಿಸಿಕೊಂಡಿದ್ದರೆ. ಜಾಗರೂಕರಾಗಿ ಕ್ಯಾಟಗರಿ ಸೆಲೆಕ್ಟ್​ ಮಾಡಿ ಡಿಲೀಟ್​ ಮಾಡಿ. ತಿಂಗಳಿಗೆ ರೂ.130 ಪ್ಲಾನ್ ತೆಗೆದುಕೊಂಡರೆ 100GB ಸ್ಟೋರೇಜ್, ತಿಂಗಳಿಗೆ ರೂ.210 ಪ್ಲಾನ್ ತೆಗೆದುಕೊಂಡರೆ 200GB ಸ್ಟೋರೇಜ್, ರೂ.650 ಪ್ಲಾನ್ ತೆಗೆದುಕೊಂಡರೆ ಪ್ರತಿ ತಿಂಗಳು, ನೀವು 2TB ಸ್ಟೊರೇಜ್​ ಕೂಡಾ ಪಡೆಯಬಹುದು.