Does AC Use More Petrol: ಕಾರಿನಲ್ಲಿ ಎಸಿ ಬಳಸಿದ್ರೆ ನಿಜವಾಗ್ಲೂ ಪೆಟ್ರೋಲ್​ ಖಾಲಿಯಾಗುತ್ತಾ?

ನೀವು ಬೇಸಿಗೆಯಲ್ಲಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರೆ, ನಿಮಗೆ ಅರಿವಿಲ್ಲದೆಯೇ ಎಸಿ ಆನ್ ಮಾಡಬೇಕೆಂದು ಅನಿಸುತ್ತದೆ. ಏಕೆಂದರೆ ಬಿಸಿಲಿನಿಂದ ಬಹಳಷ್ಟು ಸೆಖೆಯಾಗುತ್ತಿರುತ್ತದೆ. ಅದರಲ್ಲೂ ನಮ್ಮ ದೇಶದಲ್ಲಿ ಬಿಸಿಲಿನ ತೀವ್ರತೆ ಹೆಚ್ಚಿರುವುದರಿಂದ, ಕಾರುಗಳಲ್ಲಿ ಎಸಿ ಬಳಕೆ ಹೆಚ್ಚು. ಇನ್ನು ಈ ಟೈಮಲ್ಲಿ ಎಸಿ ಇಲ್ಲದ ಕಾರಿನಲ್ಲಿ ಪ್ರಯಾಣಿಸೋದು ತುಂಬಾ ಕಷ್ಟ.

ಕಾರಿನಲ್ಲಿರುವ ಎಸಿ ಪೆಟ್ರೋಲ್​​ನಿಂದ ಉತ್ಪತ್ತಿಯಾಗುವ ಶಕ್ತಿಯಿಂದ ಮಾತ್ರ ಕೆಲಸ ಮಾಡುತ್ತದೆ. ಹಾಗಿದ್ರೆ ಎಸಿ ಆನ್ ಮಾಡೋದ್ರಿಂದ ಕಾರಿನಲ್ಲಿ ಎಷ್ಟು ಪೆಟ್ರೋಲ್ ಖಾಲಿಯಾಗುತ್ತದೆ. ಹಾಗೆಯೇ 1 ಗಂಟೆ ಆನ್ ಮಾಡಿದ್ರೆ ಪೆಟ್ರೋಲ್ ಎಷ್ಟು ಖಾಲಿಯಾಗುತ್ತದೆ ಎಂಬುದರ ಕಂಪ್ಲೀಟ್ ಮಾಹಿತಿ ಈ ಲೇಖನದಲ್ಲಿದೆ.

ಆದರೆ ಇದು ಎಲ್ಲಾ ಕಾರುಗಳಿಗೆ ಸಮಾನವಾಗಿ ಅನ್ವಯಿಸುವುದಿಲ್ಲ. ಇದು ಅನೇಕ ಫೀಚರ್ಸ್​ಗಳ ಮೇಕೆ ಅವಲಂಬಿತವಾಗಿರುತ್ತದೆ. ಎಸಿ ಎಷ್ಟು ಪೆಟ್ರೋಲ್ ಬಳಸುತ್ತದೆ ಎಂಬುದು ಕಾರಿನ ಇಂಜಿನ್ ಗಾತ್ರ, ಎಸಿ ಹೇಗೆ ಕೆಲಸ ಮಾಡುತ್ತಿದೆ, ಹೊರಗಿನ ತಾಪಮಾನ ಹೇಗಿದೆ, ಕಾರು ಎಷ್ಟು ವೇಗದಲ್ಲಿದೆ ಎಂಬ ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ.

ವರದಿಯೊಂದರ ಪ್ರಕಾರ 1 ಗಂಟೆ ಎಸಿ ಬಳಸಿದರೆ 1.2 ಲೀಟರ್ ಪೆಟ್ರೋಲ್ ಖರ್ಚಾಗುತ್ತದೆ. ಅಲ್ಲದೆ, ಕಾರಿನಲ್ಲಿ ಎಸಿ ಬಳಸುವುದರಿಂದ ಕಾರಿನ ಮೈಲೇಜ್ ಶೇ.5ರಿಂದ 10ರಷ್ಟು ಕಡಿಮೆಯಾಗಲಿದೆ ಎನ್ನುತ್ತಾರೆ ಆಟೋಮೊಬೈಲ್ ಕ್ಷೇತ್ರದ ತಜ್ಞರು.

ಬೇರೆ ರೀತಿಯಲ್ಲಿ ಹೇಳುವುದಾದರೆ, ಕಾರು ಚಾಲನೆ ಮಾಡುವಾಗ ಎಸಿ ಆನ್ ಮಾಡಿದರೆ, ಪೆಟ್ರೋಲ್ ಬಳಕೆ ಸುಮಾರು 20 ಪ್ರತಿಶತದಷ್ಟು ಹೆಚ್ಚಾಗುತ್ತದೆ. ಎಸಿಯಲ್ಲಿ ಕಂಪ್ರೆಸರ್ ಅನ್ನು ಚಲಾಯಿಸಲು ಈ ಪೆಟ್ರೋಲ್ ಅನ್ನು ಬಹಳಷ್ಟು ಸಹಕಾರಿಯಾಗುತ್ತದೆ. ಎಸಿಗೆ ಶಕ್ತಿ ತುಂಬಲು ಇಂಜಿನ್ ಹೆಚ್ಚು ಕೆಲಸ ಮಾಡಬೇಕಾದರೆ ಪೆಟ್ರೋಲ್​ ಬಳಕೆ ಕೂಡ ಹೆಚ್ಚಾಗಿರುತ್ತದೆ.

ಎಸಿ ಆನ್ ಮಾಡಿ.. ಕಾರನ್ನು ಅತಿವೇಗದಲ್ಲಿ ಓಡಿಸುವುದು... ಅಥವಾ ಟ್ರಾಫಿಕ್ ಜಾಮ್ ನಲ್ಲಿ ನಿಲ್ಲಿಸಿ ಚಾಲನೆ ಮಾಡುವುದು... ಎಸಿಗೆ ಪೆಟ್ರೋಲ್ ಬಳಕೆ ಜಾಸ್ತಿ.

ಒಟ್ಟಿನಲ್ಲಿ ಅಗತ್ಯ ಬೇಕೆನಿಸಿದಾಗ ಮಾತ್ರ ಎಸಿ ಬಳಸುವುದು ಉತ್ತಮ. ಕಾರಿನ ಕಿಟಕಿ ಮತ್ತು ಬಾಗಿಲುಗಳನ್ನು ಸಾಧ್ಯವಾದಷ್ಟು ತೆರೆದು ನೈಸರ್ಗಿಕ ಗಾಳಿ ಪಡೆಯಿರಿ. ಅಲ್ಲದೆ, ಕಾರಿನ ಟೈರ್‌ಗಳಲ್ಲಿನ ಒತ್ತಡ ಸರಿಯಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ. ಕಾರಿನಿಂದ ಅನಗತ್ಯ ವಸ್ತುಗಳನ್ನು ತೆಗೆದುಹಾಕಿ. ನಿರಂತರ ವೇಗದಲ್ಲಿ ಕಾರನ್ನು ಓಡಿಸುವುದರಿಂದ ಇಂಧನ ಬಳಕೆ ಕಡಿಮೆಯಾಗುತ್ತದೆ.