Laptop Hack: ನಿಮ್ಮ ಲ್ಯಾಪ್‌ ಟಾಪ್ ಆಗಾಗ ಕೈಕೊಡುತ್ತಾ? ಹಾಗಿದ್ರೆ ಪಕ್ಕಾ ಹ್ಯಾಕ್ ಆಗಿರುತ್ತೆ ಹುಷಾರ್!

ತಂತ್ರಜ್ಞಾನದ ಪ್ರಗತಿಯಿಂದಾಗಿ ನಮ್ಮ ಜೀವನವು ದಿನಕಳೆದಂತೆ ಸುಲಭವಾಗುತ್ತಿದೆ. ಆದರೆ ಇದರಿಂದ ಹ್ಯಾಕ್ ಮಾಡುವವರ ಸಂಖ್ಯೆ ಸಹ ಹೆಚ್ಚಾಗುತ್ತಲೇ ಇದೆ. ಇಂದು ಎಲ್ಲಿ ಹೋದರು ಸ್ಕ್ಯಾಮ್, ಹ್ಯಾಕ್​ ಎಂಬ ಸುದ್ದಿಗಳೇ ಕೇಳಿಬರುತ್ತಿದೆ. ಎಷ್ಟೋ ಬಳಕೆದಾರರಿಗೆ ತನ್ನ ಮೊಬೈಲ್​, ಲ್ಯಾಪ್​ಟಾಪ್​ ಇನ್ನಿತರ ಸಾಧನಗಳು ಹ್ಯಾಕ್​ ಆಗೋದೇ ಗೊತ್ತಾಗಲ್ಲ.

ಹೆಚ್ಚಿನವರಿಗೆ ಲ್ಯಾಪ್​​ಟಾಪ್ ಹ್ಯಾಕ್​ ಆದ್ರೆ ಹೇಗೆ ತಿಳಿಯುವುದು ಅನ್ನೋ ಪ್ರಶ್ನೆ ಇರುತ್ತದೆ. ಆದ್ರೆ ಈ ರೀತಿಯ ನಾಟಿಫಿಕೇಶನ್​ಗಳು ನಿಮ್ಮ ಲ್ಯಾಪ್​ಟಾಪ್​ಗೆ ಬಂದ್ರೆ ಖಂಡಿತ ನಿಮ್ಮ ಲ್ಯಾಪ್​​ಟಾಪ್ ಹ್ಯಾಕ್​ ಆಗಿದೆ ಎಂದರ್ಥ. ಹಾಗಿದ್ರೆ ಅವುಗಳು ಯಾವುದೆಲ್ಲಾ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಸ್ಲೋ ಆಗುವುದು: ಒಂದು ವೇಳೆ ನಿಮ್ಮ ಲ್ಯಾಪ್​ಟಾಪ್​ ಸ್ಲೋ ಆಗಿ ವರ್ಕ್​​ ಆಗ್ತಾ ಇದ್ರೆ ಅದಕ್ಕೆ ಹಲವು ಕಾರಣವಿರಬಹುದು. ಆಪರೇಟಿಂಗ್ ಸಿಸ್ಟಂನ ಇತ್ತೀಚಿನ ಅಪ್‌ಡೇಟ್‌ನಲ್ಲಿನ ದೋಷ ಅಥವಾ ಕೆಲವು ಹಾರ್ಡ್‌ವೇರ್ ಸಮಸ್ಯೆಗಳಿಂದ ಲ್ಯಾಪ್​ಟಾಪ್​ ಸ್ಲೋ ಆಗುತ್ತದೆ. ಅದೇ ರೀತಿ ವೈರಸ್​, ಮಾಲ್​​ವೇರ್​​ಗಳು ಸಿಸ್ಟಂಗೆ ಪ್ರವೇಶಿಸಿದಾಗ ಲ್ಯಾಪ್​​ಟಾಪ್​ ಸ್ಲೋ ಆಗುತ್ತವೆ.

ಸರಿಯಾಗಿ ಕಾರ್ಯನಿರ್ವಹಿಸದೇ ಇರುವುದು: ವೈರಸ್ ಅಥವಾ ಮಾಲ್‌ವೇರ್‌ನಿಂದ ಪ್ರಭಾವಿತವಾಗಿರುವ ಕಂಪ್ಯೂಟರ್‌ನ ಮತ್ತೊಂದು ಸಾಮಾನ್ಯ ಲಕ್ಷಣವೆಂದರೆ ವಿಚಿತ್ರ ನಡವಳಿಕೆ. ನೀವು ಏನನ್ನೂ ಮಾಡದೆಯೇ ಸ್ವಯಂಚಾಲಿತವಾಗಿ ಶಟ್​ಡೌನ್​, ರೀಸ್ಟಾರ್ಟ್​​ ಅಥವಾ ಸ್ವಯಂಚಾಲಿತವಾಗಿ ಅಪ್ಲಿಕೇಶನ್‌ಗಳು ಓಪನ್ ಆಗುತ್ತಿದ್ರೆ ನಿಮ್ಮ ಲ್ಯಾಪ್​ಟಾಪ್​ ಹ್ಯಾಕ್​ ಆಗಿದೆ ಎಂದರ್ಥ.

ಫೈಲ್ ಡಿಲೀಟ್​ ಆಗುತ್ತದೆ: ಅನೇಕ ಬಾರಿ ನಾವು ಕೆಲವು ಫೈಲ್ ಅಥವಾ ಡಾಕ್ಯುಮೆಂಟ್ ಅನ್ನು ಸಿಸ್ಟಮ್‌ನಲ್ಲಿ ಎಲ್ಲೋ ಸೇವ್​ ಮಾಡಿ ಇಟ್ಟಿರುತ್ತೇವೆ. ಆದರೆ ಕೆಲವೊಮ್ಮೆ ನಾವು ಅದನ್ನು ಎಲ್ಲಿ ಸೇವ್​ ಮಾಡಿದ್ದೇವೆ ಎಂಬುದನ್ನು ಮರೆತುಬಿಡುತ್ತೇವೆ. ಆದರೆ, ಅವುಗಳನ್ನು ಹುಡುಕಲು ಹಲವು ಮಾರ್ಗಗಳಿವೆ. ಆದರೆ ಕೆಲವೊಮ್ಮೆ ನಾವು ಸೇವ್​ ಮಾಡಿದ ಫೈಲ್​ಗಳು ತನ್ನಷ್ಟಕ್ಕೆ ಡಿಲೀಟ್ ಆಗಿರುತ್ತವೆ. ಇದಕ್ಕೂ ವೈರಸ್​ಗಳು ಅಥವಾ ಮಾಲ್​ವೇರ್​​ಗಳೇ ಕಾರಣ.

ಫೇಕ್​ ಫೋಲ್ಡರ್‌ಗಳು: ಕಂಪ್ಯೂಟರ್ ಅಥವಾ ಲ್ಯಾಪ್​​ಟಾಪ್​ಗಳಲ್ಲಿಕೆಲವೊಂದು ವೈರಸ್​​ಗಳು ಇದ್ದಾಗ ಆಟೋಮ್ಯಾಟಿಕ್ ಆಗಿ ಫೇಕ್​ ಫೋಲ್ಡರ್​ಗಳು ಕ್ರಿಯೇಟ್​ ಆಗುತ್ತವೆ. ಆದ್ದರಿಂದ ಯಾರೇ ಆಗಲಿ ನಿಮ್ಮ ಲ್ಯಾಪ್​ಟಾಪ್​ನಲ್ಲಿ ಫೇಕ್​ ಫೋಲ್ಡರ್​ಗಳು ಕಂಡುಬಂದ್ರೆ ತಕ್ಷಣ ಚೆಕ್ ಮಾಡಿಕೊಳ್ಳೋದು ಬೆಸ್ಟ್​.

ಸುರಕ್ಷಿತವಾಗಿರುವುದು ಹೇಗೆ?: ಒಮ್ಮೆ ವೈರಸ್ ನಿಮ್ಮ ಕಂಪ್ಯೂಟರ್‌ ಅನ್ನು ಪ್ರವೇಶಿಸಿದ್ರೆ ಹೇಗೆ ರಕ್ಷಿಸಿಕೊಳ್ಳೋದು ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕು. ಮೊದಲಿಗೆ ನೀವು ಅಪ್-ಟು-ಡೇಟ್ ಆಂಟಿವೈರಸ್ ಸಾಫ್ಟ್‌ವೇರ್ ಅನ್ನು ಡೌನ್​ಲೋಡ್ ಮಾಡಿಕೊಳ್ಳಬೇಕು. ಹಾಗೆಯೇ ಯಾವುದೇ ಫೈಲ್‌ಗಳನ್ನು ಡೌನ್‌ಲೋಡ್ ಮಾಡುವಾಗ ಅಥವಾ ಅಪರಿಚಿತ ಲಿಂಕ್‌ಗಳನ್ನು ಕ್ಲಿಕ್ ಮಾಡುವಾಗ ಎಚ್ಚರದಿಂದಿರಬೇಕು.