Smartphones: 5 ಸಾವಿರಕ್ಕಿಂತಲೂ ಕಡಿಮೆ ಬೆಲೆ ಹೊಂದಿರುವ ಟಾಪ್​ 5 ಸ್ಮಾರ್ಟ್​ಫೋನ್ಸ್​ ಪಟ್ಟಿ ಇಲ್ಲಿದೆ

Budget Smartphones | ಇತ್ತೀಚೆಗೆ ಹಲವಾರು ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗುತ್ತಿದೆ. ಇದರಿಂದ ಗ್ರಾಹಕರೂ ಕೂಡ ಕನ್​ಫ್ಯೂಸ್​ನಲ್ಲಿದ್ದಾರೆ. ಆದರೆ ಕಡಿಮೆ ಬೆಲೆಗೆ ಮಾರುಕಬಟ್ಟೆಯಲ್ಲಿ ಉತ್ತಮ ಫೀಚರ್ಸ್ ಹೊಂದಿದ ಸ್ಮಾರ್ಟ್​ಫೋನ್​ಗಳು ಹಲವಾರು ಇದೆ. ಇದೀಗ 5 ಸಾವಿರಕ್ಕಿಂತ ಕಡಿಮೆಬೆಲೆ ಹೊಂದಿರುವ ಸ್ಮಾರ್ಟ್​​ಫೋನ್​ ಯಾವುದೆಂಬುದನ್ನು ಈ ಕೆಳಗೆ ನೋಡಿ.

ಇದುವರೆಗೆ ಹೆಚ್ಚಿನ ಗ್ರಾಹಕರಿಗೆ ಜಿಯೋ ಸ್ಮಾರ್ಟ್​​ಫೋನ್ ಮಾತ್ರ ಕಡಿಮೆ ಬೆಲೆ ಹೊಂದಿರುವ ಮೊಬೈಲ್ ಎಂದು ಜನರು ತಿಳಿದಿದ್ದರು ಆದರೆ 5 ಸಾವಿರಕ್ಕಿಂತ ಕಡಿಮೆ ಬೆಲೆಯ ಹಲವಾರು ಸ್ಮಾರ್ಟ್​​ಫೋನ್​ಗಳಿವೆ. ಇದು ಪ್ರೀಮಿಯಂ ಫೋನ್​ಗಳಂತೆಯೇ ಫೀಚರ್ಸ್​​ಗಳನ್ನು ಹೊಂದಿವೆ.

5 ಸಾವಿರ ರೂಪಾಯಿಗಿಂತ ಕಡಿಮೆ ಬೆಲೆ ಹೊಂದಿರುವ ಟಾಪ್​ 5 ಮೊಬೈಲ್​ಗಳ ಪಟ್ಟಿಯನ್ನು ನೀಡಲಾಗಿದೆ. ಇದು ಉತ್ತಮ ಫೀಚರ್ಸ್​ ಜೊತೆಗೆ ಗ್ರಾಹಕರನ್ನು ಬೇಗನೆ ಗಮನ ಸೆಳೆಯುತ್ತದೆ.

ರಿಲಯನ್ಸ್​ ಜಿಯೋ ಬಿಡುಗಡೆ ಮಾಡಿರುವಂತಹ ಜಿಯೋ ಫೋನ್​ ನೆಕ್ಸ್ಟ್​ ಮೊದಲ ಆಯ್ಕೆ ಎಂದು ಹೇಳಬಹುದು. ಈ ಫೋನಿನ ಆರಂಭಿಕ ಬೆಲೆ ರೂ. 5,999 ಆಗಿದೆ. ಆದರೆ ಈ ಫೋನ್ ಅನ್ನು ಅಮೆಜಾನ್ ನಲ್ಲಿ ರೂ. 4499 ಖರೀದಿಸಬಹುದು. ಈ ಫೋನ್ 5.45 ಇಂಚಿನ ಸ್ಕ್ರೀನ್, 8 MP ಸೆಲ್ಫಿ ಕ್ಯಾಮೆರಾ, 13 MP ಹಿಂಬಾದ ಕ್ಯಾಮೆರಾ, 2 GB RAM ಮುಂತಾದ ಫೀಚರ್ಸ್​ಗಳನ್ನು ಒಳಗೊಂಡಿದೆ.

ಐಟೆಲ್​ (Itel) ನ ಇನ್ನೊಂದು ಫೋನ್ ಕೂಡ ಅತ್ಯಂತ ಕಡಿಮೆ ಬೆಲೆಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದರ ಹೆಸರು ಐಟೆಲ್​ ಎ23 ಪ್ರೋ. ಈ ಸ್ಮಾರ್ಟ್‌ಫೋನ್‌ನ ಬೆಲೆ ರೂ. 4,999. ಆದರೆ ಇದು ಅಮೆಜಾನ್ ನಲ್ಲಿ 3899 ರೂಪಾಯಿಯ ಆಫರ್ಸ್​ನಲ್ಲಿ ಖರೀದಿಸಬಹುದು. ಈ ಫೋನ್ 5 ಇಂಚಿನ ಸ್ಕ್ರೀನ್, 1 GB RAM, 2400 mAh ಬ್ಯಾಟರಿ ಬ್ಯಾಕಪ್​ನಂತಹ ಫೀಚರ್ಸ್​ಗಳನ್ನು ಹೊಂದಿದೆ.

ಇದಲ್ಲದೆ ಐಟೆಲ್​​ ಕಂಪನಿ ಮತ್ತೊಂದು ಫೋನ್ ಅನ್ನು ಕಡಿಮೆ ಬೆಲೆಗೆ ಬಿಡುಗಡೆ ಮಾಡಲಿದೆ. ಅದರ ಹೆಸರು ಐಟೆಲ್ ಎ25 ಎಂದಾಗಿದೆ. ಫ್ಲಿಪ್‌ಕಾರ್ಟ್‌ನಲ್ಲಿ ಈ ಫೋನ್‌ನ ಬೆಲೆ ರೂ. 5078 ಆಗಿದೆ. ಇದು 1 GB RAM, 16 GB ಮೆಮೊರಿ, 5 ಇಂಚಿನ ಪರದೆ, 3020 mAh ಬ್ಯಾಟರಿಯಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ.

ನೀವು ಐಕಾಲ್​​ ಝಡ್​2 ಫೋನ್ ಅನ್ನು ಸಹ ಕಡಿಮೆ ಬೆಲೆಗೆ ಖರೀದಿಸಬಹುದು. ಈ ಫೋನಿನ ಮೂಲ ಬೆಲ 6499 ರೂಪಾಯಿ ಆಗಿದೆ. ಆದರೆ ಈಗ ಈ ಸ್ಮಾರ್ಟ್ ಫೋನ್ ಕೇವಲ ರೂ. 4749 ಗೆ ಲಭ್ಯವಿದೆ. ಇದು 8 MP ಹಿಂಬದಿಯ ಕ್ಯಾಮೆರಾ, 5 MP ಮುಂಭಾಗದ ಕ್ಯಾಮೆರಾ, 6 ಇಂಚಿನ ಸ್ಕ್ರೀನ್ ಮತ್ತು 16 GB ಮೆಮೊರಿಯಂತಹ ಫೀಚರ್ಸ್​ಗಳನ್ನು ಹೊಂದಿದೆ.

ಮಾರ್ಕ್ಯೂ ಸ್ಮಾರ್ಟ್‌ಫೋನ್ ಕೂಡ ಕಡಿಮೆ ಬೆಲೆಯಲ್ಲಿ ಲಭ್ಯ ಇದೆ. ಇದು ಫ್ಲಿಪ್‌ಕಾರ್ಟ್‌ನ ಸ್ವಂತ ಬ್ರಾಂಡ್ ಆಗಿದೆ. ಈ ಸ್ಮಾರ್ಟ್​​ಫೋನ್ ಅನ್ನು ಮಾರ್ಕ್ಯೂ ಎಮ್​3 ಸ್ಮಾರ್ಟ್ ಫೇರ್‌ನೊಂದಿಗೆ ನೀಡಲಾಗುತ್ತದೆ. ಇದು 4G ಫೋನ್ ಆಗಿದೆ. ಈ ಸ್ಮಾರ್ಟ್​​ಫೋನ್​ ಫ್ಲಿಪ್​ಕಾರ್ಟ್​​ನಲ್ಲಿ 5999 ರೂಪಾಯಿಗೆ ಖರೀದಿಸಬಹುದು.ಆದರೆ ಬ್ಯಾಂಕ್ ಆಫರ್ ಗಳನ್ನು ಸೇರಿಸಿದರೆ ರೂ. 5 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ಖರೀದಿಸಬಹುದು. ಇದು 2 GB RAM, 5000 mAh ಬ್ಯಾಟರಿ, 13 MP ಕ್ಯಾಮೆರಾ, 32 GB ಮೆಮೊರಿ, 6.08 ಇಂಚಿನ ಡಿಸ್​ಪ್ಲೇಯನ್ನು ಹೊಂದಿದೆ.