Best Smartphones: ಡಿಸೆಂಬರ್​​ನಲ್ಲಿ ಬಿಡುಗಡೆಯಾಗಲಿರುವ ಟಾಪ್ 5 ಸ್ಮಾರ್ಟ್​ಫೋನ್ಸ್​​ ಪಟ್ಟಿ ಇಲ್ಲಿದೆ.

ಸ್ಮಾರ್ಟ್​ಫೋನ್​ ಪ್ರಿಯರಿಗೆ ಮೊಬೈಲ್ ಕಂಪನಿಗಳು ಶುಭಸುದ್ದಿಯನ್ನು ನೀಡುತ್ತಿದೆ. ಹೊಸ ಸ್ಮಾರ್ಟ್​​ಫೊನ್​ ಕಂಪನಿಗಳು ಈ ಡಿಸೆಂಬರ್​​ನಲ್ಲಿ ಉತ್ತಮ ಫೀಚರ್ಸ್​ ಹೊಂದಿದೆ. ಗ್ರಾಹಕರಿಗೆ ಕೈಗೆಟಕುವ ದರದಲ್ಲಿ ಬಿಡುಗಡೆ ಮಾಡಲಿದೆ ಎಂದು ಕಂಪನಿಗಳು ತಿಳಿಸಿದೆ. ಈ ಮೂಲಕ ಡಿಸೆಂಬರ್​​ನಲ್ಲಿ ಬಿಡುಗಡೆಯಾಗುವ ಹೊಸ ಸ್ಮಾರ್ಟ್​ಫೊನ್​ಗಳ ಪಟ್ಟಿ ಇಲ್ಲಿದೆ.

ಇದೇ ಡಿಸೆಂಬರ್ 8 ರಂದು ಭಾರತೀಯ ಮೊಬೈಲ್ ಮಾರುಕಟ್ಟೆಗೆ ರಿಯಲ್ ಮಿ 10 ಪ್ರೋ ಸಿರಿಸ್​ನ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗಲಿದೆ ಎಂದು ತಂತ್ರಜ್ಞರು ಹೇಳಿದ್ದಾರೆ. ಇದರಲ್ಲಿ ರಿಯಲ್ ಮಿ 10 ಪ್ರೋ ಮತ್ತು ರಿಯಲ್ ಮಿ 10 ಪ್ರೋ + ಎಂಬ ಎರಡು ಫೋನುಗಳಿವೆ. ರಿಯಲ್ ಮಿ 10 ಪ್ರೋ + ಮೊಬೈಲ್​ನ ಬೆಲೆ 25,000 ರೂಪಾಯಿಗಳಿಗಿಂತ ಕಡಿಮೆ ಇರಬಹುದು ಎಂದು ಕೆಲ ವರದಿಗಳು ತಿಳಿಸಿವೆ.

ಈ ರಿಯಲ್​ ಮಿ ಪ್ರೋ ಸೀರಿಸ್​ನಲ್ಲಿ ಬಿಡುಗಡೆಯಾಗುವ ಸ್ಮಾರ್ಟ್​ಫೊನ್ 108 ಮೆಗಾಫಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿದೆ. ಈಗಾಗಲೇ ಸದ್ಯದಲ್ಲಿ ರಿಯಲ್ ಮಿ 10 ಪ್ರೋ ಮತ್ತು ರಿಯಲ್ ಮಿ 10 ಪ್ರೋ + ಸ್ಮಾರ್ಟ್‌ಫೋನ್‌ಗಳನ್ನು ಚೀನಾದಲ್ಲಿ ಬಿಡುಗಡೆ ಮಾಡಲಾಗಿದೆ. ಇದು ಆಂಡ್ರಾಯ್ಡ್​ನ ಇತ್ತೀಚಿನ ಆವೃತ್ತಿ 13 ರಲ್ಲಿ ಕಾರ್ಯನಿರ್ವಹಿಸಲಿದೆ.

ರೆಡ್​ ಮಿ ನೋಟ್ 12 ಸೀರಿಸ್​​ನಲ್ಲಿ ಕೂಡ ಸ್ಮಾರ್ಟ್​​ಫೋನ್​ಗಳು ಇದೇ ತಿಂಗಳಲ್ಲಿ ಭಾರತದಲ್ಲಿ ಕಾಲಿಡಲಿದೆ. ರೆಡ್​ ಮಿ ನೋಟ್ 12, ರೆಡ್​ ಮಿ ನೋಟ್ 12 ಪ್ರೋ ಮತ್ತು ರೆಡ್​ ಮಿ ನೋಟ್ 12 ಪ್ರೋ+ ಎಂಬ ಈ ರೆಡ್​ ಮಿ ಸೀರಿಸ್​ನಲ್ಲಿ ಬಿಡುಗಡೆಯಾಗಲಿವೆ.

ಈಗಾಗಲೇ ಶಿವೋಮಿ ಈ ಸ್ಮಾರ್ಟ್​​ಫೋನ್​ಗಳನ್ನು ಮೊದಲಿಗೆ ಚೀನಾದಲ್ಲಿ ಬಿಡುಗಡೆ ಮಾಡಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ಗಳು 50MP ಕ್ಯಾಮೆರಾವನ್ನು ಹೊಂದಿದ್ದು, MediaTek Dimensity 1080 CPU ನಿಂದ ಕಾರ್ಯನಿರ್ವಹಿಸಲಿದೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ M04 ಡಿಸೆಂಬರ್​​ನ ಮೊದಲ ವಾರದಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. IANS ವರದಿಯ ಪ್ರಕಾರ ಸ್ಯಾಮ್​​ಸಂಗ್ ಗ್ಯಾಲಕ್ಸಿ M04 ಬಲಿಷ್ಠವಾದ RAM ಹಾಗೂ ಫೀಚರ್ಸ್​ಗಳನ್ನು ಹೊಂದಿರಲಿದೆ ಎಂದು ತಂತ್ರಜ್ಞರು ಹೇಳಿದ್ದಾರೆ.

ಸ್ಯಾಮ್​​ಸಂಗ್​​ ಗ್ಯಾಲಕ್ಸಿಯಲ್ಲಿ ಬಿಡುಗಡೆಯಾಗುತ್ತಿರುವ ಸ್ಮಾರ್ಟ್​​ಫೋನಿನ ಬೆಲೆ 10,000 ರೂಪಾಯಿಗಿಂತ ಗಿಂತ ಕಡಿಮೆಯಿದೆ ಎಂದು ಹೇಳಲಾಗಿದೆ. ಮೀಡಿಯಾಟೆಕ್ ಪ್ರೊಸೆಸರ್ ಜೊತೆಗೆ 5000mAh ಬ್ಯಾಟರಿ ಅಳವಡಿಸಲಾಗಿದೆ.

ಐಕ್ಯೂ 11 ಸೀರಿಸ್​ನ ಸ್ಮಾರ್ಟ್​​ಫೋನ್​​ಗಳು ಡಿಸೆಂಬರ್ 8 ರಂದು ಬಿಡುಗಡೆ ಆಗಲಿದೆ ಎಂದು ಕಂಪನಿ ತಿಳಿಸಿದೆ. ಈ ಸೀರಿಸ್​ನ ಅಡಿಯಲ್ಲಿ ಎರಡು ಫೋನ್‌ಗಳನ್ನು ಬಿಡುಗಡೆ ಮಾಡಲಿದ್ದು ಅದು ಐಕ್ಯೂ 11 ಮತ್ತು ಐಕ್ಯೂ 11 ಪ್ರೋ ಸ್ಮಾರ್ಟ್​ಫೋನ್ಸ್​ ಆಗಿದೆ. ಐಕ್ಯೂ 11 ಎರಡು ಬಣ್ಣಗಳಲ್ಲಿ ಬರಲಿದೆ ಎಮದು ಕಂಪನಿ ತಿಳಿಸಿದೆ.

ಐಕ್ಯೂ 11 ಪ್ರೋ ಮಾದರಿಯ ಸ್ಮಾರ್ಟ್​ಫೊನ್​ ಆಲ್ಫಾ, ಲೆಜೆಂಡ್ ಮತ್ತು ಮಿಂಟ್ ಗ್ರೀನ್ ಬಣ್ಣಗಳಲ್ಲಿ ಬಿಡುಗಡೆಯಾಗುತ್ತದೆ ಎಂದು ಹೇಳಲಾಗುತ್ತಿದೆ. ಎರಡೂ ಸ್ಮಾರ್ಟ್‌ಫೋನ್‌ಗಳು ಕ್ವಾಲ್ಕಂ ಸ್ನಾಪ್​ಡ್ರಾಗನ್ 8 Gen 2 ಪ್ರೊಸೆಸರ್‌ನಿಂದ ಚಾಲಿತವಾಗಲಿವೆ. ವಿಶೇಷವೆಂದರೆ ಐಕ್ಯೂ 11 ಪ್ರೋ 200W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ. ಈ ಸ್ಮಾರ್ಟ್​ಫೋನ್​ಗಳು 5,000mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರಲಿದೆ.