Headphones: ಕೇವಲ 3 ಸಾವಿರ ರೂಪಾಯಿ ಒಳಗಿನ ಬೆಸ್ಟ್​ ಹೆಡ್​ಫೋನ್ಸ್​​ ಇಲ್ಲಿದೆ

ಇಂದಿನ ದಿನಗಳಲ್ಲಿ ಸ್ಮಾರ್ಟ್​ಫೋನ್​ ಜನರ ಅಗತ್ಯ ಸಾಧನವಾಗಿ ಮಾರ್ಪಟ್ಟಿದೆ. ಇದೀಗ ಸ್ಮಾರ್ಟ್​ಫೋನ್​ಗಳ ಜೊತೆಗೆ ಹೆಡ್​ಫೋನ್​ಗಳನ್ನು ಕೂಡ ಬಳಕೆ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಈ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಹೆಡ್​ಫೋನ್ ಕಂಪನಿಗಳು ಟೆಕ್ನಾಲಜಿ ಮಾರಕಟ್ಟೆಗೆ ಉತ್ತಮ ಫೀಚರ್ಸ್​ ಒಳಗೊಂಡ ಕಡಿಮೆ ಬೆಲೆಯ ಹೆಡ್​ಫೋನ್ಸ್ ಅನ್ನು ಪರಿಚಯಿಸುತ್ತಿದೆ.

ಬೋಟ್​ ರಾಕರ್ಸ್​ 450: ಉತ್ತಮ ಫೀಚರ್ಸ್​ ಹೊಂದಿದ ಬಜೆಟ್​ ಸ್ನೇಹಿ ಹೆಡ್‌ಫೋನ್‌ಗಳ ಪಟ್ಟಿಯಲ್ಲಿ  ಬೋಟ್ ರಾಕರ್ಸ್​ ಹೆಡ್‌ಫೋನ್‌ಗಳು ಕೂಡ ಸೇರಿವೆ. BoAt Rockerz 450 ಹೆಡ್​ಫೋನ್ಸ್​ ಗುಣಮಟ್ಟ ಮತ್ತು ಫೀಚರ್ಸ್​ಗಳೆರಡರಲ್ಲೂ ಉತ್ತಮವೆಂದು ಗುರುತಿಸಿಕೊಂಡಿದೆ. ಇದು ವೈರ್‌ಲೆಸ್ ಬ್ಲೂಟೂತ್ ಸಂಪರ್ಕವನ್ನು ಹೊಂದಿದ್ದು ರೂ 1,175 ಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

ಈ ಬೋಟ್​ ರಾಕರ್ಸ್​ 450 ಹೆಡ್​ಫೋನ್​ ಅನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಮಾರುಕಟ್ಟೆಯಲ್ಲಿ ಎರಡರಿಂದಲೂ ಖರೀದಿಸಬಹುದು. ಒಮ್ಮೆ ಚಾರ್ಜ್ ಮಾಡಿದರೆ, ನೀವು ಅದನ್ನು 15 ಗಂಟೆಗಳ ಕಾಲ ನಿರಂತರವಾಗಿ ಬಳಸಲು ಸಾಧ್ಯವಾಗುತ್ತದೆ. ಈ ಕಂಪನಿಯ ಪ್ರೋ ವರ್ಷನ್​ನ  ಹೆಡ್​ಫೋನಿನ ಬೆಲೆ ರೂ 1,999 ಆಗಿದೆ. ಇದು 70 ಗಂಟೆಗಳ ಕಾಲ ಕಾರ್ಯನಿರ್ವಹಿಸುತ್ತದೆ.

ಸೋನಿ WH-CH510: ಸೋನಿ ಹೆಡ್‌ಫೋನ್‌ಗಳು ಇತ್ತೀಚಿನ ಹೆಡ್​ಫೋನ್​ಗಳಿಗೆ ಹೋಲಿಸಿದರೆ ಹೆಚ್ಚು ದುಬಾರಿಯಾಗಿದೆ. ಆದರೆ ಇದರ ವೈಶಿಷ್ಟ್ಯಗಳ ವಿಷಯದಲ್ಲಿ, ಇದು ಅನೇಕ ಇತರ ಕಂಪನಿಗಳೊಂದಿಗೆ ಸ್ಪರ್ಧೆಯನ್ನು ನೀಡುವ ಸಾಮರ್ಥ್ಯವನ್ನು ಹೊಂದಿದೆ. Sony WH-CH510 ವೈರ್‌ಲೆಸ್ ಬ್ಲೂಟೂತ್​ ಹೆಡ್‌ಫೋನ್ ಆಗಿದೆ.

ಈ ಹೆಡ್​ಫೋನ್​ ಅನ್ನು ಕೇವಲ ರೂ.2,724 ಕ್ಕೆ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ.. ಇದರಲ್ಲಿ ಕರೆ ಮಾಡುವುದರ ಜೊತೆಗೆ ಹಲವು ಸೌಲಭ್ಯಗಳನ್ನು ಕಂಪನಿ ನೀಡಿದೆ. ಇದನ್ನು ಯುಎಸ್‌ಬಿ ಟೈಪ್ ಸಿ ಮೂಲಕ ಚಾರ್ಜ್ ಮಾಡಬಹುದು. ಒಮ್ಮೆ ಚಾರ್ಜ್ ಮಾಡಿದರೆ 35 ಗಂಟೆಗಳ ಕಾಲ ಇದನ್ನು ನಿರಂತರವಾಗಿ ಬಳಸಬಹುದು.

ಝೆಬ್ರೋನಿಕ್ಸ್ ಝೆಬ್-ಥಂಡರ್: ಝೆಬ್ರಾನಿಕ್ಸ್ ಹೆಡ್‌ಫೋನ್‌ಗಳು ಉತ್ತಮ ಬಜೆಟ್​ನ ಹೆಡ್​ಫೋನ್​ ಆಗಿದೆ. ಇದರ ಆರಂಭಿಕ ಬೆಲೆ ರೂ.599 ಆಗಿದೆ. ಝೆಬ್ರೋನಿಕ್ಸ್ ಝೆಬ್-ಥಂಡರ್ ಹೆಡ್​ಫೋನ್ಸ್​ ಅನ್ನು ಆನ್‌ಲೈನ್ ಮತ್ತು ಆಫ್‌ಲೈನ್‌ನಲ್ಲಿ ಸುಲಭವಾಗಿ ಖರೀದಿಸಬಹುದಾಗಿದೆ. ಇದರಲ್ಲಿ ಎಫ್‌ಎಂ ಸೌಲಭ್ಯವೂ ನೀಡಿದ್ದಾರೆ. ಇದಲ್ಲದೇ SD ಕಾರ್ಡ್ ಕೂಡ ಇದರಲ್ಲಿ ಅಳವಡಿಸಬಹುದಾಗಿದೆ.

ಈ ಹೆಡ್​ಫೋನ್​ ಅನ್ನು ಒಮ್ಮೆ ಚಾರ್ಜ್ ಮಾಡಿದರೆ, ನೀವು 9 ಗಂಟೆಗಳ ಕಾಲ ಹಾಡುಗಳನ್ನು ಕೇಳಬಹುದು ಮತ್ತು ಚಲನಚಿತ್ರಗಳನ್ನು ವೀಕ್ಷಿಸಬಹುದು. ಜೊತೆಗೆ ಇದರಲ್ಲಿ ಕರೆ ಮಾಡುವ ಸೌಲಭ್ಯವೂ ಇದೆ.

ಫೈರ್-ಬೋಲ್ಟ್ ಬ್ಲಾಸ್ಟ್ 1400: ಫೈರ್-ಬೋಲ್ಟ್ ಬ್ಲಾಸ್ಟ್ 1400 ಹೆಡ್​ಫೋನ್​​ನ ಬೆಲೆ ಕೇವಲ 1599 ರೂಪಾಯಿಯಾಗಿದೆ. ಇದರಲ್ಲಿ, ಬ್ಲೂಟೂತ್ ಸಂಪರ್ಕದೊಂದಿಗೆ ಕಾಲ್​ ಮಾಡುವ ಸೌಲಭ್ಯ ಕೂಡ ಲಭ್ಯವಿದೆ. ಇದನ್ನು ಒಮ್ಮೆ ಚಾರ್ಜ್ ಮಾಡಿದರೆ 25 ಗಂಟೆಗಳ ಕಾಲ ನಿರಂತರವಾಗಿ ಬಳಸಬಹುದು.

ನೀವು ಈ ಹೆಡ್ಫೋನ್​ ಅನ್ನು  ಅಮೆಜಾನ್‌ನಿಂದ ಆನ್‌ಲೈನ್‌ ಮೂಲಕ ಖರೀದಿಸಬಹುದು. ಜೊತೆಗೆ ಇದು ಆಫ್‌ಲೈನ್‌ ಮಾರುಕಟ್ಟೆಯಲ್ಲಿಯೂ ಲಭ್ಯವಿದೆ.