Tech Tips: ಮೊಬೈಲ್​ ಕ್ಯಾಮೆರಾದಲ್ಲಿರುವ ಧೂಳು, ಮಣ್ಣನ್ನು ತೆಗೆಯಲು ಇಲ್ಲಿದೆ 5 ಟ್ರಿಕ್​ಗಳು

ಇಂದು ಸ್ಮಾರ್ಟ್‌ಫೋನ್‌ನಲ್ಲಿರುವ ಕ್ಯಾಮೆರಾ ಅತ್ಯಂತ ಮಹತ್ವದ್ದಾಗಿದೆ. ಹೆಚ್ಚಿನ ಜನರು ಮಾತನಾಡಲು ಮಾತ್ರ ಸ್ಮಾರ್ಟ್‌ಫೋನ್‌ಗಳನ್ನು ಬಳಸುವುದಿಲ್ಲ, ಬದಲಿಗೆ ಫೋಟೋಗ್ರಫಿ ಮತ್ತು ವಿಡಿಯೋಗ್ರಫಿಗಾಗಿಯೂ ಸ್ಮಾರ್ಟ್​​ಫೋನ್​ಗಳು ಬಹಳಷ್ಟು ಸಹಾಯಕವಾಗುತ್ತದೆ. ಇನನ್ಉ ಕೆಲವರು ರೀಲ್ಸ್​, ಶಾರ್ಟ್​​ ವಿಡಿಯೋಗಳನ್ನು ಮಾಡಲು ಸಹ ಫೋನ್‌ನ ಕ್ಯಾಮೆರಾವನ್ನು ಬಳಸುತ್ತಾರೆ. ಆದರೆ ಇಂತಹ ಪರಿಸ್ಥಿತಿಯಲ್ಲಿ, ಅವರು ತಮ್ಮ ಫೋನ್‌ನ ಕ್ಯಾಮೆರಾದ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕಾಗುತ್ತದೆ.

ಸ್ಮಾರ್ಟ್‌ಫೋನ್ ಕ್ಯಾಮೆರಾದಿಂದ ಯಾವಾಗಲೂ ಉತ್ತಮ ಫೋಟೋಗಳನ್ನು ತೆಗೆಯಬೇಕಾದರೆ, ನೀವು ಕಾಲಕಾಲಕ್ಕೆ ಅದನ್ನು ಕ್ಲೀನ್​ ಮಾಡುತ್ತಿರಬೇಕು. ನಿಮ್ಮ ಫೋನ್‌ನ ಕ್ಯಾಮೆರಾ ಬ್ಲರ್ ಆಗಿದ್ದರೆ ಮತ್ತು ಅದರಿಂದ ಉತ್ತಮ ಫೋಟೋಗಳು ತೆಗೆಯಲು ಸಾಧ್ಯವಾಗುತ್ತಿಲ್ಲವೆಂದರೆ, ಇಂದು ನಾವು ನಿಮಗೆ ಕೆಲವು ಟ್ರಿಕ್‌ಗಳನ್ನು ಹೇಳುತ್ತೇವೆ. ಈ ಮೂಲಕ ನೀವು ಫೋನ್‌ನ ಕ್ಯಾಮೆರಾವನ್ನು ಚಿಟಿಕೆಯಲ್ಲಿ ಕ್ಲೀನ್​ ಮಾಡಬಹುದು.

ಮೃದುವಾದ ಬಟ್ಟೆಯಿಂದ ಕ್ಲೀನ್​ ಮಾಡಿ: ಸ್ಮಾರ್ಟ್​​ಫೋನ್​ನ ಕ್ಯಾಮೆರಾವನ್ನು ಸ್ವಚ್ಛಗೊಳಿಸಲು ನೀವು ಯಾವುದೇ ಮೃದುವಾದ ಬಟ್ಟೆಯನ್ನು ಬಳಸಬಹುದು. ಕ್ಯಾಮೆರಾವನ್ನು ಕ್ಲೀನ್​ ಮಾಡಲು ಹತ್ತಿ ಬಟ್ಟೆಯನ್ನು ಬಳಸುವುದು ಉತ್ತಮ. ಮೃದುವಾದ ಬಟ್ಟೆಯಿಂದ ಕ್ಯಾಮೆರಾವನ್ನು ಸ್ವಚ್ಛಗೊಳಿಸುವುದರಿಂದ ಅದರ ಲೆನ್ಸ್​​​ನಲ್ಲಿ ಯಾವುದೇ ಗೀರುಗಳು ಉಂಟಾಗುವುದಿಲ್ಲ.

ಸ್ಕ್ರೀನ್​ ಸ್ಪ್ರೇ ಬಳಸಿ: ಸ್ಮಾರ್ಟ್‌ಫೋನ್‌ನ ಕ್ಯಾಮೆರಾವನ್ನು ಕ್ಲೀನ್​ ಮಾಡುವಾಗ ಯಾವತ್ತಿಗೂ ನೀರನ್ನು ಬಳಸಬೇಡಿ. ಒಂದು ವೇಳೆ ಫೋನ್ ಒಳಗೆ ನೀರು ಹೋದರೆ, ಅದು ಮದರ್ ಬೋರ್ಡ್‌ಗೆ ಹಾನಿಯಾಗುತ್ತದೆ. ಇದಲ್ಲದೇ ಒದ್ದೆ ಬಟ್ಟೆಯಿಂದಲೂ ಕ್ಯಾಮೆರಾವನ್ನು ಕ್ಲೀನ್​ ಮಾಡಬಾರದು. ಕ್ಯಾಮೆರಾವನ್ನು ಸ್ವಚ್ಛಗೊಳಿಸಲು ಯಾವಾಗಲೂ ಸ್ಕ್ರೀನ್ ಸ್ಪ್ರೇಯನ್ನು ಬಳಸಬೇಕು.

ಕ್ಯಾಮೆರಾ ಕ್ಲೀನಿಂಗ್ ಕಿಟ್ ಖರೀದಿಸಿ: ಸ್ಮಾರ್ಟ್ ಫೋನ್ ಕ್ಯಾಮೆರಾವನ್ನು ಕ್ಲೀನ್​ ಮಾಡಲೆಂದೇ ಮಾರುಕಟ್ಟೆಯಲ್ಲಿ ಹಲವು ಕ್ಲೀನಿಂಗ್ ಕಿಟ್ ಗಳು ಲಭ್ಯವಿವೆ. ಇದು ಸ್ಪ್ರೇ, ಹತ್ತಿ ಮತ್ತು ಒತ್ತಡ ಯಂತ್ರವನ್ನು ಒಳಗೊಂಡಿದೆ. ಇದು ಕ್ಯಾಮೆರಾವನ್ನು ಕ್ಷಣಮಾತ್ರದಲ್ಲಿ ಕ್ಲೀನ್​ ಮಾಡುತ್ತದೆ.

ಸ್ಕ್ರೀನ್​ ಮೇಲೆ ಒತ್ತಡ ಹಾಕ್ಬಾರ್ದು: ಸ್ಕ್ರೀನ್​ ಮೇಲೆ ನಿಮ್ಮ ಒತ್ತಡವನ್ನು ತಪ್ಪಿಸಬೇಕು. ಕೆಲವರು ಹೆಚ್ಚಿನ ಬಲದಿಂದ ಮೊಬೈಲ್​ ಕ್ಯಾಮೆರಾವನ್ನು ಕ್ಲೀನ್ ಮಾಡುತ್ತಾರೆ. ಆದರೆ ಈ ರೀತಿಯಿಂದ ನಿಮ್ಮ ಕ್ಯಾಮೆರಾದ ಲೆನ್ಸ್​ ಮುರಿಯುವ ಸಂದರ್ಭಗಳು ಬರಬಹುದು.

ಹಾರ್ಡ್ ಬ್ರಶ್​ಗಳನ್ನು ಬಳಸ್ಬೇಡಿ: ಹೆಚ್ಚಿನ ಜನರು ಸ್ಮಾರ್ಟ್‌ಫೋನ್ ಅನ್ನು ಸ್ವಚ್ಛಗೊಳಿಸಲು ಬ್ರಷ್‌ಗಳನ್ನು ಬಳಸುತ್ತಾರೆ. ಅದು ಮೃದುವಾಗಿದ್ದರೆ ಕ್ಯಾಮೆರಾದ ಮೇಲೆ ಏನೂ ತೊಂದರೆ ಆಗುವುದಿಲ್ಲ, ಒಂದು ವೇಳೆ ಹಾರ್ಡ್​ ಬ್ರಶ್​ಗಳನ್ನು ಬಳಸಿದ್ರೆ ಕ್ಯಾಮೆರಾ ಸ್ಕ್ರ್ಯಾಚ್​ ಆಗ್ಬಹುದು.

ಯಾವುದೇ ಸ್ಮಾರ್ಟ್​​ಫೋನ್​ ಆಗಲಿ, ಕ್ಯಾಮೆರಾ ಆಗಲಿ ಯಾವುದಾದರು ಸ್ಥಳದಲ್ಲಿ ಇಡುವಾಗ ಕ್ಯಾಮೆರಾ ಹಾನಿಯಾಗುವಂತೆ ಇಡಬಾರದು. ಇದರಿಂದ ನಿಮ್ಮ ಕ್ಯಾಮೆರಾಕ್ಕೆ ಬಹಳಷ್ಟು ತೊಂದರೆಗಳು ಬರಬಹುದು. ಇನ್ನು ನಿಮ್ಮ ಮೊಬೈಲ್​ನ ಕ್ಯಾಮೆರಾದ ಸೇಫ್ಟಿಗಾಗಿ ಮಾರುಕಟ್ಟೆಯಲ್ಲಿ ಕ್ಯಾಮೆರಾ ಗಾರ್ಡ್​​ಗಳು ಲಭ್ಯವಿದೆ.