Google Pay: ಭಾರತೀಯರಿಗಾಗಿ ಗೂಗಲ್ ಪೇ ಪರಿಚಯಿಸುತ್ತಿದೆ ಹೊಸ ಫೀಚರ್; ಏನದು ?

ಡಿಜಿಟಲ್ ಪೇಮೆಂಟ್ ಸೇವೆಯನ್ನು ಒದಗಿಸುವ ಗೂಗಲ್ ಪೇ ತನ್ನ ಪಾವತಿ ವಿಧಾನದಲ್ಲಿ ಎನ್ಎಫ್​ಸಿ (ನಿಯರ್ ಫೀಲ್ಡ್ ಕಮ್ಯೂನಿಕೇಶನ್) ಚಾಲಿತ ಕ್ರೆಡಿಟ್ ಅಥವಾ ಡೆಬಿಟ್  ಕಾರ್ಡ್​ ಹೊಂದಿರುವ ಬ್ಯಾಂಕ್ ಖಾತೆಯನ್ನು ಸೇರಿಸಬಹುದಾದ ಆಯ್ಕೆಯನ್ನು ನೀಡಲು ಸಜ್ಜಾಗಿದೆ. 

ಗೂಗಲ್ ಟೋಕನೈಸ್ ಮಾಡಿವ ಕಾರ್ಡ್​ಗಳ ಮೂಲಕ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡ್ ಬಳಸಿಕೊಂಡು ಸುರಕ್ಷಿತ ಆನ್​ಲೈನ್ ಪಾವತಿಯನ್ನು ಮಾಡಬಹುದಾಗಿದೆ.

ಈ ನೂತನ ಫೀಚರ್ ಅನ್ನು ಕಳೆದ ವರ್ಷ ಗೂಗಲ್ ಫಾರ್ ಇಂಡಿಯಾದಲ್ಲಿ ಹೇಳಲಾಗಿತ್ತು. ಅದಾದ ನಂತರ ವೀಸಾ ಕಾರ್ಡ್​ಗಳಲ್ಲಿ ಈ ಆಯ್ಕೆಯನ್ನು ಹೊರತರಲು ಗೂಗಲ್ ನಿರ್ಧರಿಸಿತು.

ಆ್ಯಂಡ್ರಾಯ್ಡ್ ಪೊಲೀಸ್ ಈ ಬಗ್ಗೆ ವರದಿ ನೀಡಿದ್ದು, ‘ಗೂಗಲ್ ಪೇನಲ್ಲಿ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಆಯ್ಕೆಯನ್ನು ಬೆಂಬಲಿಸುತ್ತಿದೆ. ಬಳಕೆದಾರರು ತಮ್ಮ ಕಾರ್ಡನ್ನು ಅಪ್ಲಿಕೇಶನ್​ಗೆ ಸೇರಿಸಲು ಒಟಿಪಿಯನ್ನು ನಮೂದಿಸುವ ಮೂಲಕ ಕಾರ್ಡ್ ಅನ್ನು ಪರಿಶೀಲಿಸಬೇಕಾಗುತ್ತದೆ.

ಒಂದು ಬಾರಿ ನೋಂದಾಯಿಸಿದ ನಂತರ ಸ್ಮಾರ್ಟ್​ಫೋನ್​ ಮೂಲಕ ಸುಲಭವಾಗಿ ಡೆಬಿಟ್ ಮತ್ತು ಕ್ರೆಟಿಡ್ ಕಾರ್ಡ್ ಆಯ್ಕೆಯನ್ನು ಬಳಸಬಹುದಾಗಿದೆ. ಇದು ಹೆಚ್ಚಿನ ಜನರಿಗೆ ಬಳಕೆಗೆ ಉಪಯುಕ್ತವಾಗಲಿದೆ ಎಂದು ತಿಳಿಸಿದೆ.

ಗೂಗಲ್ ಪೇನಲ್ಲಿ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಫೀಚರ್ ಅನ್ನು ಬಳಸುವುದು ಹೇಗೆ?

ಗೂಗಲ್ ಪೇ ಮೆನುವಿನಲ್ಲಿ ಕಾಣುವ ಸೆಟ್ಟಿಂಗ್ ಆಯ್ಕೆಯಲ್ಲಿ ಡೆಬಿಟ್ ಅಥವಾ ಕ್ರೆಡಿಟ್ ಆಯ್ಕೆಯನ್ನು ಸೇರಿಸುವ ಫೀಚರ್ ನೀಡಲಾಗಿದೆ. ಆದರೆ ಸದ್ಯ ಈ ಫೀಚರ್ ಅನ್ನು ಗೂಗಲ್ ಪೇ ಹೊಂದಿಲ್ಲ.

ಇನ್ನು ಆಕ್ಸಿಸ್ ಮತ್ತು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ನೀಡುವ ವೀಸಾ ಕಾರ್ಡ್​ಗಳಿಗೆ ಈ ಆಯ್ಕೆ ಸೀಮಿತವಾಗಿದೆ

ಗೂಗಲ್ ಪೇ ಪರಿಚಯಿಸಿರುವ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಫೀಚರ್ ಬೆಂಬಲವು ಕೆಲವು ಬಳಕೆದಾರರಿಗೆ ಮಾತ್ರ ಸಿಗುತ್ತಿದೆ. ಸದ್ಯ ಟೆಸ್ಟಿಂಗ್​ ಕಾರ್ಯ  ನಡೆಯುತ್ತಿದ್ದ, ಮುಂದಿನ ದಿನಗಳಲಲ್ಲಿ ಎಲ್ಲಾ ಬಳಕೆದಾರರು ಈ ನೂತನ ಫೀಚರ್ ಅನ್ನು ಬಳಸಬಹುದಾಗಿದೆ.

ಗೂಗಲ್ ಪೇ