Google Maps: ಗೂಗಲ್​ ಮ್ಯಾಪ್​ ಬಳಕೆದಾರರಿಗೆ ಸಿಗಲಿದೆ ಈ ನೂತನ ಫೀಚರ್​!; ಏನದು?

ಹೆಚ್ಚಾಗಿ ಬಳಕೆಯಲ್ಲಿರುವ  ಆ್ಯಪ್​​ಗಳಲ್ಲಿ ಗೂಗಲ್ ಮ್ಯಾಪ್​ ಕೂಡ ಒಂದು. ಅನೇಕರು ತಮ್ಮ ಸ್ಮಾರ್ಟ್​ಫೋನ್​​ನಲ್ಲಿ ಗೂಗಲ್ ಮ್ಯಾಪ್  ಇನ್​​ಸ್ಟಾಲ್​​ ಮಾಡಿಕೊಂಡಿರುತ್ತಾರೆ. ಗುರುತು, ಪರಿಚಯವಿಲ್ಲದ ರಸ್ತೆಗಳಲ್ಲಿ ಓಡಾಡಲು ಗೂಗಲ್ ಮ್ಯಾಪ್​​ ಸಹಾಯ ಮಾಡುತ್ತದೆ. ಅಷ್ಟು ಮಾತ್ರವಲ್ಲದೆ, ಬಳಕೆದಾರನಿಗೆ ಅವಶ್ಯಕ ಎಂಬತೆ ಮಾಲ್, ರೆಸ್ಟೋರೆಂಟ್, ಆಸ್ಪತ್ರೆ, ಶೌಚಾಲಯ, ಪೆಟ್ರೋಲ್ ಪಂಪ್​ಗೆ ತೆರಳಲು ದಾರಿ ತೋರಿಸುತ್ತದೆ.

ಹೀಗೆ ಹಲವು ಫೀಚರ್ಸ್​ಗಳನ್ನು ಒಳಗೊಂಡಿರುವ ಗೂಗಲ್ ಮ್ಯಾಪ್​​ ಇದೀಗ ಹೊಸ ಫೀಚರ್ ಅನ್ನು ಪರಿಚಯಿಸಲು ಮುಂದಾಗಿದೆ. ವಿಶ್ವದ ಜನಪ್ರಿಯ ನ್ಯಾವಿಗೇಶನ್ ಆ್ಯಪ್ ಎಂದು ಗುರುತಿಸಿಕೊಂಡಿರುವ ಗೂಗಲ್ ಮ್ಯಾಪ್​​ನಲ್ಲಿ ಕಲರ್​ಫುಲ್​​ ನ್ಯಾಚುರಲ್ ಫೀಚರ್ ಅನ್ನು ಸೇರ್ಪಡಿಸಿದೆ.

ಈ ಫೀಚರ್​ ಮೂಲಕ ಬಳಕೆದಾರನಿಗೆ ಸರೋವರ, ಸಮುದ್ರ, ಕಂದರ, ಪರ್ವತ, ಮರುಭೂಮಿಗಳನ್ನು ಸುಲಭವಾಗಿ ಗುರುತಿಸಬಹುದಾಗಿದೆ. ಅಲ್ಲಿನ ಸಸ್ಯವರ್ಗ, ಸ್ಥಳದ ಬಗ್ಗೆ ಸೂಕ್ಷವಾಗಿ ನೋಡಬಹುದಾಗಿದೆ. ಇನ್ನು ಪರ್ವತ ತೆರಳಲು, ಅಲ್ಲಿರುವ ಮೂಲ ಸೌಕರ್ಯಗಳ ಬಗ್ಗೆ ತಿಳಿಯಬಹುದಾಗಿದೆ.

ಇನ್ನು ಈ ಫೀಚರ್ ಅನ್ನು ಗೂಗಲ್ ಮ್ಯಾಪ್ 220 ದೇಶಗಳಲ್ಲಿ ಪ್ರರಿಚಯಿಸಲಿದೆ. ಸದ್ಯದಲ್ಲೇ ಎಲ್ಲಾ ಗೂಗಲ್ ಮ್ಯಾಪ್ ಬಳಕೆದಾರರಿಗೆ ಈ ಫೀಚರ್ ಬಳಕೆಗೆ ಸಿಗಲಿದೆ.

ಗೂಗಲ್ ಮ್ಯಾಪ್ ಕಲರ್​ಫುಲ್​​ ಫೀಚರ್ ಅನ್ನು ನೀಡಲು ಮೊದಲಿಗೆ ಸ್ಯಾಟಲೈಟ್ ಬಳಸಿಕೊಂಡು ಕಂಪ್ಯೂಟರ್ ಮೂಲಕ ಈ ಚಿತ್ರಣವನ್ನು ನೀಡುತ್ತಿದೆ. ಹೆಚ್ಎಸ್​ವಿ ಕಲರ್ ಮೋಡೆಲ್ ಬಳಸಿಕೊಂಡು ಈ ಫೀಚರ್ ಬಳಕೆದಾರರಿಗೆ  ಸಿಗಲಿದೆ.

ಈಗಾಗಲೇ ಲಂಡನ್, ನ್ಯೂಯಾರ್ಕ್, ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ಈ ಫೀಚರ್ ಸಿಗುತ್ತಿದೆ. ಮುಂಬರುದ ದಿನಗಳಲ್ಲಿ ಅಪ್ಡೇಟ್​ ಮಾಡಡುವ ಮೂಲಕ ರಎಲ್ಲಾ ದೇಶದ ಬಳಕೆದಾರರಿಗೂ ಸಿಗಲಿದೆ.

ಗೂಗಲ್ ಕಳೆದ ವರ್ಷ ಸಾರ್ವಜನಿಕ ಶೌಚಾಲಯಗಳನ್ನು ತನ್ನ ಮ್ಯಾಪ್​ನಲ್ಲಿ ಗುರುತಿಸಬಹುದಾದ ಫೀಚರ್ ನೀಡಿತ್ತು.

ಅಷ್ಟು ಮಾತ್ರವಲ್ಲ, ಕೊರೋನಾ ಸಮಯದಲ್ಲಿ ಕೋವಿಡ್ ಟೆಸ್ಟ್ ಮಾಡುವ ಆಸ್ಪತ್ರೆಗಳನ್ನು ತನ್ನ ಮ್ಯಾಪ್​ನಲ್ಲಿ ತೋರಿಸುತ್ತಿದೆ.

ಗೂಗಲ್​ ಮ್ಯಾಪ್​​

ಗೂಗಲ್​ ಮ್ಯಾಪ್​