Google Maps: ಸದ್ಯದಲ್ಲೇ ಟ್ರಿಪ್ಸ್​ಟ್ಯಾಬ್​ ಎಂಬ ಹೊಸ ಫೀಚರ್ ಪರಿಚಯಿಸಿದೆ ಗೂಗಲ್​​ ಮ್ಯಾಪ್!

ಆ್ಯಂಡ್ರಾಯ್ಡ್ ಬಳಕೆದಾರರಿಗಾಗಿ ಗೂಗಲ್ ಮ್ಯಾಪ್ ಟ್ರಿಪ್ಸ್ ಎಂಬ ಟ್ಯಾಬ್ ಪರಿಚಯಿಸಲು ಮುಂದಾಗಿದೆ. ನೂತನ ಫೀಚರ್ ಶೀಘ್ರದಲ್ಲೇ ಗೂಗಲ್ ನಕ್ಷೆಯನ್ನು ಸೇರಿಕೊಳ್ಳಲಿದೆ.

ಟ್ರಿಪ್ಸ್ ಟ್ಯಾಬ್ ಮೂಲಕ ಬಳಕೆದಾರರಿಗೆ ಹಿಂದಿನ ರಜಾದಿನಗಳ ಪ್ರಯಾಣವನ್ನು ಮತ್ತು ಸಂಪೂರ್ಣ ಕಿಲೋಮೀಟರ್ ಪ್ರಯಾಣಿಸಿದ್ದ ಪ್ರಯಾಣವನ್ನು ತೋರಿಸಲಿದೆ.

ಮಾಷೇಬಲ್ ನೀಡಿದ ವರದಿಯಂತೆ, ಬಳಕೆದಾರರು ಪ್ರಯಾಣಿಸಿದ ಸ್ಥಳದ ಫೋಟೋವನ್ನು ಗೂಗಲ್ ಫೋಟೋ ವೇಗವಾಗಿ ತನ್ನ ಟೈಮ್​ಲೈನ್​​ನಲ್ಲಿ ತೋರಿಸಲಿದೆ. ಮಾತ್ರವಲ್ಲದೆ, ಹಿಂದಿನ ಪ್ರಯಾಣದ ವಿವರಗಳನ್ನು ತೋರಿಸಲಿದೆ.

google.com/journey ಡೆಸ್ಕ್​ಟಾಪ್ ವೆಬ್​ಸೈಟ್​​ನಲ್ಲಿ ಕಾಣಿಸುವ ಟ್ರಿಪ್ಸ್​​ಟ್ಯಾಬ್ ಟ್ಯಾಪ್ ಮಾಡುವ ಮೂಲಕ ಜೀಮೇಲ್​ನಲ್ಲಿ  ಹಳೆಯ ಪ್ರಯಾಣದ ವೇಳೆ ತೆಗೆದ ಫೋಟೋಗಳನ್ನು ಮರಳಿ ಪಡೆಯಬಹುದಾಗಿದೆ.

ಗೂಗಲ್ ತಿಳಿಸುವಂತೆ, ಟ್ರಿಪ್​ಟ್ಯಾಬ್ ಮೂಲಕ ಪ್ರಯಾಣಿಸಿದ ಸ್ಥಳ ಮತ್ತು ಕಿಲೋಮೀಟರ್ ಪ್ರಯಾಣವನ್ನು ಮತ್ತೆ ವೀಕ್ಷಿಸಬಹುದಾಗಿದೆ. ಸಾರಿಗೆಯಲ್ಲಿ ಪ್ರಯಾಣಿಸಿದ ಪ್ರಯಾಣದ ವಿವರವನ್ನು ಪಡೆಯಬಹುದಾಗಿದೆ.

ಸದ್ಯದಲ್ಲೇ ಈ ನೂತನ ಫೀಚರ್ ಅನ್ನು ಗೂಗಲ್ ತನ್ನ ಮ್ಯಾಪ್​ನಲ್ಲಿ ಪರಿಚಯಿಸಲಿದೆ, ಆ್ಯಂಡ್ರಾಯ್ಡ್ ಬಳಕೆದಾರರಿಗೆ ವೇಗವಾಗಿ ಸಿಗಲಿದೆ.

ಗೂಗಲ್​ ಮ್ಯಾಪ್​

ಗೂಗಲ್​ ಮ್ಯಾಪ್​