Google Doodle: ವಿಶ್ವದ ವೇಗದ ಮಹಿಳೆ ಓ ನೀಲ್​ಗೆ ಗೂಗಲ್​ ಡೂಡಲ್​ ಗೌರವ!

ಟೆಕ್​ ದೈತ್ಯ ಎಂದೆನಿಸಿಕೊಂಡಿರುವ ಗೂಗಲ್​​ ಪ್ರತಿದಿನ ಏನಾದರೊಂದು ವಿಶೇಷತೆಗಳನ್ನು ತನ್ನ ಬಳಕೆದಾರರಿಗೆ ನೀಡುತ್ತಿರುತ್ತದೆ. ಅದರಲ್ಲು ಗೂಗಲ್​ ಡೂಡಲ್​ ಬಗ್ಗೆ ಹೇಳೋದೆ ಬೇಡ. ಏಕೆಂದರೆ ಗೂಗಲ್ ಏನಾದ್ರು ವಿಶೇಷ ದಿನಗಳು ಬಂದ್ರೆ ಸಾಕು ಅದರ ಬಗ್ಗೆ ಆ್ಯನಿಮೇಶನ್​​, ಫೋಟೋ ಹಾಕುವ ಮೂಲಕ ಸಂಭ್ರಮಿಸುತ್ತದೆ.

ಗೂಗಲ್ ಡೂಡಲ್ (Google Doodle) ಇದೀಗ ಶುಕ್ರವಾರ ಕಿಟ್ಟಿ ಓ’ನೀಲ್ ಅವರ ಜನ್ಮದಿನವನ್ನು ಆಚರಿಸುತ್ತಿದೆ. ಇವರು ಅಮೆರಿಕದ ಜನಪ್ರಿಯ ಸ್ಟಂಟ್ ಪ್ರದರ್ಶಕರು. ಭಾರೀ ವೇಗದ ರೇಸರ್​ ಎಮದೂ ಗುರುತಿಸಿಕೊಂಡಿದ್ದಾರೆ. ಅದಕ್ಕಾಗಿಯೇ ಇದೀಗ ಗೂಗಲ್​ ತನ್ನ ಡೂಡಲ್​ ಮೂಲಕ ಕಿಟ್ಟಿ ಓ ನೀಲ್ ಅವರಿಗೆ ಹುಟ್ಟುಹಬ್ಬ ಪ್ರಯುಕ್ತ ಗೌರವ ಸಲ್ಲಿಸಿದೆ.

ಮಿಸ್​ ಓ’ನೀಲ್ ಮಾರ್ಚ್​ 24, 1946 ರಂದು ಚೆರೋಕೀ ಸ್ಥಳೀಯ  ಕ್ರಿಸ್ಟಿ, ಟೆಕ್ಸಾಸ್‌ನಲ್ಲಿ ಜನಿಸಿದರು. ಇವರ ತಾಯಿ ಅಮೆರಿಕಾನ್ ಮತ್ತು ತಂದೆ ಐರಿಶ್​ ಆಗಿದ್ದಾರೆ.ಈಕೆ ಹುಟ್ಟಿನಿಂದಲೇ ಕಿವುಡಾಗಿದ್ದರೂ ಕ್ರೀಡೆಗಳು ಮತ್ತು ಅಪಾಯಕಾರಿ ಸಾಹಸಗಳ ಮೇಲೆ ಭಾರೀ ಆಸಕ್ತಿಯನ್ನು ಹೊಂದಿದ್ದರು.

ಇದೀಗ ಗೂಗಲ್ ಓ ನೀಲ್ ಅವರು 77 ವರ್ಷದ ಹುಟ್ಟುಹಬ್ಬ ಸಂಭ್ರಮವನ್ನು ಡೂಡಲ್ ಮೂಲಕ ಆಚರಿಸುತ್ತಿದೆ. ಜೊತೆಗೆ ಇವರ ಜೀವನದ ಸಾಹಸ ಮತ್ತು ಸಾಧನೆಯ ಬಗ್ಗೆ ಈ ಮೂಲಕ ತಿಳಿಸಿದೆ. ಇನ್ನು ಡೂಡಲ್​ನಲ್ಲಿ ಓ ನೀಲ್​ ಅವರು ಹೆಲಿಕಾಪ್ಟರ್​ನಿಂದ ಜಿಗಿಯುವುದು, ರೇಸಿಂಗ್​ ಕಾರನ್ನು ಓಡಿಸಿ ನಿಂತಿರುವ ಫೋಟೋವನ್ನು ಕಾಣಬಹುದಾಗಿದೆ.

ಕಿಟ್ಟಿ ಓ ನೀಲ್ ಅವರು ಹುಟ್ಟಿನಿಂದಲೇ ಕಕಿವುಡುತನವನ್ನು ಹೊಂದಿದ್ದರು. ಆದರೆ ಇದನ್ನೇ ಪಾಸಿಟಿವ್ ಆಗಿ ತೆಗೆದುಕೊಂದು, ಅದು ನನ್ನ ಆಸ್ತಿ ಎಂದುಕೊಂಡು ಜೀವನದಲ್ಲಿ ಹಲವಾರು ಸಾಧನೆಗಳನ್ನು ಮಾಡಿದ್ದಾರೆ. ತನ್ನ ಎಷ್ಟೇ ಕಷ್ಟಗಳಿದ್ದರು ವೃತ್ತಿಪರ ಅಥ್ಲೀಟ್ ಆಗುವ ತನ್ನ ಕನಸನ್ನು ನನಸಾಗಿಸುವ ಛಲವನ್ನು ಹೊಂದಿದ್ದರು ಎಂದು ಗೂಗಲ್ ಹೇಳಿದೆ. ಓ ನೀಲ್ ವಾಟರ್ ಸ್ಕೀಯಿಂಗ್ ಮತ್ತು ಮೋಟಾರ್‌ಸೈಕಲ್ ರೇಸಿಂಗ್‌ನಂತಹ ಹೈ-ಸ್ಪೀಡ್ ಕ್ರೀಡೆಗಳಲ್ಲಿ ಭಾಗವಹಿಸಿ ತನ್ನ ಸಾಧನೆ ಏನೆಮದು ಜಗತ್ತಿಗೆ ತೋರಿಸಿದ್ದಾರೆ.

ಓ’ನೀಲ್ 1976 ರಲ್ಲಿ ರಾಕೆಟ್ ಚಾಲಿತ ಕಾರಿನಲ್ಲಿ ಗಂಟೆಗೆ 512.76 ಮೈಲುಗಳ ವೇಗದಲ್ಲಿ ಹೋಗುವ ಮೂಲಕ ಓರೆಗಾನ್ ರಾಜ್ಯದ ಆಲ್ವರ್ಡ್ ಮರುಭೂಮಿಯಾದ್ಯಂತ ದೊಡ್ಡ ಸಾಹಸವನ್ನು ಕೂಡ ಮಾಡಿದ್ದರು. ಇವರು ಎತ್ತರದ ಪ್ರದೇಶದಿಂದ, ಹೆಲಿಕಾಪ್ಟರ್​ನಿಂದ ಜಿಗಿಯುವಂತಹ ಅಪಾಯಕಾರಿ ಸಾಹಸಗಳನ್ನು ಸಹ ಮಾಡುತ್ತಿದ್ದರು.

ಆದರೆ ಓ ನೀಲ್ ಪೈಲಟಿಂಗ್ ರಾಕೆಟ್ ಡ್ರ್ಯಾಗ್‌ಸ್ಟರ್‌ ಮತ್ತು ಜೆಟ್ ಚಾಲಿತ ದೋಣಿಗಳನ್ನು ಓಡಿಸುವ ಮೂಲಕ ಇತರ ದಾಖಲೆಗಳನ್ನು ಮಾಡಿ ದೊಡ್ಡ ಸಾಧನೆಯನ್ನು ಮಾಡಿದ್ದರು. 70ರ ದಶಕದ ಉತ್ತರಾರ್ಧದಲ್ಲಿ, ಅವರು ‘ದಿ ಬ್ಲೂಸ್ ಬ್ರದರ್ಸ್’, ‘ದಿ ಬಯೋನಿಕ್ ವುಮನ್’ ಮತ್ತು ‘ ವಂಡರ್ ವುಮನ್’ ಸೇರಿದಂತೆ ಹಲವಾರು ಸಾಹಸ ಚಲನಚಿತ್ರಗಳಲ್ಲಿ ಸ್ಟಂಟ್ ಡಬಲ್ ಆಗಿ ಸೇವೆ ಸಲ್ಲಿಸಿದರು .

ಹಾಲಿವುಡ್‌ನ ಅತ್ಯುತ್ತಮ ಸಾಹಸ ಪ್ರದರ್ಶನಕಾರರ ಸಂಘವಾದ ಸ್ಟಂಟ್ಸ್ ಅನ್‌ಲಿಮಿಟೆಡ್‌ಗೆ ಸೇರಿದ ಮೊದಲ ಮಹಿಳೆ ಕೂಡ ಅವರು. ಕಿಟ್ಟಿ ಓ ನೀಲ್ 2018ರಲ್ಲಿ ದಕ್ಷಿಣ ಡಕೋಟಾದಲ್ಲಿ ನಿಧನರಾದರು.