Uninstall Apps: ಜೋಕರ್ ಮಾಲ್ವೇರ್ ಹಾವಳಿ: ಸ್ಮಾರ್ಟ್​ಫೋನಿನಲ್ಲಿರುವ ಈ 6 ಆ್ಯಪ್​​ಗಳನ್ನ ಅನ್ಇನ್​ಸ್ಟಾಲ್​​ ಮಾಡಿ!

ಕಳೆದ ಜೂನ್ ತಿಂಗಳಿನಲ್ಲಿ ಗೂಗಲ್  11 ಆ್ಯಪ್​ಗಳನ್ನ ಪ್ಲೇ ಸ್ಟೋರ್​​ನಿಂದ  ತೆಗೆದು ಹಾಕಿತ್ತು. ಜೋಕರ್ ಮಾಲ್ವೇಕ್ ಕಾಟದಿಂದ ಈ ನಿರ್ಣಯವನ್ನು ಕೈಗೊಂಡಿತ್ತು.

ಇದೀಗ ಮತ್ತೆ ಉಪಟಳ ಶುರುವಾಗಿದ್ದು, ಆರು ಆ್ಯಪ್​​ಗಳಲ್ಲಿ ಜೋಕರ್ ಮಾಲ್ವೇರ್ ಇದೆ ಎಂಬುದು ಪತ್ತೆಯಾಗಿದೆ.

ಅಚ್ಚರಿಯೆಂದರೆ ಸುಮಾರು 2 ಲಕ್ಷಕ್ಕೂ ಅಧಿಕ ಡೌನ್ಲೋಡ್ ಕಂಡಿರುವ ಆ್ಯಪ್​​ಗಳಲ್ಲಿ ಜೋಕರ್ ಮಾಲ್ವೇರ್ ಸೇರಿಕೋಂಡಿದೆ. ಅಷ್ಟು ಮಾತ್ರವಲ್ಲದೆ ಬಳಕೆದಾರರ ಖಾಸಗಿ ಮಾಹಿತಿಯನ್ನು ಎಗರಿಸುತ್ತದೆ ಎಂದು ತಿಳಿದುಬಂದಿದೆ.

ಅಗತ್ಯವಲ್ಲದ ಎಸ್ಎಮ್ಎಸ್​​​ಗಳನ್ನು ಹಾಗೂ ಬಳಕೆದಾರರ ಗಮನಕ್ಕೆ ಬಾರದಂತೆ ಪ್ರೀಮಿಯಂ ಸೇವೆಗಳನ್ನು ಸಬ್​ಸ್ಕ್ರೈಬ್​​ ಮಾಡುತ್ತದೆ.

ಆರು ಆ್ಯಪ್​​ಗಳು ಜೋಕರ್ ಮಾಲ್ವೇರ್​ಗೆ ತುತ್ತಾಗಿದೆ. ಅವುಗಳು ಯಾವುದು? ಇಲ್ಲಿದೆ ಮಾಹಿತಿ..

Safety AppLock, Convenient Scanner 2, Push Message- Texting & SMS, Emoji Wallpaper, Separate Doc Scanner and Fingertip GameBox ಆ್ಯಪ್​​ಗಳಲ್ಲಿ ಮಾಲ್ವೇರ್ ಕಾಣಿಸಿಕೊಂಡಿದೆ.

ಇದನ್ನು ಪರೀಕ್ಷಿಸಿದ ಗೂಗಲ್ ತನ್ನ ಪ್ಲೇ ಸ್ಟೋರ್​​ನಿಂದ ಆರು ಆ್ಯಪ್​ಗಳನ್ನ ಕಿತ್ತೆಸೆದಿದೆ. ಬಳಕೆದಾರರು ಈ ಆ್ಯಪ್ ಬಳಸುತ್ತಿದ್ದರೆ ಕೂಡಲೆ ಡಿಲೀಟ್ ಮಾಡಿ ಎಂದು ಎಚ್ಚರಿಕೆ ನೀಡಿದೆ.

2017ರ ವೇಳೆಗೆ ಜೋಕರ್ ಮಾಲ್ವೇರ್ ಇರುವುದು ಬೆಳಕಿಗೆ ಬಂತು. ಇದು ಬಳಕೆದಾರರ ಸಂಪೂರ್ಣ ಡೇಟಾವನ್ನು ಎಗರಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಗೂಗಲ್​ ಪ್ಲೇ ಸ್ಟೋರ್​